萬豚屋

营业中

休息中

排名架勢堂，招呼好勉強，味道唔算強，加單莫妄想。排名架勢堂 - 絕對捉到香港人愛排隊的心理，日日幾十人係門口等，提升人氣! 招呼好勉強 - 入門前嗰句，每抬限食1粒鐘，個個都受過啦! 想加水就要睇你好唔好彩，D姐姐仔心情好唔好la。味道唔算強 - 好老實講，味道真係好普通，無乜特別，咁樣既價錢，大把好過佢!加單莫妄想 - 見到隔籬枱個哥仔食咗半個烏冬，可能發覺唔夠想添食，落單時個侍應姐姐話:「你重有5個字咋喎。食唔食得切，7點一定要交枱喎！....」諗深一層，佢用排隊輪候方式，其實係想客仔專心D，入座前先想好要食乜，因時間有限! 這種食店，真是一次就夠.. 要再來?!?!!... "打咩"!!!

成日經過都有人排下隊, 今日有時間就試試, 入到去令我已經沒有食緊日本烏冬既感覺, 因為店舗播緊joey演唱會, 真搞笑, 點解播香港歌但賣緊日本食品呢????- 黑芝麻味既豬豚肉石鍋手打烏冬, 我覺得冇咩特別, 豬肉好(鞋)冇味, 講真我覺得之芝麻味唔多夾, 烏冬亦並不特出,唯一好處個鍋送到過來湯還很熱- 豬軟骨手打冷烏冬, 冷烏冬比較好吃有軔度, 但豬軟骨亦很普通, - 燒玉子豆腐- 有四件, 但太薄,一夾即散 未食完想走, 因為播歌好大聲, 好痛苦

第一次去呢間萬豚屋, 亦都是笫一次當食評家 !!!!!今日係 boxing day, 同埋 Honey 出老尖買衫........行到七點零, 肚餓要食野.....記起幾個月前去過萬豚屋.......上次好慘, 排左一個多鐘, 因為上次八個人要等大台今次兩個, 條龍雖然都好長, 但 wateress 話笫十張台喎, 咁咪等囉.....等....等....等......40 分鐘有位啦!!!!比著平時? 等10 分鐘都無謂啦! 不過女朋友話like 佢, 等囉.......不過話時話, 呢度烏冬同朱手超好味.....等下ok 啦食後報告:**豚肉烏冬....................必食!!!!! 超好味!! **醬油朱手....................本人最愛!! **焗芝麻朱扒.............ok 啦! 有點肥........... **飲品...........一般................. d 台同位好窄, 超有日本東京feel....好大陣日本味..... 後記: 食食下有警察入黎, 以為乜事? 查牌? 唔係呀麻! 酒吧咩!!!!!!! 原來佢

上次服務態度勁差，黑面又無禮貌，但朋友想食就比多次機會!好在今次服務都OK鰻魚飯好味，只係份量較少 $6X!豚肉烏冬，上枱時仲滾下滾下，烏冬就好彈牙，湯底ok，但豚肉無乜特別，似煲完湯的肉。 $6X炸軟殼蟹，都幾好味! $4X味道雖然OK，但咁樣既價錢唔係咁值，食左唔係好多野每人都要$90.5, $6X就差唔多。

尋晚冬至諗住同老公去食飯慶祝下, 就選擇左le間成年冇黎過既萬豚屋, 因為2年前食過~~不論食物, 服務都不錯~好可惜....因為我知道le間野成日都要等位仲要冇得拎飛等~所以同我老公係佢6點開門既時候排隊入去行入去既時候~門口個個女侍應咩招呼都冇, 就咁同我地講一個鐘之後要埋單, 都ok冇問題~咁我同我老公入到去~佢又冇安排我地坐邊~我就揀左卡位~then個個女侍應就話le度訂枱先坐得~去第2度坐~第1~佢訂枱得幾張放左預約個個牌~第2~一句唔好意思, 一d禮貌都冇!!!!!!!!!第3~叫我地去第2度坐又冇招手個d~由得我地自己再搵位坐第4~仲要係我地坐到落去d卡位佢先講~佢見唔到我地行入去卡位嫁~間舖又唔係細都算~諗住d野好食由佢~因為之前叫烏冬都飽到食唔落其他野所以叫左小食~蔥唔知咩炸蠔(其實都唔錯~)炸軟殼蟹(失望!!!!!!佢好熱但係好''林'', 完全唔係軟殼蟹既口感= =)一口牛(味道唔錯~!但係過份熟.....)蟹子沙津(4樣菜...le個算係正常.............)但好老實講, 如果用咁既價錢可以食到好多好食過佢既野~~~我唔會再食le間野因為入面全部侍應都

拿了OR送的電影贈券，港島區不是沒有放影便是不得使用，本想到The One看，誰不知已不再放影，再查看網頁，要到旺角才有，還要是九時許那場，和太座相議後，決定放棄，連忙找個地方開飯，太座不想到傳統的中式酒樓，我提議到萬豚屋，因次次路過都見門外有人排隊，好奇心的驅使，想來一試。轉了入小巷，已見在門外的人龍，想試試這店有甚麼吸引，便甘於排在龍尾，與太座談這談那，過了大半小時才有位，侍應要我們八時交還，有一小時，應該可以吃飽。座位是迫夾的，隨便點了萬豚窩，芝士焗豬排和鰻魚飯。先來一個鰻魚飯，鰻魚的質素不錯，不是平常在超市買到的那種，用筷子挾下已知端倪，肉質有彈性，口感較好，醬汁味道亦不太甜，飯不似是珍珠米，與汁醬拌著吃，甚好！萬豚窩用一隻鐵鍋載著，下面用火酒膏熱著上，湯內有幾片帶肥的豬肉，豆腐，黃芽白，冬菇等，豬肉是鮮甜的，點了豉油吃更好味，豆腐是「百福」牌，因其邊位的盒坑紋已告訴了你，滾了一會的湯，味道更甜美。芝士焗豬排很遲才送來，用一隻瓷碟載著一件已切開數塊的的豬扒，上面用芝士焗，可能有點過火，邊位的芝士已變乾硬，緊貼實在碟上，而豬扒的外層是黑色的，可能是用了紫菜包著才焗，過熟的豬扒有點

差不多三年沒有幫襯尖沙咀的萬豚屋，想當年烏冬店在香港不太盛行，由於選擇有限，這裡的石鍋手打烏冬自然成為「網絡上的名物」，無論下午或夜晚，店外總排著一條長長的人龍，更長居 OpenRice 人氣食肆三甲之列，相當架勢堂！時至今日，萬豚屋的人龍已沒有以往的誇張，這也難怪，香港的連鎖烏冬店愈開愈多，論水準亦差極有個譜，人們何用為一碗烏冬折騰？先來的香辣赤麵豉厚切豚肉手打烏冬 ($68)，第一感覺是熱湯失去往日的不停翻滾的氣勢，再呷一小口，湯底重鹹輕辣，味道不算太搶，而烏冬保持滑溜，只是略欠了一些韌勁，或者吃過富久保的出品後，咀也變得刁了。店名是萬豚屋，豚肉的水準固然值得留意，肉質屬肥多於瘦，入口黏黏的，挺軟腍，尚算不錯！另一客是黑担担厚切豚肉手打烏冬 ($62)，黑芝麻湯底並沒有想像中濃郁，烏黑熱湯勝在夠滾，但同樣是厚切豚肉，水準卻完全相反，夾起時發現一件「奇瘦無比」，似足「煲湯瘦肉」的「所謂豚肉」，我和女友如何用力咬也咬不開，最後四塊肉只勉強吃了半塊，非常無奈。買單時，我們向女店員反映情況，但她並沒有作任何跟進，連最基本的回應也沒有半句，此刻只想起「每況愈下」四個字，深感婉惜！

6點45分黎到.人龍就已經出現了.E店冇得拎ticket一陣再番黎咁, 要真的企係人龍度等.又冇位坐.結果係d巷仔企左成個幾鐘, 先等到 (前面有4/5張only)!真係休克呀!FINALLY可以進去了. 有卡位!呵呵.門口有隻招財PIG! 可愛!和風鮮蟹肉野菜沙拉和風, 少少酸的汁,都幾醒胃. 看下去是好大好多的一豌喇.但其實有好多款菜=D OCCUPY左D SPACE.以為有好多的蟹肉喇.原來一啖左右ONLY.還好菜幾FRESH 同蟹子搭夠了.香煎豚肉餃個皮都幾夠薄, 仲煎得幾香口.餡料就普通喇! 就是一口肉.石燒厚切豚肉手打烏冬 上台時還是滾的. 用石鍋的關係. 溫度KEEP得好好. 過左好耐都仲係咁熱咁出煙.呵呵.真係要俾D耐性等下.唔係就辣親個口了. LIKE好似豆苗的條條菜呀. 用熱湯浸熟佢.仲好嫩! 厚切豚肉, 個人覺得幾軟口感ONLY, 冇咩特別, 有點BO湯肉FEEL.數量仲好少. 烏冬就幾滑喎, 仲有彈牙的! 配上有點CREAMY的湯底,仲人有吃下去的衝動.活乳酸爆珠原本叫少冰的, 但店員話要凍先好味.不過.黎到.已經唔滿.再成杯都係冰.可以飲的份量好少!酸爆珠好得

To all of you fans of open rice:At the lonely night I was being to myself in TST , I read this restaurant and liked to try. I never be think about it was so difficult to get the seat as One person, most of the time it was quick to get in and out...no chat to delay for giving back the table. After a long line-up about 45 mins. Yes, 45 mins. on the street..! I get a call finally from the waitress to get in at 20:45; but just before I almost get in the seat, they asked me out according to their mis

早前上網Bid左條揹帶,約好今日係TST度面交,既然都出左黎,一於係呢頭附近搵食,真係好彩,lunch時間唔駛等位,點左個手打烏東,等食時間唔算耐,烏東彈牙再加上濃濃既香辣湯底,好食呀,但其間發生左件小插曲,坐我隔離枱既客人一行六人,但因坐位唔夠,所以佢地要分開坐,我埋單走人時,佢地要求另外兩個朋友坐番埋一齊,但侍應生話唔得,原因係驚攪亂晒單,心諗...邊有咁既道理,又唔係冇位,點解唔比人坐埋一齊,呢樣又真係有少少多如,咁樣我會覺得服務態度唔多好囉.

星期日下午食物:黑芝麻豬扒烏冬及鰻魚烏冬(豬骨湯)賣相:豬扒及鳥冬ok!但鰻魚太多汁香味:沒有(店內空調不夠)味道:湯味道一般,鳥冬太淋沒口感,鰻魚像百佳貨，豬扒有一点油(億)味。唯一慶幸是等了不到5分鐘就有位。不知是否期望過高或因剛從日本回來，導致評價偏低。

叫了三款食物,評價如下:1. 石鍋豚肉烏冬($58): 湯底味道不錯,幾鮮甜,沒有失望,但如果豚肉能瘦一些則更好.2. 黑担担牛肉烏冬 ($62): 個人喜歡黑担担(即黑芝麻), 所以叫了這個. 湯底質感有點像芝麻糊,味道則略嫌欠缺了芝麻應有的香味,但頗欣賞這烏冬的創意及健康概念,所以都算滿意. 緊記吃前攪拌一下湯底,否則吃到後來會覺得很"糊".3. 炸軟殼蟹配沙律 ($48): 軟殼蟹細了一些, 反而更欣賞酸酸甜甜的沙律,幾清新,能減去豚肉部分的肥膩感.環境方面,空調明顯不足,令人呼吸不太暢順,實在美中不足.

排隊食萬豚屋~ 地點較僻, 但都好多人! 舖頭的裝潢都好日本! 我點了 石燒牛肉手打烏冬 ($58), 稻庭烏冬賣哂, 手打烏冬都唔算煙un, 好似無咩特別,牛肉鍋上時仲滾緊, 牛肉仲紅噹噹! 亦由於係咁, 食完今餐...我地兩個條俐都熟左...牛肉超級多...仲多過大家樂個鍋石鍋豚肉手打鳥冬 ($58), 超肥美豬腩肉, 真係好肥...都ok gar, 唔算好有肉味。(仲份量比較少)兩個湯底都好濃, 有d似打邊爐個肥湯, 不過幾好味。單點都好夠飽, 可能係湯比較膩。小心淥熟條俐!~

今次已經唔知第幾次食，雖然冇book位，不過，竟然可以順利咁等左幾個字就入得喇~朋友又係叫稻庭厚切豚肉烏冬，我就覺得成日食豬，今次食下牛肉啦~所以叫左牛肉手打烏冬，因為記得上次食稻庭烏冬比較腍，我都係鍾意手打烏冬煙韌d朋友碗烏冬先上檯，但係佢碗野竟然冇滾滾0既熱氣泡泡雷動同埋，佢話d豚肉冇以前咁香，又腍左少少，所以有d失望呢~而我碗烏冬仍然保持以往經驗中0既熱騰騰樣子呀!!!睇下張相烏冬依然煙韌，牛肉一浸入湯即熟，放入口都要小心隻蛋唔記得早d食，浸到熟左d，唔夠溏心lu~anyway，都係美味0既我尤其鍾意一路食，一路飲個湯底，出面d拉麵烏冬舖d湯底成日都係鹹到飲左喉嚨勁唔舒適，萬豚d湯底味道清清的，總之好0岩我聽朋友話萬豚booking位其實好少，所以都係walkin黎啦雖然限時只有一個鐘，俾我地食一碗烏冬就夠飽0既人已經足夠啦~要去搵談心或約會就要揀第二度喇不過都係好奇怪一樣野：洗手間d裸體相係咪老闆本人影0既呢?有d奇怪洗手間有呢d相~_~"

由於我地book左位,所以唔駛點等就可以入去食點左厚切豬肉稻庭鳥冬 -- 又話d烏冬好食,我覺得好麻麻係幾滑既,但唔彈牙,我自己買o個d仲好食d豬肉好肥...好漏d湯成層豬油o係面鐘意食肥豬肉既應該鐘意,我就麻麻餃子/雞翼 -- 普通到不得了燒玉子豆腐 -- 依個反而特別d,ok煙肉南瓜 -- 好大件,我覺得過多煙肉,好難咬,因為舊煙肉太大所以成件野太咸完全食唔到南瓜味,失望我覺得咁既價錢食咁既野叫fair,但如果要我等位的話我寧願食吉野家吉野家d烏冬仲好食d