萌記牛什麵家 (已搬遷)

本地香港人推介的性價比高牛什麵店夜晚11點幾肚餓，落街搵食，而家d舖全部都好鬼早收，但依間<萌記牛什麵家>仲未收，就坐左入去食！我叫左牛雜面+腐乳通菜，食間堅好味！又足料，勁多牛雜，菜嘅份量都好多，牛和菜都好新鮮，d菜咬落好爽，腐乳都好好味！麵又彈牙，又冇鹼水味，湯底味道好濃，真係好出色👍🏻睇得出老闆響品質控制花左好多心思，難怪keep著咁多人幫襯，開咁多間分店！以實力說話！牛雜面+腐乳通菜$59而家係我嘅宵夜指定飯堂！！！！…查看更多

大家說此食店牛什是一流, 但可能今日是一年中最差的一天首先我們是第一次光顧 但...................1. 牛什河($18) => 牛什一個字咸:( 又入味, D鹵水汁不香, 而D河粉應是炒河不是湯河!2. 雲吞河($18) => 雲吞OK!wow! 而D河粉同上!我和另一半不會再去! :(…查看更多

係openrice見到好多人話呢間牛什粉麵好食, 於是出去葵芳試試openrice個map錯的, 其實佢係公屋對面, 於是繞左個彎過馬路先到。去到由於小店得五張檯, 所以要同人搭檯。一坐低就order牛什米食物一到好高興, 因為牛什比起其他食店多同好大件。味道十分好, 覺得佢個汁好好食, 牛什好鮮甜, 又唔"un"。對比平時食開既牛什粉麵, 呢間係so far我覺得最好食既。不過略嫌佢個辣油唔夠辣+$5有奶茶/咖啡, 不過無加到:(服務ok, 見佢同d街坊有傾有講, 係果區都係做街坊生意。…查看更多

『萌』, 一個宅族必知必曉之詞, 根據維記大典, 『萌』是動漫喜好者用這個詞來形容極端喜好的事物，但是通常都是對（尤其是動漫的）女性而言，因此，萌え(もえ)現在也可以用來形容可愛的女生, 其實『萌』本來是指草木初生之芽等義, 所以萌記牛什其實是跟日本文化無任何關係的說 早兩天去了葵芳買預售史力加, 順道在葵芳取經食飯, 葵芳路有間牛什老字號一向都出名, 但可惜不就腳, 今日有緣一試, 店內位子不算多, 沒想到晚上人不少, 很多老街坊都是收工來幫襯, 很多人叫豬手, 反而牛什不是很多人叫, 有機會要試一試豬手叫了一碗牛什粗麵, 牛什很入味, 而且牛味夠濃, 比街邊檔牛什還好味, 分別只是汁唔同, 一個柱候汁, 一個滷水汁, 老字號果然不同, 已經很久沒吃過如此入味的牛什了, 吃時令我諗起『同居蜜友』中那一窩鎮店之寶牛什湯, 不知這裡是不是也一樣呢?牛什份量很多, 根據我對牛什既那有限知識, 呢碗野有牛肚牛腸牛肺牛膀牛疆, 牛肚應是瘤胃, 牛有四個胃係人都知, 但其實四個胃出黎既都唔同, 牛肚牛百葉都係胃, 平時食開六角型的是網胃, 牛百葉是瓣胃, 我其實覺得瘤胃最好味, 因為最唔黐牙, 但郤少了一點的爽口, 瘤胃是第一個胃, 所以應該係用得最多, 之後既網胃瓣胃相對少用, 自然爽口點了牛肺牛膀很多地方都有得食, 這裡也不例外, 牛肺砌粒, 吃起上來方便, 最少見係牛腸, 雖然係肥左d, 但好有膠質, 最後如果無估錯應是牛疆, 這個部位也是之前看韜韜才知道名稱, 其實牛疆大家應該j食過, 平時食牛腩, 有時會黐住一塊黃黃地色, 薄薄的, 韌韌地, 那應該就是牛疆了, 呢度既牛疆無黐住牛腩, 是成塊上的, 其實街市都有得賣, 但很少地方有得食, 如果你有牙力, 我覺得呢塊野其實幾好味, 這牛疆的爽口又是另一感覺, 正整碗牛什麵只是$17, 已經可以試到咁多款牛什, 抵, 唯一係碗麵油左d, 可能有d人會受唔到 (我朋友就是經常食完牛什肚痾)再加一枝豆漿$6, 豆漿出乎意料好有豆味, 雖不像有機豆漿咁濃豆味, 但呢度既豆漿豆味甜味相當balance, $6一枝真係抵食完不禁要大叫一句, 『好萌啊~~』…查看更多

When I ate this sirloin, thus, I love this shop. Because the sirloin is very plump and the soup is poignant so, i like to eat so much and the pric is moderate.…查看更多

牛丸河:河粉- 幼細，夠滑溜。 :)牛丸 -黑椒味牛丸, 好彈牙！ 加D蔥花就好好味！外賣一碗 $17蚊 OK啦! …查看更多

食物: 牛腩河: 外賣一碗連湯河及牛腩, 牛腩有少少脂肪, 帶出牛腩的香味, 而且牛腩很"林", 鋪滿了碗面, 再曬上太量蔥花, 賣上十分吸引. 湯底是清湯底, 味精不多, 河粉很細算滑.環境: 差, 所以外賣比較好.價錢: 外賣加$1, @$17…查看更多

聽區內朋友說這時間開晏收早的牛腩店，是日入到葵芳村同朋友打了八圈，已經是凌晨十二時許，大家見肚餓，今橋夾到時間，就題議打的來試試。食物：牛雜麵拼豬手，豬手不見特色，牛雜卻是處理得好，牛肺不腥、牛肚軟腍，大腸略大脂肪甘腴，滲著薄薄滷水香，很不錯，麵是鹼水麵，街坊麵店，是咁上下的麵質了。環境衛生：很污糟的街坊店，位置迫夾預了要搭檯，也是預期之事。服務：安排座位、寫菜、落單、收銀快狠準，很傳統的效率形港式伙計，勁！…查看更多

住在這區十多年，如不是Yan及KC的食評，都不知道這間麵店存在，站在門口已傳來陣陣鹵水香。看看餐牌價錢大眾化，單併也只不過是$16，雙併只加多$4，十分經濟實惠。牛腩牛膀河-牛腩脂肪及肉分佈平均，不要似為顏色淡淡，其實每件也索取了陳年鹵水精華，肉質亦是甘香鬆化；牛旁有點硬身，需要有點牙力，不及KC的粉嫩；粉河雖幼細，但未至於是滑溜。黑椒牛丸撈粗-師傅把牛丸花開，估不到很有心思，這個所謂黑椒牛丸，只有兩粒是黑椒，其餘兩粒是普通的牛丸，粗麵淥得有點過時，麵身有腍了一些，而且加了很多淡而無新鮮的蠔油，加重了糊口感覺。油菜有大小之分，我們要的是小但份量一點也不少，落單時已要求走油，仍然泛起油光，可幸是每條芥蘭翠綠爽口。…查看更多

寫了8篇深圳食評，也是時間講講香港的生活。　在葵芳工作了四年，卻鮮有到高芳街一帶搵食；最近忙，經常需要OT後，反令我留意起該帶的食肆。多得KC的介紹，一個人大膽來了萌記搵食。　小店門口掛著各式仍然新鮮的牛件，可見其流量快質素有一定保證；餓腸轆轆，就要了飽肚的牛腩河。約3分鐘時間，香噴噴的腩河上檯，誘人的賣相引得我馬上將牛腩放進口：牛腩不但有牛味，而且肉質豐腴甘香鬆化，很美味!河粉則是雪白滑溜，配上濃香腩汁及咸菜，也是不錯。　這碗腩河吃得非常滿足，下次有機會一定要帶龍一起來試。:)…查看更多

十月廿二‧晴 吃完蜆粥，不太滿意，想找牛雜吃，但已關門。轉了來這邊，見牛雜的賣相一般，反而在內的幾片牛腩卻很吸引，就來了吃。 不用吃其他，一碟淨牛腩併牛雜，一碗淨米粉，簡簡單單的。 先吃牛腩，肥廋相間的，肥肉部份甘腴鮮美，廋肉的部份雖然帶點韌，整體吃起來也不錯的。牛雜也有水準，炆得夠腍，各有其不同的口感。最好吃的要算是牛膀，粉嫩美味，下次來，要碗牛腩牛膀米，已足夠。這裡的鹵水幾香八角及香料的味道，但淨吃就過鹹了一點，用來吃湯麵，就會剛好。 米粉也不錯，連墊底的生菜也爽脆，將鹵水汁倒下去同吃，滋味無窮。 埋單48蚊，吃得滿意，也經濟。…查看更多

係葵芳，我覺得最好食嘅牛腩而家要算係萌記嘞，舊時創記梗係好食過佢啦，但而家創記冇咁好食，但係萌記就一路保持水準，所以超越咗佢嘞！今日就買咗一碗牛腩粗麫嚟回味吓佢嘅美味嘞！佢個外賣碗好細，但係打開就好豐富！麪嘅面全部鋪滿晒牛腩，牛腩好稔又入味，每嚿邊位都有小小肥膏，最好食就係呢度嘞，入口似棉花即化，肥都唔理嘞！麪冇咩梘水味，亦夠彈牙，不過當然比即場食差少少啦！湯底係呢碗麪嘅靈魂，牛味濃，連顏色都深得好吸引！每次食完都忍唔住飲晒啲湯！…查看更多

北上前繼續為國內同事搜購物品,午飯也順道在附近解決,路經此地見老闆娘正清潔地板,最重要是沒客人嘛,第一時間就走進去。看到窗前那鍋翻騰著的牛雜,就來個牛雜水餃米;老闆娘也問我要不要油菜??看到翠綠的通菜也很對眼,那來一碟腐乳通菜吧。通菜先到,小碟份量也不算少,通菜燙得青綠不老,只是腐乳香味不足,只有死咸的味道,而且略為多油,吃來有點滯而已,下次要求走油應該會好吃得多。店方所用的膠碗似乎太小了!外表看來滿滿,其實也不算很多份量哩。牛雜只有普通腸肚膀肺,沒有特別的牛沙瓜或金錢肚之類,不過煮得夠時間,各樣質感不會太硬,個人也頗喜歡其牛雜汁味道,加進湯底裡也頗對味,總算ok!要是牛膀可以大片一點就更好,牛腸也不太夠肥美。水餃用上蝦肉、豬肉和筍絲,吃來尚算爽口,味道不過不失,起碼蝦肉沒有霉霉和怪味,只是個人喜歡有木耳的水餃較多而已。也許下次再試試雲吞,看看會否比較出色。企檔師傅看似不茍言笑,其實是蠻有禮貌的 …查看更多