萬豚屋

营业中

休息中

此店SUPPOSEDLY以豚肉聞名, 但叫燒豚肉或豬頸肉都話賣晒, 唔係呀話?ANYWAY, 叫了個清酒忌廉汁大蜆作SUBSTITUTE, 想不到份量大, 蜆肉豐富, 又幾好味, 雖然食唔出酒味, 只有像芝士/白汁的味道小食還叫了餃子雞翼, OKAY啦, 我覺得函館果D惹味D好食D我嗌了個海鮮濃湯拉麵, 濃湯比較杰, 所以食落幾滯, 但味道真係夠濃, 充份滲透那些鮮蝦(仔), 魚柳, 青口, 帶子, 大蜆(又係), 不過個DISH唔夠熱, D 配料凍凍地, 拉麵較幼, 食落似公仔麵之流, 失望朋友嗌了石鍋豚肉烏冬, 呢個非常正, 不但溫度能一直保持, 個湯仲非常鮮甜, 厚切豚肉也佳另一朋友嗌了豚肉冷烏冬, 烏冬明顯地唔夠凍, 係一大敗筆, 但叫做有D口感, 同埋D薄切豚肉好味服務幾好, 加水好主動, 又唔趕客環境就係地道小店風情啦.

因为不是本地人,来香港每次都会去万豚屋.自己很喜欢吃美味的东西,所以每次来都会点很多菜.每一样菜味道都不错,虽然店不大,但都有自己的特色.服务态度也OK啦.价钱方面也可以接受.非常满意..

31/3(五) 6:30pm返學前約左男友黎呢間日式小店食飯,小店約有10-12張臺,裝潢似木色為主,燈光昏黃,有點日本味道.侍應安排我地坐卡位,但要8點半前交臺,事先交代清楚,我地樂意接受,而且我地亦吾會坐到8點半.我地要左東亞信用卡$88套餐:石燒豚肉烏冬,燒銀鱈魚,凍飲1杯,另叫蟹肉蟹籽沙律$42.石燒豚肉烏冬---一上壹湯已不停滾到起泡,湯頭呈奶白色,呷一啖,香濃鮮魚味,鳥冬扁身呈半透明狀,極之滑溜!而且相當彈牙!已有一段時間無食過咁上等既烏冬!豚肉入口即化!成碗烏冬簡直零缺點!燒銀鱈魚---魚身頗滑,但size偏細,味道尚可!蟹肉蟹籽沙律---亦是水準之作!醋汁dressing十分醒胃!啖啖蟹肉及蟹籽,配上生菜,爽口既紅綠海藻.值得推介!服務亦周到!除東亞有優惠,hsbc全日亦有88折(tea除外).埋單$143,strongly recommended!!!

老公同同事食過呢度0既烏冬，星期六LUNCH特登帶我來食...^^ 叫左兩個烏冬，一個豚肉烏冬，一個吉列豬扒烏冬，豚肉好淋好滑﹐一層肥一層瘦，好香好好味！吉列豬扒超掂，外表好似炸得濃左少少，但係咬落去肉質好鬆軟，外層的炸粉好鬆脆，熱辣辣，加埋沙律醬....超好味！烏冬質地非常彈牙﹐好味好味！仲有....烏冬用石碗上，可以保持全程都熱辣辣，非常好！！星期六$45唔收加一！抵到爛！！

第一次到此店消費，去到門口就有D覺得好貴的感覺，但打開餐牌一望,真係一D都唔貴，仲覺得好低食，二人套餐都係$158，仲有五樣野比你食,當中有凍豆腐、石頭海鮮飯、蟹肉焗西蘭花、燒肉拚盤、仲有兩杯野飲呀,食到我同我個FRIEND 不知幾飽呀~~~~~我地仲ORDER左兩個TIRA-MISSU，又係好味到不得了^O^，但聽該店的西裝哥哥講，好多客人都會早一至兩日預訂O架，最後埋單都係二百幾蚊，平均都係百幾蚊一位，都算低食啦，最後呀西裝哥哥...(好似叫EDDIE)仲送左一隻好鬼死得意的豬隻比我地，佢仲話隻豬會叫會走，又會看門口,,,哈哈，原來食滿$150就有一隻架啦，但每檯只可一隻,唯有下次再O黎食過啦。

(前晚第一次同老婆路過, 鍾意試新嘢的我,肯定試試) 我點了一個芝士焗黑芝麻豬扒飯,等了十幾分鍾終於到了55,哇好香芝士味,豬扒沾了黑芝麻,芝士同黑芝麻走到一齊,覺得好得意,值得一試. 我會再去試其他,如果好再介紹........

地方細D,不過食石鍋麵熱烘烘奉上,又幾特別;最鍾意食黑芝麻烏冬,連湯一齊飲,好好味呀！

這店是新開張的嗎? 竟然當了第一位給予食評的人..店的位置不在大街雖不難找. 但很少會經過.店子以豚肉做主打.所以點了芝麻豚肉拉麵和九州豚肉拉麵. 芝麻豚肉拉麵- 灰黑色的湯底, 配上津白, 半肥瘦的豚肉片和炒過的肉碎. 半顆玉子, 上頭放了一堆蟹子.看樣子還挻好吃... 再看看九州豚肉拉麵- 淺啡色的湯底, 灑了芝麻, 豚肉, 半顆玉子. 粟米. 筍片. 樣子也過得去. 只可惜芝麻湯和豬骨湯的味道均很淡. 沒有一般拉麵吃到的香濃. 麵也談不上彈牙. 連豚肉也做得平平無奇. 豚肉片吃下去像白灼的一樣. 沒怎味道. 九州裡頭的豚肉肥瘦不分明.也煮得不夠腍. 不夠鬆化. 麵吃到一半. 已吃不到味道了. 份量比一般拉麵店的少.價錢卻不比別人低. 胃是填滿了. 但卻得不到心靈的滿足.