影片
【湾仔区】【蒲仙味卤面】喺天后𠮶边等时间过，反正未食嘢，可以喺附近食吓嘢先。见到呢间好似系之前喺尖沙咀食过嘅福建菜，当时觉得一般，咁今次都畀多个机会佢哋，睇吓会唔会有惊喜啦。入到去发现佢哋间嘢都冇乜人，不过平日下昼可能差啲。而正値下昼，就有下午茶餐。叫咗「下午茶A套餐」，系 $48 嘅「原味鲜肉扁食汤小份」配「炸扁食」，前者有十五只小云吞，味道都唔错㖞，香港都开始多咗地方有小云吞食，系好事。而后者有八粒，炸得都够晒精致，仲有个鸡酱有得点嚟食，以下午茶嚟讲，满足晒我呢个小云吞控。个餐仲有「豆浆」，就正正常常冇咩讲。我最想讲嘅反而系之后叫嘅𠮶碗 $48 嘅「福州手工鱼丸汤」，一碗嘢成个餐咁贵，得六粒福州鱼丸，但系就系𠮶个味喇。仲记得我细个喺荃湾某间店都成日食，非常过瘾，令我回味无穷。呢 $96，我觉得非常抵畀呀。。。（地址：天后电气道66号地舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：油尖旺区分店：1am1607#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #天后 #蒲仙味卤面 #下午茶 #原味鲜肉扁食汤 #炸扁食 #豆浆 #福州手工鱼丸汤 #1am1797 #1ambackup
继续阅读