萬豪咖啡室 (已結業)

之前個個食評都話依間既buffer好正,好食,點知上個星期終於有機會試下la~~不過冇諗過會咁多人,因為果日我早左一個星期訂位,但果個服務員都話我訂果日差唔多full,點知去到,全場full曬,我地我個bf就坐正係拎魚生個位既間隔離。去拎野食果時見到d蠔同埋龍蝦仲有蟹腳起新鮮,食落仲好鮮甜添~不過最衰果日我唔舒服,所以食左好少野,真係唔抵呀!!! 不過d甜都好正,食左一個雜果班cake,好滑呀,又唔係太甜~~雖然係貴左d,星期六,日要$360/1個人,仲要加一~~但都係值得既,因為好食~~

同老公的結婚週年紀念，揀間好野食！真的冇揀錯呢！星期一去食，都幾多人，我諗都唔係平，都咁多人的？成晚都食得好開心，每食一樣都覺得好好食！魚生的款式好少，有三文魚（好味！）赤貝同八爪魚！壽司就好多，有一個腐皮入面裝野的好好味！蟹子沙律好多汁！老公食到lam lam脷!!我本身對海鮮敏感的, 但都忍唔住, 食左兩隻龍蝦仔(好鮮呀~)同生蠔, 我怕腥的所以平時都唔食的, 但係果日食左好多呀! 雖然生蠔細細隻的, 但係一d腥味都冇! 只係得好味~熱盤方面, 牛柳好正, 以為咁厚好'un'啦, 點知又滑又多肉汁~ 仲有好大隻蝦炒貴花?, d蝦大過隻手指公呀~~ 又食左好多~ 沙律就樣樣都試d! 都好味!最期待係甜品!! 亦都冇令我同老公失望! 朱古力波波超好味! 又唔係好甜但係勁朱古力!! tirimisu一般, 但係有一隻細細杯的coffee味的cheese甜品, coffee味好香, cheese好滑! 蘋果布甸好香甜啦! 食左好多... 有排減先減得番... 後來仲食左碟水果:好甜的火龍果, 菠蘿, 西瓜同蜜瓜, 最後來杯coffee, 完美的一餐結束~service好好, w

同屋企人一齊食Dinner，大家都覺得唔錯。不過，大家都竟然覺得熱葷好過D冷盤(魚生、凍蟹、生蠔之類…)當日有個扣花膠及炆海參等等，都不錯。而意想唔到我都覺得最'正'係海南雞飯---其實係D好滑切雞(可能係鹽焗雞)配埋D香飯(雞油飯)，再加幾種醬汁。完全係一個完美海南雞飯！另外，鍾意飲湯我都好鍾意個磨菇忌廉湯，個湯好香好濃！P.S.當日，大家都食得幾開心！但唯一缺點係真係太多人喇！好唔容易先排到去食

上個星期一食左個dinner buffet, 因為有張唔知咩卡，所以一人免費，我同bf夾埋只係$432,,, 勁底.. 哈哈..d位有少少迫，果日都好full呀.. d service又好好，加水勁快...d海鮮真係好fresh，魚生ok啦，我都無咩點食，不過就食左13隻生蠔... my favourite.. 哈哈.. 佢有美國同澳洲，美國既大隻d，不過我就鍾意食澳洲既，雖然個賣相好瘦，但係我鍾意佢咸咸地，如果有法國既就重好.. heehee.. d亞拉斯加蟹都幾好，不過我只係食左少少，bf食得多d.. 蝦就無乜蝦味.. 重有佢個ceasar salad好正.. d菠蘿好甜好好味呀~~ 重有食左d咩呢.. 雪糕囉.. 普通咋.. d dessert我都係麻麻地.. 基本上熱盆都無乜點食，食左半塊牛肉同一個片皮鴨啦，但我都係鍾意d冷盆多d，ummm... 重有飲左個磨菇湯，ok啦.. 另外係韓國唔知咩湯.. 無乜興趣... 其實諗諗下真係食左好少野.. 好後悔無食多d蠔... yummy~~

今個星期男朋友仔生日, 見到你地話lee到好~咁咪book囉~ 開頭仲心大心細, 想揀第間酒店, 之後都係揀番le間, 識下囉! 去到見到d 野食都好靚好吸引, 一去到就想食甜品~哈哈! 當然冇啦~ 首先揀左龍蝦仔黎食~ 唔錯! 男朋友仔話d 蠔幾好食, 係愛爾蘭&澳洲蠔! 野食就唔係好多, 不過樣樣都好好食, 沙拉既選擇就少左d! 朱古力蛋糕& 雪糕至吸引! 還有其他的, 不過很飽沒有吃了! 另外, 佢地真係有得比件蛋糕同蠟燭可以比生日既朋友! 可以寫埋名tim, 比左個surprise 男朋友仔~哈哈! book位時講埋就可以了~overall~~~質數高, 貴左少少, 不過值~happy!

大半年沒有來,趁昨天星期日來個lunch,果然沒有令人失望.依然是一貫的看起來很少choice, 但大部份菜式都出色,這樣一點那樣一些,肚子根本夠空間.這次凍盤沒有龍蝦,但有加菲蟹,很鮮甜;生蚝是美國和愛爾蘭的,size較小,不算極品,但已相當好;魚生只有4款,當日以赤貝最出色,極甜,爽口.我在別處吃buffet少吃熱食,但在Marriot Cafe是例外.海南雞,釀帶子,蒸東星斑,烤羊架,椰子乳鴿湯,全都是高水準.甜品更不用說了,款色多,樣樣好味.個人當日至愛是士多啤利拿破崙,蘋果芝士餅和焦糖蛋白梳乎厘.2:30pm 完場了,但2:15pm仍源源絕的捧出新款蛋糕,令人驚喜.順帶一提,當日附送的芒果+橙汁極美味,更是無限添飲;還有小丑變魔術,派汽球,真是合家歡的好節目.加上極具水準的服務水平,$278一位,也覺得是超值!

女朋友生日,同我講:「我要食大餐!」於是我諗左好多餐廳俾佢選擇,最後佢選左JW Marriot食自助餐.6點45分去到.因為早一日book位,個位唔算好位置,坐waiter走黎走去放碟位附近.侍應全部都有禮貌,換碟斟水速度極快食物:其實除日本counter外,其他算好多龍蝦ok好食.三文魚普通,赤貝好食,生蠔新鮮好味.熱食:椰子雞湯女朋友覺得好飲.好濃椰子味,田鴨,乳豬、燒牛肉同海南雞係正野,其他我都唔得閒食.整體上每樣試d都算好多野食. 只係放得較迫俾人感覺少野食.沙律:新鮮蔬菜,good甜品:好多,我like蘋果類食物.當中有三款都係.其他mango pudding同蛋糕,tiramisu中規中矩.我自己帶左支candle諗住等女朋友有得吹臘燭,點知我整斷左極狼狽,最後都點到.My Grace生日快樂^_<個waitress見我自已帶,佢話可以早d通知佢,會預備一片cheese cake仲寫埋女友個名加happy birthday.佢之後都拎左俾我地再吹多次candle.好好service.如果有人生日又想食自助餐.我覺得依間好好.因為service同食物都好平均.唔會話其

睇完呢度d食評後, 都係唔揀Island Shangri-la揀萬豪.昨晚到萬豪後,原來真係咁少野食, 魚生太少選擇, 連我至愛o既三文魚只係食左兩舊就停手, 因為麻麻地, 一d都唔肥美. 至於另一至愛咖哩, 試哂四種,都唔係我杯茶.而我嗰幾塊乳豬有d燶味同太多脂肪,唔好食.凱撒沙律d菜都唔係咁新鮮.值得一讚係服務真係幾好,靚女waitress好細心,知道我生日又攞左件寫左happy birthday嘅cheese cake俾我,仲點埋蠟燭. 佢又好好笑容.我同男友都覺得佢做野做得好開心咁.雖然野食麻麻,但由於心情好,所以都食得好開心.

今晚抱住好開心的心情去萬豪食buffet,因為有張一百蚊coupon,所以月頭已經book左位去到見到咁少野食揀真係有d失望,不過每樣野試下發覺味道很好,第一樣要食當然係生蠔,一次過拎五隻,本來諗住拎埋男友o個份,點知佢去拎完野食時,我已經一口氣食晒五隻生蠔,從來都唔鍾意食生蠔的我,竟然吃得津津有味,真係鮮甜到不得了,但我好後悔,一開始係咁等佢開,到最後無人排隊佢開d jumbo size 生蠔,o個d仲好味呀,笨o左tim,一共食左十三隻,覺得自已short short地.要讚下三文魚,好肥美,入口溶化,可惜八爪魚好韌下,成件吐番晒出黎冷盤龍蝦仔幾有蝦味,起初本著一試無訪,又估唔到凍龍蝦都仲有甜味,但係凍細蝦就一d 味都無,好似亞媽煮唔記得落鹽咁,差!見到有我至愛的片皮鴨,梗係唔會放過佢啦,總算不過不失甜品雖然款式唔多,但係好好味啊!!mousse同cheese cake都超正,pancake亦好味,特別係d果仁,香脆無比,不可不提草莓千層酥,d 士多啤梨係大裝美國size o個d,粒粒都好多,又紅又甜,伴碟o個d都唔放過,但係有d人都幾缺德下,人家無件千層酥有粒士多啤梨,d人衰到將

睇食評見萬豪咁多好評，於是係情人節一個月前訂位。食物水準極高，完全係超出我地既期望! 差不多樣樣野都非常好食，尤其係D 海鮮，真係非常新鮮! 海南雞同D 燒味都十分出色。情人節當晚都只係每人$440 (連加一)，以咁高水準來計絕對物有所值。

隔了一年再度光顧. 價錢升了份量少了. 味道可口依然但不再過癮

昨天晚上自己一支公去吃, 評價是熱食和甜品都少款式但都幾好吃- 1) 咖哩羊腩的香味充滿了整個口;2) 蒸原粒帶子又大又好味; 3) 包北京填鴨不錯; 4) 咕嚕肉好入味. 凍食- 開邊龍蝦仔好有蝦味.可惜的是1) 生蠔雖然是即開的, 但係質素唔穩定, 有些新鮮好好味, 有些已"香"左好難吃; 2) 凍的全蝦和去了殼的蝦都沒有蝦味;3) 長腳蟹亦然, 沒什麼蟹味, 淡淡的;4) 雪糕唔夠凍, 拿到回座位已經融融地.呢個價錢所食到的這一餐屬於中規中矩. 更好的選擇是去兩間香格里拉吃一餐, 味道和質素差不多, 但款式和選擇多一至兩倍.

係lobby launge果個,原價$168+10%我有pccw尊尚會card 有8折,姐係$15x一個人埋單有咸甜點,魚生(吞拿n三文),壽司都有呀,仲有炸魚,芝士焗蠔同什麼巴拿馬蛋tart(係咸ge,入面有d 蟹柳絲,個texture好軟,推介~!),仲有d mexico spring roll都好好味呀,仲有d面包條點d cheese dipping係勁正...仲有點心,即整sandwich,salad果d........甜點仲多,有scone, waffle, tiramisu, 黃梅light cheese cake(個texture好似日式果隻),haggen daze(係一盒盒7-11 果d杯ge size),newyork cheese cake, blueberry tart , strawberry napoleon, 開心果cream cake(呢個好正,好香開心果味,仲有d napoleon 既texture),軟心chocolate cake (呢個個filling有d拖肥,都好正), 果仁tart...........,都未講得晒,仲有好多細細杯果d包men

聖誕節前夕0既星期日又貴左囉,要成$428(另再加一)。款式唔算多,但係味道好好，比較失望係cake 0既款式唔多,因為本人特別喜歡試食唔同0既甜品。因為唔鐘意食凍食,所以生蠔﹑魚生﹑刺身﹑凍蟹都冇食到,只係試左幾塊開邊龍蝦仔，但係都係鐘意熱食多過凍食龍蝦囉，所以就去自助面檔度揀左龍蝦仔做餸，除左新鮮龍蝦仔任揀之外，仲有新鮮大大隻帶子﹑大蝦﹑牛肉﹑各式菜等等，湯底有清雞湯同豬骨湯底，我覺清雞湯較咸，比較喜歡豬骨湯。揀完材料同面之後就可以交俾整面0既姐姐。另外炸蟹鉗好好食,成隻鉗都係蟹肉。試左好幾隻。豆腐蒸帶子都好食,唔止帶子,豆腐都好滑。斑塊﹑雪魚﹑燒牛肉﹑脆鴨﹑海南雞﹑燒味﹑咖喱菜式等等....因為我未試晒所有菜式已經好飽..........差唔多各項cake都試小小,冇咩特別印象，對於鐘意食甜品0既我有點失望囉~~~~~

點解一直大家對marriotｔ　都好高評價.. 忽然有連續既批評...起初我要想是否萬豪的質素下滑..但再睇..點解d 內容同用詞咁似既..