蒲東小館 (九龍貿易中心)

营业中

休息中

年廿九今年屋企人相約黎葵興KCC依度再度幫襯之前都有食過兩次晚市 都唔錯的對上一年同樣都係叫依個晚市6人套餐果時食過 覺得都算抵食 唔錯今年同樣重遊舊地再度叫返依個6人餐食我地7位大人就叫依個6人套餐食我地揀咗半隻砂鍋雲吞雞自選A項就揀咗花雕醉雞同埋五香熏魚自選涼菜B項就揀咗木耳小菜A項揀咗韮黃鱔糊同獅子頭小菜B項揀咗火腿津白飯同麵就係瑤柱蛋白炒飯同埋上海粗炒松鼠魚炸得香脆 酸甜汁配搭開胃 （8/10分）半隻雲吞雞較普通 （5/10分）雞肉偏韌 雲吞中規中矩 史雲生清雞湯醉雞幾好食 酒味出 （8/10分）薰魚較硬 味道有煙薰味 但我唔識欣賞 但老人家食哂…涼食木耳一般 冇相鱔糊同上年比 分量較小但整體都好食 鱔條份量相對算多 （8/10分）獅子頭麻麻 咬落冇乜口感 好爛旁邊嘅菜好似未煮熟 及後叫師傅再煮煮去菜食得哂 但獅子頭淨了一個 食唔落 （2/10分）津白一般 （6/10分）蛋白炒飯味精偏淡 較小蛋白香 食落似淨白飯感覺 味道普通但偏空虛 （4/10分）粗炒夠火候 唔算太油 冇相 但整體還好（7/10分）最後上嘅甜點食落係糯米團口感 有小小桂花香但由於我地7位大人都食到好飽了最後都

預訂了這餐廳的晚餐，當日是星期五，七點來到，餐廳七成滿坐！可能是地點問題，當晚並不是全滿座！我們一行七人。點了一個六人$888自選套餐。免+1，$5茶芥！六人餐包括1.松子魚一條2.酸辣湯或雲吞雞窩3.自選三款涼菜4.是三款小菜5.飯或麵或炒年糕兩款6.水晶桂花糕六件松子魚先炸後上芡汁，酸酸甜甜，味道不錯！👍3款涼菜酸辣木耳-味道幾好！特色鳳尾魚- 脆口，但炸到有啲乾！醉雞- 雞夠滑！來到主菜-韭黃鱔糊，鱔都算多，芡汁亦很多，味道濃郁！-獅子頭，肉好削，感覺不好，拌菜煮唔熟，要拎入廚房再煮！唔建議大家叫！👎-火腿津白，芡汁太多，但菜很淋甜！飽肚系列- 瑤柱蛋白炒飯，一如既往的菜式，淡味！適合老人家！- 上海粗炒，唔算太油，味道不錯！甜品水晶桂花糕，但感覺係年糕加一些桂花汁！值得一讚嘅係我哋一共七人，套餐其實只係有六件，但侍應自動遞上七件給我們，係好細心同窩心嘅表現！👍👍👍👍👍👍整體環境清幽，光線充足，服務員態度不錯👍全日免+1 ！價錢優惠，食物質素一般，整體表現有7分！

和同事中午一齊食飯，都會嚟呢間餐廳，有午市套餐，好啱我哋推薦佢哋嘅擔擔麵，夠嗮重口味，可以揀辣度，湯底有麻醬跟餐可以揀埋小食，通常我哋就會揀唔同嘅小食一齊share，所以好抵食

蒲東小館琴晚同屋企人出去葵興KCC搵野食，見到水牌最吸引係呢間餐廳，於是去試下！呢間餐廳如果輪椅人士就要搭貨，客唔到2M層，要留意返！一入到餐廳見到無咩人食，心諗會唔會好伏，一飲佢哋個蕎麥茶覺得好香，上菜又快，唔洗10分鐘上哂7樣餸，牆上又有維港畫，餐廳又大，坐得舒服，好似包場咁，好正！👍👍👍1.四川擔擔麵$55（9/10）麵量算多，食得出有花生醬同肉鬆，仲有好多花生粒！2.川味口水雞$78（7/10）肉少多骨，唔夠辣！3.蒲東小館炒飯$78（7/10）量多，正常炒飯，無特別！4.肉碎粉絲煲$72（7/10）量多，正常粉絲煲，無特別！5.鮮肉小籠包4件$40（9/10）好平，皮薄多汁，正！6.牛肉生煎包3件$40（8/10）正常，無咩特別，算平！7.炸饅頭6件$35（9/10）好平，炸到入面好鬆軟，正！4人總共價錢$378，含$20茶位，有9折優惠，！個人口味總評分：8/10地址：葵涌葵昌路51號九龍貿易中心KCC 2座M04號舖#蒲東小館 #hkfoodie #hkfoodblogger #hkfoodpic #hkfoods #hkfoodshare #dessert #hkd

食物質數穩定 、非常有水準、服務態度非常好先後去了三次、試過不同菜色和套餐蟹粉炒飯花雕醉雞蟹粉小籠包蒲東樟茶鴨水晶桂花糕脆皮糯米雞翼魚湯羹水煮牛生煎包四川擔擔麵鎮江餚肉瑤柱芙蓉賽螃蟹蒲東小館炒飯松鼠魚當日睇餐牌二百幾蚊都覺得唔貴，咁諗比起外面食平多一百蚊 、咁就試吓啦、話晒都要功夫嘅菜、點知張單出到嚟、真係嚇你一跳，居然只係收68蚊！！！店長話做緊宣傳 所以做優惠🤭脆脆蝦角估唔到價錢咁平 但做得幾出色、值得一試！茶市仲抵食，不過我每次幫襯都係夜晚、這些都食過

餐廳環境好闊落 坐得好舒服 食物味道唔錯 款式新穎 好過唔少上海菜餐廳 午市都算抵食 一個套餐 包一款主食 一款小食 一杯野飲  性價比高 有機會經過呢頭既朋友不坊都可以試下佢嫁！排骨擔擔麵套餐$78呢碗擔擔麵個湯底真係勁濃郁花生醬味 係好香濃 加咗唔少肉碎 令到整體唔會好單調 陽春麵要讚既 時間煮到岩岩好 彈牙 煙韌得呢 係好掛到湯汁個種  可能佢個湯底係杰身 真係好好食個麵 。要彈一彈既係個排骨雖然炸得香 大大件 不過肉質就一般 好普通  另外要講 叫返小辣 佢個小辣以外既辣度 真係好辣 食個下唔辣 但後勁好辣 同埋會有少少影響左原本個花生醬湯底味 砂鍋獅子頭麵套餐$78獅子頭大大粒 今次係我第一次食 佢就係似炸過既大肉丸  咬開滿口都係濃郁既肉汁 肉好鮮嫩 味道好特別 有特別既香味 我個人口味就唔係太喜歡 但男友覺得好食 鮮肉小籠包 跟餐送皮一定唔係厚 只不過未算最薄個種 係中等偏薄 咬開係有肉汁 個餡就似菜肉包  唔差 中中挺挺豆沙鍋餅 跟餐送呢個好食 我地掛住食麵 遲左食佢 但係凍左都覺得好食 皮唔算脆 凍左之後硬左d  但個餡香甜可口 又唔會炸到好油 次次午市呢到都會點呢個

KCC呢度一向都係工商業區 今個週末行過呢度 想食返個下午茶 就嚟咗呢間蒲東小館 估唔到呢個下午茶餐性價比高都唔錯🤔排骨擔擔麵擔擔麵賣相真係幾唔錯 見到湯底嘅顏色就知道有返咁上下辣 果然食落比我想像中仲要辣呀🤣 排骨就比較普通 因為排骨係切開晒先去炸 雖然係比一般嘅脆 但係就冇乜肉汁啦😮雪菜肉絲炒年糕年糕比較腍 唔夠煙韌 雪菜肉絲就鹹鹹地 味道正正常常🐷 唔會太鹹 而且份量都算夠食凍豆漿飲到一半有少少薄荷嘅怪味😅 就冇飲晒呢個下午茶餐都夠晒飽肚 整體食物質素都正常嘅 不過可能位置比較偏僻 所以冇乜人食😂 啲人通常嗌外賣返屋企食

又到午餐時間，之前食蒲東小館印象都幾好，午市一個套餐，包小食，主餐，嘢飲。另外，之前食過印象中係$108 酸菜魚+麵/飯+飲料，味道都幾好，不過沒有小食，份量大份D。今次再去食，多左一個便宜D的酸菜魚午市套餐，打算試一試。結果平嘢冇好嘢。雖然多左個小食，但係酸菜魚無咩味道，唔酸唔辣，湯底都唔好食。唔建議。寧願揀返$108果個酸菜魚套餐。口水雞套餐就繼續保持佢嘅水準，都好食嘅

第一次來食，點左四樣野，漏左一樣。三樣野食已經夠飽冇再追落第四樣。第一樣系松鼠魚，上碟橙橙紅紅顔色唔錯，仲聞到啲酸甜酸甜既味道，望落同聞落都令人好有食欲。一啖落去無咩問題，正正路路既甜酸醬味，配埋紅椒綠椒同洋葱，正常配搭，炸完既魚口感亦唔錯。刀功就一般，同相有段距離，第一啖整體感覺唔錯。但食左幾啖就出事，成條魚有起碼2成肉系帶腥味，其他調味口感顔色香味有幾正常都冇用，有腥味咩都唔洗講。個人覺得松鼠魚冇腥味同刀功比較緊要，兩樣都未到水準，可以話條魚系唔合格。第二樣系炸饅頭，呢個有驚喜，炸得好，外脆得來入面系又軟又綿，點埋啲練奶真系一流。第三樣系獅子頭，比較少食，冇咩比較，只可以話佢既獅子頭夠晒份量，同埋食落帶有粽裏面舊肥豬肉既味，有冇人知點整到呢隻味出來？感覺系唔錯。

午市叫咗炒年糕套餐首先碟年糕等咗15分鐘先到嚟到仲要有至少三分一係硬到咬唔開明顯係未解凍求其整熱咗就比人我拍咗片顯示佢有幾硬，可惜 OpenRice冇得上載影片，唯有cap圖最後只能無奈地食少部分熟嘅冧少少嘅年糕個餐包咗一籠兩個小籠包但都係好普通貨色，一夾起就穿底漏湯就連凍豆漿都可以比佢整到冇乜味講完食評講返入座情況午市點幾鐘呢間垃圾都要等位可能因為星期五午市周圍都多人啦負責叫飛嗰位姐姐又混亂我地攞完飛，佢同我地講執緊枱轉頭入得好啦咁我地等多5分鐘左右嗰位姐姐突然叫咗我哋下一張飛號碼（人數一樣）咁我地梗係衝埋去問點解唔係到我地點知姐姐話：你地頭先入得架喇下？你唔講邊張枱又冇示意，我點入呀？總括黎講呢間野就係好混亂又難食又唔係特別平，員工態度都係好一般，無謂浪費金錢同胃口垃圾 大家唔好中伏

第一次幫襯同時最後一次幫襯食晏，食物質數正常無伏嘅～盡管食物質素會好到上天啦，佢地無服務都算數，態度仲要惡劣到一個點，叫聲你落個單，個額頭夾死蚊咁望住又厭惡又唔耐煩基本嘅禮貌同正常飲食業嘅態度都無，已經無更差嘅詞語可以表達真心唔推薦大家過黎食，時間容許可以去周圍行下睇過第間搵野食，真心服務質素極之惡劣，態度極之惡劣，完

此店負責執枱既長曲髮女員工態度非常惡劣，經常大聲辱罵食客， 咀咒食客。她聲大夾惡，三番四次咁阻住顧客傾計，衹顧自己收拾碗筷，一唔鍾意就亂咁發脾氣大聲鬧食客。這間餐廳並沒有服務可言，俾錢食餐飯都仲要俾人係咁鬧。餐廳的食物、環境一般，但員工的服務態度極差，永遠不會再幫襯，因為食完野都背脊骨落。本人從不寫食評，今次係第一次，衹希望大家唔好同我一樣惠顧後得到同樣遭遇。如果想貼錢買難受，不妨嘗試，但後果自負。

有朋友去過堂食覺得一試難忘，我地今轉就叫外賣直送，睇下會唔會一樣keep到水準！賣相依然吸引，不過覺得餃子皮有點厚，但味道不錯。食得太油膩就點都要叫d清淡菜，這個味道可以。小籠包要讚，皮薄汁多，好好食，仲係好熱送到！花雕醉雞絕不馬虎，酒味好濃，浸著很入味！喜歡花雕酒的必點！味道很好。有辣味，食到底部有d 油，烏冬口感有d粗身，但味道真的很不錯。茶醬鴨份量少了點，但味道可以。酸辣湯偏酸，上菜就嫌有點不夠熱度，可能是因為麵比較凍，浸入去中和了熱力。炸饅頭是世界級的好食！外脆內軟！好夠熱，好crispy! 好好食，到而家都仲好記得個味道❤️❤️❤️

. 抵食午市套餐🍜🥟返工lunch hour去食好多人😵‍💫😵‍💫😵‍💫，但味道都ok，🤔🤔🤔但沒有驚喜，唔算好食，但唔會話難食，但如果唔係返工近都唔會食🤣🤣………小龍包：皮都算薄，多汁😋4/5鍋貼🥟：外脆，有肉汁，但皮偏厚😋3/5膽膽麵🍜：份量大，可選辣度😋3/5排骨🐷：份量適中，微脆😋3/5……….抵食：☺️☺️☺️☺️☺️5/5衛生：☺️☺️☺️☺️4/5服務：☺️☺️☺️☺️4/5……….

其實呢間係葵興KCC入面，夜晚間間舖都山門既時候，想食平野就食呢間。而佢既炒飯係次次必點😎今日又去叫外賣細細粒瑤柱肉仲有好多既雞肉🐓好足料。粒粒既飯都包裏住醬油，唔太咸但好香，仲有啲蔥花點綴，好似有啲健康既感覺。其實炒飯只要係乾身就已經贏左成條街🔥回鍋肉飯，用薄豬肉片炒就少左口感，少少辣無咁地道，因為肉薄，所以無乜特別。飯都吸左油，偏油，變左油飯🍚雖然有菜，都變左油菜🥬有啲油膩，如果佢可以分盒裝就行不過就唔太環保😂