影片
招牌菜
我前两日刚刚行开顺天邨，十一点左右，原本想去大快乐食埋午饭，话仲有半个钟先午市，结果就去咗呢间帮衬。叫咗黑椒牛肉饭，正常人梗系念黑椒汁再加牛肉。佢𠮶个黑椒汁，我真系希望教育下佢，系平时生粉水蚝油汁茨再加黑椒粒。我唔计呢个唔系平时黑椒汁，黑椒味根本冇用啰个汁到，亦同大家认识开嘅黑椒汁唔系同一种味。呢世唔会再帮衬。
继续阅读
～ 晚餐．枝竹豆腐斑腩煲、杂烩炒河、肉丝炒面、粉葛果皮猪骨汤配冻柠茶同冻奶茶 ～🐟 枝竹豆腐斑腩煲 👉🏼 炸粉厚道啱啱好，真正斑腩并唔系鲶鱼排做出嚟，份量多，枝竹同油炸豆腐好入味，但整体味道偏咸。🫕 杂烩炒河 👉🏼 河粉软滑，内有瘦叉烧、猪肉片、鱼松、鱿鱼、猪润、芽菜同白菜，非常多配料，味道刚好。🍜 肉丝炒面 👉🏼 炸脆面底，半边淋上芡汁，一边脆一边腍，香口，大量腍滑猪肉丝同脆口芽菜，味道唔错。🍲 粉葛果皮猪骨汤 👉🏼 免费任添，无味精，落足料。🍹 冻柠茶 👉🏼 茶底浓，大杯，叫炒粉面可跟餐加12蚊，原价17蚊杯。🥛 冻奶茶 👉🏼 茶底一流，所以都几好饮。㊙️ 个人评价 👉🏼 抵食同好食嘅平民茶餐厅，汤水任饮重要免加一，有隐藏海鲜餐单，每日唔同。💸 埋单免加一 👉🏼 ＄180🏡 地址 👉🏼 观塘茶寮坳顺安道9号顺天村熟食档 5-8号☕️ 一个人的餐桌 一个人的孤独 请我饮杯咖啡 浏览下网志 谢谢
继续阅读
比较忙，无时间食午餐终于到3点3，食个下午茶休息一下要个双并面、奶猪猪沙嗲牛味浓又够淋滑，红肠正常品质数食晒个面到奶奶猪一口，忍唔住woo左出黎～奶香、包又香又脆！！！虽然一面一猪都够晒饱今日有C6陪有空间叫多个西多士西多士绝对唔系随便叫的因非常高卡.....到左！真系无浪费我个Quote! 超正！！相机未影已啪左两件！即做系基本，面包够软、蛋又香～蛋仲入晒落面包里面！！！当然～奶茶精，到茶记一定要黎杯奶茶！饮野一般都会走甜走糖可能依个关系，仲要有冰觉得依款奶茶唔够香「茶、香都唔够香」整体都相当不错下次试下热奶茶！！**最后，有少少位想讲本人唔怕狗，都钟意狗但⋯⋯堂食其间不停有人将狗狗抱出抱入sorry, 我个人觉得不太卫生 **
继续阅读
屋邨茶餐厅 主要做街坊生意 间唔中都会买下午茶外卖可惜 啲质素一次比一次差 嗌左鸡翼薯条 、薯条西多士 跟可乐 盛为68蚊等左十零分钟 返到屋企 一开个盒真系嬲到爆 啲薯条份量极少 全部都系㶶晒似系翻炸完又再翻炸 三十零蚊一个餐 都唔应该系俾啲又㶶又干晒既薯条人 然后块西多士 得果啲啲牛油 无俾蜜糖 干啃 食左两啖已经完全唔想食 我见个姐姐入外卖袋之前 有拎起盒野同厨房讲左几句 我都觉得有啲奇怪 点知原来系咁做街坊生意都咁样 呃秤 食物质素又差 有无搞错 唔驶旨意会再帮衬
继续阅读
平时少去隔离邨食饭既，不过因为上礼拜二有啲事，同屋企人去左顺天度食晚餐。当时都6点几近7点，可能平日夜晚唔系咁旺+第二日系公众假期，睇落店内唔算多客。环境嘛⋯⋯普通茶记睇落干净就得，没什么特别。睇个餐牌，正常价位，50几蚊一个小菜咁、因为得三个人食，所以只叫左3个小菜同白饭就够。叫左碟咕噜肉、个炒白菜同避风塘茄子。啲菜好快就送到上枱，热辣辣，咕噜肉同炒白菜都一般正路野不过不失，唯独推介个茄子，外面上少少粉浆再炸一炸，然后加埋炸蒜、辣椒、同葱花炒到香一香咁，第一啖咬落去觉得唔系几够味既（不过真系好热），再咸少少就好喇。但系之后食落觉得茄子的大细同炸蒜配合得好好，好香口，而且好好送饭对于喜欢食茄子既我黎讲绝对系好评估唔到是是但但落街食饭竟然都有惊喜
继续阅读