蒙古拉麵 (已結業)

今日收工落車,行過見到有牛肉餅食,就入去試下~!坐底睇睇餐牌,發現竟然有牧然牛腩飯,一於試下!聽到老闆大叫:牛腩飯!個心都無覺得咩唔對路.....點知個飯一到,即時嗅到一陣牧然味,不過就係這一陣味,跟著再吃時已經完全沒有牧然味了.....(難怪老闆只叫牛腩飯)食晒成碗,完全同一般的牛腩飯無分別,唔通那牧然香味係噴在飯上面的香精?跟住牛肉餅......沒什麼驚喜,肉汁係有好多,但唔代表就係好食.反而只係攪到我一身都係....肉質唔太新鮮,明顯地想學九龍城某牛肉餅,但有雲泥之別.....價錢又貴,一碗牛腩飯已經要價28元,再來一件牛肉餅:10元一杯豆漿:8元(最好味係呢個,雖然甜左d)成餐飯要46元,物非所值,下次唔會再去,寧願去九龍城係正宗既!

上星期四，收工順便去旺角個客度，去完有點肚餓，搵啲小食！旺角真係大把小食，令我花多眼亂！Oh! 雅蘭２期對面，有間蒙古拉麵店，睇吓無妨！蒙古牛肉餅 $10 有交易，況且食些少嘢都夠！蒙古牛肉餅 $10雖然個牛肉餅好似杯蓋咁細，但係俾個頗大嘅碟。原來有原因，事關一咬開肉汁四溢，即刻流到成碟都係！薄薄嘅餅皮，包住厚厚嘅牛肉餡，加上少許蔥粒，肉汁鮮美！不失為一個美味兼醫肚嘅小食！

夜夜地，小小肚餓，經過這裡就試一下。不想太多，就試餐牌推介蒙古紅燒肉拉麵和蒙古牛肉餅。蒙古紅燒肉拉麵 $30 - 紅燒肉味道普通，湯底就有頗重的胡椒味，可能這就是蒙古風味吧~ 拉麵的質感ok，頗爽口。蒙古牛肉餅 $10 - 外面餅皮煎得幾香，裏面頗多牛肉餡，很多肉汁流出，幾惹味~

果日整完牙準備搭車番屋企, 行過見到有間蒙古拉麵, 見佢人少少唔駛等位咪入去試試, 見佢主打牛肉餅同拉麵, 當然要叫黎試下啦, 牛肉餡餅唔算厚皮, 不過肉汁真係唔少, 但係暖暖地唔夠熱, Angel叫左個手撕雞手拉麵, 一睇同平時炒雞柳果D無咩分別, 好明顯有切口, 叫咩手撕呢, 我果碗蒙古羊手拉麵重弊, 果D羊肉好似超市急凍咁都不在話下, 味道都唔緊要, 但係羊肉碎濕濕無塊完整, 好似人地食剩執番上黎咁, 睇到都唔開胃, 麵同湯底都只係一般, 味道偏淡, 反而紅油抄手個汁醬做得唔錯, 香辣帶甜, 不過上面D生蒜就唔駛咁重手, 總括黎講, 小食水準可以接受, 但係手拉麵就真係物非所值

途經旺角雅蘭附近，見到以前「公和」的舊鋪位，變了一間新店，名為蒙古拉麵牛肉餅；對蒙古的飲食文化所知不多，相信在大漠草源生活的人，不擅種植小麥，水源供應也不穩定，和麵食文化總覺聯繫不來，同樣曾流行一時的龜板狀蒙古烤肉，也屬穿鑿附會之說。既然見到，也是有緣，選擇入店坐下，原來這裡仍然由公和集團經營，也有點口渴，先來一杯凍豆漿來解渴，其老店的豆製品到現在仍有不少支持者，八元一杯之下，還喝出一點豆味，略嫌甜了一點。廿八元一碗的羊肉拉麵，很快便送到桌前，看每條麵條粗幼十分平均，一看便知麵條不是即叫即拉，吃不著那種很有活力的韌性麵質和小麥香氣，有點期望過高了。總算麵條來貨不俗，加上淥灼的時間得宜，麵質大致爽口，不會有呈現過軟的口感。繼續品嚐下去，湯頭呈現淡淡的淺啡色，只屬普通的豬骨湯底，羊肉更是凍肉店容易買到的機刨羊肉片，始終在香港不以羊肉為主吃，也難吃到手切的肉塊，湯底混和煮熟的羊肉片，總算有點羶味，以這樣的價錢來評價這碗麵，還是合格之上，離精彩出品尚有一段距離。這裡另一賣點，有供應那清真風味牛肉餅，那可是九龍城名店的出名小食，據知也有好多經營單位嘗試「仿製」，十元一件的出品火速送到，論九龍城那

前日去左呢間野食晏,基本上冇裝修可言,入到去叫左個手撕雞麵,$25送豆漿,都ok抵,不過味道方面就唔好強求啦,一般啦,係d雞o既雪味比較勁姐,但佢杯豆漿又真係唔錯wo,好香豆味,不錯.

10蚊係旺角可以食乜野?一兜瘋薯? 一個武大郎? 定係兩串肥姐呢?黎呢一間店10蚊只食到掌心咁大個餅仔值得嘉許既係，佢真係即造，好熱好多汁不過~ 10蚊得手板咁大個餅仔皮係就係薄，弊在薄到連舊餡都裝唔實，穿鬼埋餡都幾多咖，但係就食唔到肉既質感，同生竹牛肉果D口感差不多啦更加唔好講佢一D蒙古風味都冇:S5蚊的話必食，6蚊的話食得過，7蚊的話要諗諗先，10蚊的話我點都唔會再食其餘既環保佢又唔係好~凳都唔好坐，服務佢又冇乜，遞下野咁所以10蚊真係比多佢

上星期六放工去了旺角, 試左一間叫蒙古拉麵既食店. 位置不算有利, 看到它真是好運氣. 同女朋友二人點了三樣食物: 生牛肉拉麵, 牛肉餡餅, 紅油抄手.生牛肉拉麵 _ 賣相十分平凡, 但湯底味道很濃骨味, 麵質亦能吸取湯底味道, 好味!!牛肉餡餅 _ 熱到燙咀, 咬開流出很多肉汁, 餅皮不算厚, 好味!!!紅油抄手 _ 抄手本身賣相及味道與燕餃差不多, 沒有什麼特別. 但汁水不錯, 小辣帶甜.溫馨提示: 可用紅油抄手汁水與去了湯的拉麵混在一起食, 另一番風味!!! 店主可以考慮一下作新菜式!!~

今日, 難得一家人出外食飯, 聽朋友講, 旺角公和轉咗餐, 變咗賣牛肉餅, 我的最愛...., 平時好難得 媽媽會同我同細路妹去九龍城食, 依家旺角都有得食, 實在太開心了... 因為媽媽好喜歡去旺角行街....咁我就可以有多D機會去食. 牛肉餅: 好多汁.同九龍城一樣咁新鮮熱辣,因為我有多次經驗，所以今次唔會食到肉汁四圍飛, 先"棟企" 個餅一陣間再咬落去. 當我輕輕咬下,皮薄又軟熟,牛肉質地相當鬆軟,肉汁濃郁, juicy到震. 肉質偏冧但係又唔會散..... d牛肉好似塊麵包咁吸住d汁,好食到不得了. 我地每人食咗兩個..... 花彫醉雞 好香花彫味, 我好想食, 但媽媽唔比我食, 佢自己一個食晒....佢重唔比我放佢張相, 因為佢太靚.... 秘制鹵牛肉麵見 到張相嗎? 我細路食晒D牛肉都未食晒D麵.咁大家都知有幾好食. 紅油抄手辣味一流, 我家人個個都唔食辣, 又係我食... 羊肉拉麵一D都唔SO, 好好味道.

昨晚同男朋友行去旺角郎豪坊SHOPPING , 見到郎豪坊內的餐廳無乜驚喜, 所以就行到山東街, 發現舊的公和豆品已經返新, 連餐牌都轉了, 依家尊賣麵, 同牛肉餅. 乜原來唔係得九龍城先有得食牛肉餅嗎? 入到去, 發現個個都食牛肉餅, 好像很好食, 所以我同男友叫了一個來試食, 嘩! 超好食呀!皮酥,餡滿,咬下去肉汁擠得滿嘴都是,而牛肉既份量頗多,最後連汁飲埋, 所以...我自己一個食晒....哈哈! 要再叫過比我男友....雖然要等幾分鐘, 但都係直得的. 我再叫碗羊肉手拉麵, 嘩, 手拉麵原來係即叫即拉, 見到師傅拉麵拉到拍拍聲, 掛住睇, 都唔記得影相....羊肉麵有濃郁的羊味, 但一D都唔SO, 正! 我男友叫左個酸骨拉麵, 酸酸地, 幾開胃! 同九龍城清真比, 差唔多, 但旺角交通方便. 因為我好喜歡去旺角shopping, 下次可以再來食..

同同事見到有間新野所以試下, 入到去先知道午市沒有 set, 一樣要散叫, 一般麵食要 $28或以上, 沒飲品, 散叫豆漿要$8, 我唔好行去7仔買包野飲先$5...算, 入左來走唔甩, 一人點一款麵, 點知個麵份量很少, 一般女仔食都只得3/4飽, 餸又少, 羊肉麵得羊肉片 4,5 塊, d 羊肉片仲要係白洽, 都好無誠意wor 糖醋排骨得5 ,6 粒, 味道ok的.總結係如果午市 keep 住呢個價錢呢個份量又沒包飲野, 我地所有同事都會唔再去!!

本身住九龍城,每個星期都會去清真食牛肉餅,今日同女友去雅蘭見到新開入去試食,点左牛肉餅,餃子,黃金大餅,同羊肉拉麵 牛肉餅有清真八成水準,比馬家優勝,但牛味稍淡,可能豆份多左D生煎餃子,唔同出面蒸完再煎,肉汁鮮甜黃金大餅,呢個經典呀,食完唔會黐牙羊肉拉麵 湯底味道夠清,麵粗幼適中,夠咽韌,羊肉片只可說適中平價之中食物水準都可以......

個多星期前路過這裡,看見原來舊址的公和已結業,另一間新店正在裝修進行中,穩約看見新店賣的是蒙古拉麵!看見店名這麼特別,心中已決定待開張後要來一試.這天晚上便約了友人來一嚐這羊肉拉麵,入內坐下感覺到不到是新裝修,難道是為了省錢而用回上一手檯櫈?牆上仍貼著公和荳品廠?再望望餐牌才明白,原來這麵店是"公和飲食集團"的蒙古拉麵牛肉餅!但餐牌上的全是上海麵食及小食冷盤.一心來到就是為了吃蒙古拉麵嘛!於是誓不低頭堅持點了餐牌上唯一的蒙古牛肉餡餅及蒙古羊肉拉麵.而友人則要了雞絲粉皮及秘制鹵牛肉拉麵及每人一杯凍豆漿.蒙古牛肉餡餅----明顯是向清真牛肉館致敬之作,面層金黃底部是煎燶了一點,輕輕咬下並沒有爆汁而是從底部漏汁!牛肉餡料味道尚可,這件餅只複制到原版的三成.蒙古羊肉拉麵----湯的味道偏咸師傅下得重手,即場手拉的麵條咽韌彈牙確是不錯!只得數片的羊肉全無羶味,與吃普通的肉片沒甚分別,最不幸是沒有辣椒油而只得咸味蒜蓉辣椒醬供應,下得愈多咸味愈重.秘制鹵牛肉拉麵----看見這幾片鹵水柴皮牛腱,是連相也懶得影.凍豆漿----一貫公和出品.雞絲粉皮----除了拌勻後是油份多一點外本是味道最正常的一樣,但