萬綠園四季椰子雞 (已結業)

年初三去幫襯，結果只有二個服務員坐低叫左食物超過一個鐘重未有爐＆食物叫三杯水同餐具等30分鐘未到，最尾要自己行去拎。最終點兩個鍋，另一個還溜了單。椰子湯係似盆水，完全冇椰子味椰子汁完全唔甜醋湯底係好味道過普通椰子湯。推介不過，差不多9:00的時候，我們另外散叫的單都溜埋，而且仲問返我地記唔記得叫左乜。然後，要什麼，沒有什麼。不過，整體食物味道，賣相尚算ok.亦能理解員工已經盡力去做，不過實在太多甩甩漏漏。

佢地既下午茶係抵食，而且好多卡位，四人坐都好舒服，檯與檯之間相通寬敞，係香港鋪租咁貴既地方真係好小有。由於佢係主打文昌雞，所以我叫左海南雞油飯。佢既雞唔肥有肉感，係同出面一般既好食好多，所配搭既醬汁都調得唔錯。油飯就可惜太乾，有待改善~奶茶同檸檬茶: 可能我飲唔關太濃既茶啦，但我覺得佢地既茶真係又澀又苦，我飲左一半要放棄其實佢夜晚係做雞煲同椰子雞煲，佢既肉類(尤其係雞)我相信係唔錯，或者有機會我會黎試佢晚市

放假跟下媽咪食早餐，佢話帶我去呢個新場食🤣早餐選擇都OK多，仲有個我唔識既腌粉🤔😦想試但又唔敢，怕伏🤭都係叫返啲正常野好啲，叫左個沙嗲牛肉麵、腸仔煎蛋。媽咪就叫個煎魚餅米線，佢話啲魚餅都幾好食。落左單好快有得食，而且環境幾闊落，又有電視📺睇。不過冷氣太勁了！🤧好彩媽咪有褸借畀我沙嗲牛都唔錯，叫公仔麵真係公仔麵，唔係嗰啲大光麵或福麵。牛肉汁唔係好沙嗲，偏淡，但牛肉都算多。多士腸仔蛋就正常。媽咪個魚餅米線🍜都幾靚，個魚餅唔實唔油，都有魚旦香味。襯米線係幾好既。而且枱夠大媽咪睇報紙慢慢嘆早餐🥣好爽咁。而且都平過一般茶餐廳少少。

同老豆落大埔食早餐，平時佢多數食大榨落既，但佢呢排傷左行樓梯唔方便，所以就改左去隔離呢間萬綠園食早餐。要搭𨋢上一樓，係唔係好顯眼，但一上到去地方好大同埋都幾乾淨企理，冷氣夠哂勁😂窗邊既卡位已經畀人坐哂，不過中間都仲有好多枱。早餐既餐牌都幾多選擇，不過最抵食都係肉加多加多士，再配個粉麵既餐。呢度連餐飲都係32蚊，算係好抵！👍🏼落左單冇耐野食好快就到，沙嗲牛麵份量好足個汁都好食！惹味得來唔會太濃，麵身都好爽口！😋係牛肉相對可以再進步，好大塊不過有少少韌，但都可接受！最重要係食完之後唔會好口乾、証明冇咩味精👍🏼👏🏼我揀左腸仔熟蛋🍳，三角形多士都十分正常，熱檸茶都有4片檸檬🍋，十分穩陣既水準，而且又有電視📺睇下新聞，唔怪得老豆而家食早餐轉左場黎呢度😂👍🏼