蒲羅

营业中

休息中

主打新加坡菜式嘅「蒲羅」終於係樂富廣場開業🥳 望住佢裝修到開張，梗係要第一時間去試下😋餐廳裝潢光猛闊落，牆壁佈置都帶有亞熱帶風情🌴🦩 新開業難免有點手忙腳亂，但店員大致有禮，上菜速度還可以，要耐心少少😉《 海南雞飯 🐔 拼 喇沙米線 🍜》 $88 4 / 5覺得「蒲羅」真係好有心！對於又想試海南雞又想試喇沙嘅朋友唔洗煩，推出一個可以滿足晒兩個心願嘅餐😍😍😍👍🏻 份量十足，細食嘅兩個人𝗌𝗁𝖺𝗋𝖾都得😋 先講海南雞雞味鮮甜，唯獨雞胸位置比較鞋口，同埋肉身偏薄；油飯重油香，但略嫌飯太濕😜 另外最驚喜係喇沙！好香椰味，後勁微辣🌶 就咁湯底飲到都好濃郁蝦味🦐 雖然跟餐細碗配菜就唔多，但魚片、蝦，豆卜芽菜都一應俱全👍🏻 米線爽口又彈牙，掛到汁🤤🤤🤤《 娘惹茶燻鴨喇沙摻摻🍜 》 $76 4.5 / 5傳統娘惹風味🌴哩款喇沙湯底更有層次！一入口除左淡淡蝦香同椰香衝擊味蕾，更加入咗青檸同特製辣椒醬，甜、酸、辣一碗有齊😋而「摻摻」即係油麵同米粉兩溝，第一次試，感覺好特別，油麵質感實在，而米粉就索湯同較淋身，兩者軟硬兼備😋👍🏻👍🏻👍🏻主角茶燻鴨皮脆肉嫩，一啖咬落去「啵」一聲，茶燻鴨嘅油香會令你食到停唔到

見最近開咗一間新嘅新加坡 美食，即刻去試，試咗個老鼠粉， 來的時候是在瓦煲上， 以為是熱辣辣有焦香的那種，原來不是！有点失望 喇沙都是好一般！ 希望越大，失望越大！但飲品有驚喜 叫了一個柑桔檸檬蜜，超正未試過，也可一試無防！

新鋪開張試業中，但可能員工們仲未適應返工吧～服務態度真的很一般般，就算鋪入邊有很多枱(已清理好)，但仍然要人客們企喺門口等，總之枱有枱擺，人有人等……入座後，問落單員工喇沙可否轉淨米粉，木無表情地對答，再答多2句好似唔多願答。熱檸茶到問員工拎2包糖，其後亦有問拎2杯水，員工們都只答好卻不做，再問亦如是。最後問了位相信是老闆的人物才能拎到。食物味道唔錯，喇沙湯底夠濃，適合重口味朋友，下午茶餐嚟講，份量夠大，價錢58，59蚊，性價比中等，喇沙蝦啲蝦不太理想，得3片一半嘅蝦，其實比夠2隻原隻蝦都好過咁樣比吧？做得很寒酸呢～但相反地鴨肉喇沙又好足料喎，不過起初以為係鮮鴨肉，但完來係煙鴨胸……用只差一蚊嘅價錢就絕對唔會叫蝦喇沙囉～總括嚟講，味道唔錯，可惜冇咩服務，服務時態度亦麻麻，如果服務態度唔改善，相信會嘥咗間餐廳食物嘅優勢。

終於等到樂富有新餐廳，試業期間日日都好多人係門口等位，今日決定一開鋪就去試新嘢😙裝修都係木系樹葉為主，好有熱帶風情🌴Set Lunch Menu都幾多選擇，套餐包一杯飲品食物方面叫左兩個餐，分別係「巴東牛肉配斑蘭椰漿飯」$62 同埋「海南雞飯拼喇沙米線」$88，兩個餐都係揀左飲馬來奶茶😋巴東牛肉飯好快上菜，賣相同味道唔錯，斑蘭飯都有香味，但點知牛肉同飯係凍嘅😰呢個真係要扣分😵相反「海南雞飯拼喇沙米線」就好好食，起碼米線同油飯都係熱辣辣。海南雞無骨，雞肉多又好滑，油飯都係好香，三色調味料都唔錯，我好滿意呢個海南雞飯😋；喇沙湯偏辣，米線都爽滑嘅，不過蝦冇挑腸，有d嚇人😟呢個餐一次滿足我兩個嘅願望，份量好足，最後飽到食唔落凍馬來拉茶夠晒滑，偏甜，都幾好飲另外叫左一份「新加坡鹹蛋單骨雞翼」$48，等左差唔多30分鐘後終於上枱。鹹蛋黃包實晒全部雞翼，呢個雞翼好好食👍，等待係值得嘅🤩總體來講都幾好食，希望遲吓正式開業之後再嚟幫襯嘅時候，食到嘅巴東牛肉係熱嘅