萬豚屋

营业中

休息中

當日係午餐時間去，大概1點半左右去到，要等，大概等左15分鐘安排到入座，餐廳唔算好多位。大概都有廿台客左右啦。餐廳係好似食車仔麵咁，自己劃好要食咩俾店員就等開餐。仲包一杯飲品凍飲。我揀咗吉列豬扒-魚介豚骨湯底。用石鍋上，嚟到仲滾梗，出晒煙，熱辣辣呀!!魚介豚骨湯底有魚味好香濃，但唔會好咸。吉列豬扒新鮮炸起，熱辣辣，豬扒唔會好鞋。

未夠9點已入座，但一等要大半個鐘先有嘢食，其他食客亦是，其中有個媽媽唔耐煩都吹催促了兩次，因小朋友好肚餓，原來成班廚房走曬出去食煙🤬，仲要等咗好耐先話所有小食賣哂，根本就唔想做，咁就唔好話10:30收啦，以後都唔會幫襯!

尖沙咀長期長龍店，每次去都真係超多人排隊，就係為左食呢個石燒烏冬，今次專登係佢晚市一開門就去食即時就入到喇！話明係萬豚屋，當然一入去就有唔少既豬公仔喇，好似地下腳印，天花板仲掛住左大大隻黑豬，牆上面都有好多唔同造型既豬公仔既畫。除左有會員制之外，仲有免費既Wifi俾大家用，已經放正係台隔離真係夠哂貼心。因為即叫即整都等左一排先有，第一份先到既係《活花甲手打烏冬》($88)，揀左魚介豚骨濃湯，整鍋放係火上燒真係勁熱，石燒鍋可以保持到食完仲係熱，花甲都幾大隻同都幾多，鮮味又乾淨，湯底奶白面見到果陣豚骨精華，飲一啖真係勁醇香。下一個係《厚切豚肉手打烏冬》($86)，主要係聞到後面台果陣黑松露味就叫左香菌濃湯，一黎果陣黑松露味真係激香，除左大大份黑松露放係面頭，仲有好多菜苗，菇同半熟蛋，豚肉又淋又入味有口感，烏冬都好彈牙。反而呢個《香煎豚肉餃子》($28)有少少失望，一黎就食都已經係凍凍地，唔似係即煎，入面既餡料唔太香同都無咩肉汁。店名：萬豚屋 地址：尖沙咀赫德道19-23號地舖餐牌:

本身個人對烏冬一向無特別喜好，好間唔中先會食一次。而係呢好間唔中食烏冬既次數，十之有八九都會黎呢度食。因為呢度多年來都保持水準無跌Walt, 能係尖沙咀開左咁耐係有佢既原因既。今次叫左一個小辣果噌湯底既吉列豬排稻庭烏冬同埋魚介湯底厚切豚肉手打烏冬魚介湯底湯頭鮮甜而又唔會太咸，厚切豚肉幾入味但略嫌唔夠淋吉列豬扒稻庭烏冬: 叫左小辣但都食到尾都有d辣，稻庭烏冬面身較手打烏冬為幼身，食落兩者都很有彈性。吉列豬扒亦炸得金香，份量剛好會繼續支持

This shop is very famous for udon is TST. This shop's udon looks like half Korean food half Japanese food. The stone pot is from Korea and noodle is from Japan. It tastes like Korean and Japanese. Anyway it was worth to try. There were lot of people during lunch. I think it's better go little bit early.

間唔中黎尖沙咀都會想試反依間烏冬，食左好多年但都仲keep到質素，的確唔錯。不過有時lunch time黎就give up左，因為驚要排好耐隊，但今日兩點幾到，就避開左人龍。我地叫左一個牛烏冬，一個叉燒烏冬。牛肉烏冬黎到個陣係半生熟，自己放入D湯入面整熟佢就岩岩好；叉燒烏冬夠肉好味，唔會太un，湯底好味，忍唔住飲多幾淡。除左烏冬之外，我地又叫左個炸蟹餅，因為口痕想食埋個小食，炸蟹餅都唔錯，不過始終都係個烏冬先係最好食。依間真係值得間唔中都黎既餐廳。

朋友介紹這間萬豚屋, 她說第一次試已經很回味, 今次她經過上一次的經驗今次訂了枱, 因為如果沒有訂枱的話, 要在問口等位WALK IN, 由於有預先BOOK 位, 故此一到就可以入座了, 非常好這裡出名是>>>>石燒手打湯烏冬, 熱騰騰的湯真是很回味, 雖然今天天氣比較熱, 食到我流晒汗, 但個菌濃湯真的很濃郁, 如果是冬天吃一定更加棒~這是個小食黑椒濃湯煮蜆, 小小辣, 但是可以接受的, 蜆肉份量都多的!朋友叫了香辣麵豉豬軟骨手打烏冬豬軟骨很入味又軟滑, 比起厚切豬豚肉來說, 它優勝了, 因為厚切豬豚肉口感尚可, 但是它沒有調味的, 所以一吃軟滑豬軟骨就勝了!這個就是香菌濃湯厚切豬豚肉手打烏冬雖然只是有大蘑菇在湯入面 但卻散發陣陣類似黑松露的湯底, 大蘑菇切了細粒的, 但蘑菇好香好好味整體來說都是推介的, 因為真的很出色, 一定會再去!

數數手指已經幫襯左這店有8年多，想吃烏冬，總是第一時間想來這裡吃。尤其冬天依然排隊等候的也想來吃起初只有一款湯底沒有選擇，現在已經多了3款選擇，但我每次都仍然會選擇最基本的豬骨湯底配炸豬扒。我喜歡的是：每次送上台面都係一個熱騰騰的石窩，滾著未熟的蛋，上面舖滿著新鮮的溫室豆苗。。讓你要慢慢小心翼翼地品嘗這美味烏冬。用石窩可以保溫，吃到尾的時候，湯仍是暖，保存著濃湯味道質感，不會因為時間變冷，個湯變得有＂黏＂口的感覺⋯⋯炸豬扒：外脆有肉汁，份量夠（但由於即炸，需耐心等候）我的朋友點左個：香菇湯底配豬軟骨。嘗了一口湯底，好有菇的品道，但就蓋過豬骨味，如喜歡菇湯的人，可考慮這個是唔錯的選擇。

「萬豚屋」 - 顧名思義，梗係豬肉出名。而佢signature是豚肉烏冬，有三隻味道，豬骨湯底、黑蒜、辣味，而辣味又分三個辣度。我選了黑蒜湯底厚切豚肉烏冬，可以喝下湯。聽朋友說，自己加七味粉，可以有辣味吊味，又喝到湯底原味，果然沒錯！黑蒜在面，自己撈，略嫌少，可以加多少少，豚肉是厚切的，氜甲式五花腩/燒肉切法，不是平常日式薄片，有口感，略帶甜味，淋，且入味！烏冬有咬口、彈牙；湯用鐵厚石鍋裝著，（我去厠所時，在外面等了很久，就望著廚師整個石鍋放到火上煮），原汁原味！吃到底湯還是熱！大讚！胡麻菠菜 - 原來日式麻醬加上菠菜手，味道很配的！好吃！餃子也不錯！有肉。最後，朋友要吃飯，所以點了滑蛋豬排飯。來專賣烏冬的店吃飯，錯晒！味道一般。豬排還好啦！我教他，不如下次來，叫烏冬，加個飯，那就可以吃好西，又滿足飯桶的需求了！

之前次次經過都要排隊，咁岩今日經過唔洗排隊咁就入左去試下，2個人叫左4樣野。黑松露豚肉烏冬湯底好有黑松露味，係豚肉較肥，但整黎講係4樣野最好食果個，可能天氣較冬食起黎特別好食，湯都飲哂。⭐️⭐️⭐️⭐️豚肉玉子燒呢個完全失望，唔係想像中食開日本料理果隻玉子黎，根本就係普通炒蛋加豚肉，不值推介。⭐️餃子同普通餃子分別不大，呢個唔係貴都可以食下，但唔係話特別好食。⭐️⭐️十勝豚肉飯豚肉夠厚，對肉食獸黎講都值得推介。⭐️⭐️⭐️⭐️

萬豚屋🐷.呢幾日keep住凍，即刻好想食好多熱辣辣既美食黎暖暖胃😋出名食烏冬既萬豚屋就啱黎我胃口啦😚我地點左一個醬油豬軟骨手打烏冬同一個醬油豬手手打烏冬，兩個都揀左黑蒜油豚骨湯做湯底。雖然可以加啲錢轉做稻庭烏冬，不過我覺得同手打烏冬煙靭度差唔多，純粹係稻庭烏冬扁身啲😅黑蒜油豚骨湯底雖然無話好出色，不過勝在湯底夠熱👍🏻配上好有口感既手打烏冬，正呀！至於醬油豬軟骨同醬油豬手都十分入味，又唔會過咸，肉質亦十分軟稔，令人停唔到口😍尤其是醬油豬手有令我驚艷，豬手同烏冬係分開上，因為豬手既份量係好大一隻，仲會提供刀叉比你食🍴唔講以為食緊西餐🤩豬手入味又夠稔，仲有好多洋蔥作配料，吸哂啲醬汁精華🤤🤤🤤

今天一家大細到這裏享受午餐，以前這裏是冬天的首選，因為熱騰騰的湯，再加上煙煙靭靭的烏冬，實在是完美的組合，為冬天冷呼呼的天氣添上一份暖意。以前的萬豚屋往往都需要排隊排上半小時或以上，現在你可以看見的是，門面冷清，直入即有位置，再也不需要什麼排隊了。觀眾的眼睛是雪亮的，要是一直能維持水準，就不會被世界摒棄。今天吃得10分法門，來的湯完全是暖的，再加上那一片片的生牛肉，無論怎樣浸浸多久，那些牛肉也沒法浸熟，小朋友們怎能吃生的牛肉呢？隨着要求他們多給一碗湯，因為稻庭烏冬放進去後，根本上浸無可浸，沒有湯的烏冬怎樣放進口呢？再來的一碗小糖完全沒有熱的效果，感覺上真的非常差，湯與烏冬完全沒有關係，牛肉怎樣浸也不熟透，那些炒雜菜是肥淋淋的，吃完後全口都是油， 非常奇怪。還有那碟雞翼，其中有一隻是比手指尾還要少，真的不明所以，所以為什麼萬豚屋現在已沒有人山人海，以上完全可以說明。唯一覺得好味點的，是那胡椒浸花甲，這個湯才是以前經營時的那種風味。整體來說，感覺非常差。位置已經非常擠迫，然後侍應又急着收碗收碟，有時候真的想問那麼急為什麼。這樣食物的質素已大不如前，以後不會再光顧。

豚屋湯底退步了 不過都仲會去食係尖沙咀有平有貴係度食野價格相宜坐既地方都算可以不過食物選擇唔多都只係快食之選擇兩個人叫兩碗烏冬吉列豬扒手打烏冬 $82照燒雞扒手打烏冬 $82加埋小食其實太多細食既各一就可以烏冬個人喜歡手打粗一點亦較有咬口個湯底無以前咁濃雖然都仲算濃湯底可能因為成本關係不過食完都會口渴個點黑蒜我幾喜歡配了炸豬排和煎雞其實肉既份量好多係脆 食完感覺熱氣再叫多個小食蛋卷豚肉玉子燒幾好味好juicy又足料 抵食$52食到 會再食番

放大假同男朋友去尖沙咀睇戲，6:00pm未到就來到万豚屋，已經見到有幾個人在排隊睇張紙menu好似同幾個月前有些唔同，男友鍾意食辣，叫左個推介小食「絕味烤韓風豚大腸」，味道幾特別，第一次食泡菜加豬大腸，少少辣幾惹味，豬大腸有口感又醃得入味！我點了「吉列芝士豬扒手打烏冬」，塊豬扒好厚，入面的芝士溶了一半，吉列皮都算炸得香脆，配個熱騰騰的香菌濃湯手打烏冬，好有滿足感！男友又點了「黑胡椒煮活花甲」，雖然價錢有少少貴，但花甲好大隻，味道好鮮甜，我最喜歡這道菜！最後加多一個「牛油煙肉炒巨菌」，味道一般。

晚上1個人上完堂搵飯食，去到門口已經聞到好重黑松露味，等左30分鐘，叫了個醬油豬軟骨稻庭烏冬配香菌濃湯(加一後$103)。烏冬和湯是分開上的，湯用石鍋上，熱但不是滾的，我一開始不覺得有問題，但之後坐我旁邊的石鍋送到時是滾著有泡泡的，不過我自己不喜歡吃太熱的東西，所以只是熱我都OK。一吃才發現，香菌濃湯的「香菌」，原來是大啡磨菇和黑松露，我不喜歡黑松露的味道，所以覺得少伏....只怪自己沒看清餐單，我以為黑松露這算貴價&味道特別的食材是會寫在餐牌上，因為我沒看完整個餐牌，見到「香菌」二字就叫了，完全沒想過這佈滿整間餐廳的黑松露味原來是來自香菌濃湯。醬油豬軟骨方面，味道OK，不算十分特別，跟我家樓下屋村商場那家日本餐廳差不多，但是！豬軟骨只有約1/3連著肥膏的部份是軟、可以入口的，其餘2/3，簡直乾過我銀包....唯一值得稱讚的是，萬豚屋竟然唔搭枱。