葡點茶餐廳 (已結業)

下午已經4點幾肚子餓,看見完全沒人,不用等的情況之下試一試.結果還真的不錯.服務員都好好人,讓我們點最後一份下午茶餐.那時候已經5點.無咩人傾計真系好正!!!!大大只雞腿,好多肉多汁.沙律也夠新鮮.肉醬意粉,好多醬,下午茶分量剛剛好!即磨咖啡,阿華田,都好喝不會太甜.總結下午茶的價位,這樣的套餐,真的已經很不錯,主要環境真的很好!

咁岩黎呢頭 睇到呢間美心特別店, 之前係太古食過一間美心特別店(非本名), 真心好食, 今次都博下睇下好無食(平時唔食美心), 午餐叫左碗喇沙肥牛參參, 一入口即係唸起另一隻即食麵, 係好食, 不過無乜意思囉, 啡咖ok, 約$50 無下次🙄

屋企人話要試吓小店，所以走去試呢間火鍋任食，貪佢夠平。不過食完之後，唔算嘴刁嘅屋企人話其實真係好普通，亦都唔算特別好食，因為肉類肉質將貨就價，都難怪嘅始終咁平。先講價錢，真係好吸引，好平民，晚餐有60幾蚊至到90幾蚊不等。湯底仲有好多款選擇添，新鮮感十足，配料可以去凍櫃自取，飲品嘅選擇比較少。六點去到唔需要等位， 限時一個半鐘，其實都唔係幾夠食，都係果句勝在夠平，但係品質真係好一般，個人意見不如食吉野家仲好啦。

今天又再來試多次，目的是來試埋另一款牛肉，看看質量如何的？上次介紹過，所以餐廳內的環境不再多介紹啦，開餐緊要！叫左一個鮭魚清湯，這個湯幾清甜，不錯；另一個豬骨濃湯，本想試冬蔭功湯的，但又怕太辣，還是下次叫家人試，所以還是叫番上次的豬骨湯較安全。豚肉同上次一樣薄切，肉質一般，唔好滾咁耐，會好鞋架。今次叫左極上美國牛肉，比美國牛肉貴$20，油脂分佈不太多，肉質食落都稔滑的，好食過美國牛肉好多，唔鞋，因我不太喜歡牛肉太肥，會令到湯底好油，這款都幾符合我的要求，兩款牛肉相比，真係一分錢一分貨。自助站的配菜款式有十多款，不停添加及有轉款式，算唔錯。飲品機有烏龍茶和綠菜左好多配菜選用出前一丁麵及噹噹烏冬，不錯啦。今次消費比上次貴$20，都算經濟抵食的。餐後總結：========同屋邨商場內以食火鍋為賣點的另一些連鎖店來比較，肉類質量的確較遜色，幸好配菜及飲品是任飲任食，彌補番不足之處，亦可得到“擦得”的捧場客支持的。無論收費和食物質素都算唔錯的，是幾抵食的，值得一試。

在屋邨食肆來說，這兒是一個小亮點，這店舖前身是MX快餐店裝修後間出來的。每次行過門口都話想試下這間店D野食，因店舖營業時間至晚上9:30，比較早關舖，對於我這些夜食飯的人來說，每次都唔夠時間試。今天終於趕及來食了！要展開 90 分鐘的口胃激戰了！店舖唔算大，環境都算優靜，室內光線充足，有舒適感，一D都唔侷促，裝修雅緻又有心思，還間左房添。是食火鍋的，價格好大眾化，勝在配料和飲品任飲任食。叫左一個豬肉餐，因落單後才切的，所以上枱時還有少少雪在上面，肉片切得好薄，不要烚咁耐呀，否則會鞋，肉質都稔的， 可接受，這個價錢，不能要求咁高質量啦，但份量略嫌少左D。到牛肉啦，我叫左個平的牛肉餐，落單時侍應也有同我說這款牛肉比較瘦的，真體貼， 明白的，即是會較鞋啦，有心理準備，牛肉也是薄切及也有少少雪在上面，真的好瘦，份量比豬肉的多D，肉質真的比較鞋，侍應也有前來問我怎樣，我說真的鞋左D，唔緊要，同其他食牛肉專門店最平那種價格都差不多的，下次有機會就試另一款極上美國牛肉，相差$20，睇下係咪好食D。一杯綠茶，一杯烏龍茶。一個豬骨湯底，一個蕃茄湯底，湯底都正常的，不會太淡，味道都0K，但如要加湯只是加清

我揀咗鐵板餐包湯，牛油豬仔飽同埋飲品餐廳環境唔錯，算係乾淨的一類員工亦好有禮貌食物份量好足夠，肉亦唔係難食唯一係湯，無味嘅，亦好水，湯面仲有少少油，不過好多茶餐廳都係咁嘅，但係稀到水咁就見得多，有油喺面好似無見過，好似飲緊奶白色有磨菇粒嘅水仲幫你加咗啲油調下味咁我係一個唔鍾意浪費食物嘅人但係我都真係飲唔落去，淨咗成半碗

幾鍾意佢d套餐，不過琴日去食，d豬仔包牛油有d少，杯雜果賓治真係超級難似，好似車厘糖同藥水味，地下拖唔乾淨，周圍有蚊，個扒好似冇咁好食了。d水擺左成日有陣味，其實我覺得要飲先斟會好d,質素差左少少比之前。

經常吃葡撻但卻從沒嘗過葡式主菜，這次終於有機會一試開業不久的葡國餐廳。喜歡吃肉的阿弟立馬選了乳豬飯。當侍應生從廚房拿出大大份的乳豬飯時，大家都異口同聲地說：哇，這麼大份呢 !頗為大份的乳豬件上是烤的金黃香脆外皮，從視覺上已經感到滿足。乳豬底下的並不是普通的白飯而是雜糧飯，吃起上來陪添口感。旁邊的沙津跟胡麻醬正好用來減少吃完一整件乳豬的油膩感。可是隨碟附送的醬汁酸酸咸咸的味道有點怪，個人則不太喜歡。另外還叫了一客雜扒餐，份量同樣是十分足料。豬排肉質尚算軟腍，腌料入味，整體不過不失。隨餐附送的龍蝦湯大大碗而且味道不俗，對得起這個街坊價。

長發商場自從裝修後就多左好多餐廳，間唔中都會過來食下野今日諗住食美心之際望見呢間餐廳，原來同樣屬於美心集團，我都好耐無食意粉，好啦，轉下陣試下啦餐牌都幾多選擇，咁我就叫左香煎牛排鐵板，有餐湯同熱飲，$80都萛可以接受啦盤面上睇落去較稀疏，菜都係得幾條，睇落就無咁靚，塊牛塊都叫易切既，不過唔太夠飽，咁就唯有加多個小食，$20佢啲小食都好似好多選擇，原本想叫雞翼，但係二款今日都賣哂最後選擇左個香草茄汁焗茄子，茄汁太濃，芝士味較少，萛啦，都預左唔太好食所以今次比OK啦，不過都希望有更多改善，始終多一間選擇總好過無野選擇既

中左伏既一個晚餐。同朋友一齊食，我地大家都叫左個意粉，但個意粉係唔熟。有幾條係唔熟，咬落去會感覺到好硬身。除左意粉唔熟之外，個龍蝦湯，係完全唔得。飲第一啖，就發覺出事啦，個湯係腥到無龍蝦味，超級後悔，寧願叫餐飲算。諗住食住意粉，陣間先再飲下個湯，點知仲大獲。個湯放左一陣，就變得更加腥，最後成碗湯飲左幾啖，就無再飲。所以去呢度食，千期唔好叫意粉同龍蝦湯，其他就唔知，因為未試。

長發商場終於有間似樣D嘅餐廳， 屬美心集團。 好光猛整齊又乾淨， 上個月去食因為新開張好多人， 熱情過後已經少咗人嚟， 今日來第二次，下午l點左右到， 唔駛等好耐就有位。 今天終於食到個招牌菜A餐乳豬配蔥油飯， 最好味不是乳豬是個飯: 飯粒分明 有白米和紅米 加咗蔥油好似食緊煲仔飯 ； 乳豬皮部分脆部分硬 ，肉不多但肥膏都唔多；沙律菜鮮甜爽脆個汁調得剛好。另外一個值得推薦嘅是（上次食）B餐炸bb雞，  可以選配沙律、 意粉或飯， 唔駛想一定是揀沙律。 隻雞外脆內嫰，一切開就有好多汁湧出來。最後一個要推介是（上次食）公司三文治 ，有很多料。 每個餐只可選配餐湯或餐飲是但一様 ， 每次嚟都喺龍蝦湯，上次幾好，今日麻麻地。

最近長發商場的美心快餐經過裝修。。。裝修後美心快餐這間餐廳一分為二。。。。一部分是依然是美心快餐，而另一部分便是吃葡國菜的葡點。。 對於一眾街坊來說，能夠多一間吃不同風味的餐廳。。當然是一件喜訊餐廳內部的座位數目都可以。。。而且是新裝修的關係。。。感覺較為新和光鮮。。。 但這間餐廳是十一點半才開始營業。。在十一點半之前的時間是供給美心快餐的顧客食用美心快餐嘅食品。。。。在十一點半後才會正式分開，售賣葡點的食品葡式這裡的餐牌都是全日供應。。。所以只要在十一點半後來吃，無論吃午餐，下午茶或是晚餐。。。都是同一個餐牌。。。餐牌內可以看到有多款特色套餐。。。很多都充滿葡式風味更有小食和葡國最著名的馬介休配時菜可供選擇。。。而這些食品的價錢也十分合理，不會收費昂貴更有一些飲品和三文治，多士等選擇。。。所以這裏的食品數量雖然不會太多。。。。但這些食物其實也已能夠迎合一般大眾的要求我們點算要兩客餐，再加了一個小食。。。在套餐內我們點選了配以餐湯。。。第一眼望餐湯時，我們還以為是一般的羅宋湯。。。但當飲起來的時候，感覺是海鮮湯。。帶點鮮味，清甜的感覺。。。更有點點的龍蝦汁味道。。。雖然不是說十分濃郁。