華香園

营业中

休息中

見海防道熟食中心重開，所以專程去試吓超出名嘅豬扒麵～小店人手好少，無論排隊定上餐都好混亂😂之前我哋以為好似大排檔咁有位就坐，之後先叫嘢食，但原來係要排隊等店員安排坐位💡見過有客人唔知，見位就坐之後比店員鬧😳 另外店員落單好似完全冇mark枱號，亦唔會比單你，所以佢完全唔知邊枱點咗咩菜，會周圍問邊枱差嘢食咁😂我哋本身落單仲叫咗咖吔多，但等咗好耐先話賣晒😢.<扒翼麵$39 豬扒麵$37>豬扒份量算幾多，上碟時已經切開一塊塊 ，味道就好似平時燒嘢食嘅bbq味咁，甜甜地有少少蜜糖味～但豬扒做招牌菜嚟講唔算好高質，唔係近骨位嘅肉仲要鞋鞋地🤪扒翼面就有兩隻雞翼，都炸到好脆口，但就冇好似豬扒咁有醃過，食落冇咩肉汁，同平時茶記食到嘅生炸雞翼差唔多🤣個麵似係平時食到嘅大光麵 但個湯底就好似福字麵嘅湯底🤔 開頭幾好食，之後愈食愈咸，好重味精，食完灌咗唔少水😂<熱香滑瓦煲奶茶 $15>呢間其中一樣出名就係啲奶茶會用瓦煲煲嘅～但係飲落除咗茶味比較濃之外，冇乜奶味亦都唔太香。<凍奶茶 $16>茶味唔太濃，完全冇奶味，比熱奶茶甜，一般茶餐廳都好飲過呢杯😂👫：總結係如

好差！老闆態度好惡劣，不值一提，以後都唔會再去，就算幾好食都冇用，完全唔講道理！本來好期待去試吓！點知一肚氣！事緣我哋喺隔離檔牛丸叫咗外賣牛丸喺佢個枱度食，跟住佢發覺左之後就好嬲就話唔做我哋生意，要趕我哋走，我想同佢解釋佢都唔聽，既然係咁咪唯有走囉！就算有幾好食，我都唔會食，心情已經大打折扣! 同枱有叫咗豬扒，但賣相好唔得全部油淋淋，唔見得有幾好食！

等咗2年，海防道街市熟食檔終於重開啦！🤩好掛住“華香園”嘅秘製豬扒飯，豬扒煎得較乾身，但食落少少似燒排骨，甜甜哋好香口😋,午市唔駛半個鐘就已經賣晒啦，勁誇張！眼見只得老細同佢老婆兩個打理成間檔口，老闆娘負責整豬扒，而老細就忙住負責幫客人落單，真係做到冇停手。😅如果想食好嘢，大家要等耐少少呢！再食埋隔離檔蘇施黃推介嘅“咖央多”，椰漿好香甜美味。今個lunch好滿足呀！💕

經過海防道，見新開就試下啦。入到去有好多間茶檔，見到哩間咁多人排隊，諗住試下佢個秘制豬扒啦。。。點知大失所望。。。又油又唔熱又「鞋」，點解咁多人排隊嘅呢？可能好似我咁，羊群心理🙈下次唔會再嚟哩間，試另一間😄

仃业了一年多，海防道临时熟食中心终于重新开放了，地方较以前宽敞，没有以前的闷热挤迫感觉。暂时只开了几家店，其他的包括德发牛丸应该很快又重来。早上已急不及待去吃猪扒，华香园已经吃了好多年，一直对他们的出品有信心。看到客人走了一个又来一个，真的有不少捧场客。厨房有两个人，外面只有老板娘一脚踢，落单、送餐、执枱、收钱全落在一个人身上。但始终兼顾不了，很多枱都没时间去收拾。坐了10分钟，枱还没收拾，先点了一份E餐。落了单起码要催三至四次才送上，我比较幸运，老板多做了一份猪扒面，就干脆直接收下。明显这碗面是煮太久，面身太软，鸡蛋已经不成形。猪扒有部分煮㶶，幸好还吃到肉汁，但已经没预期好。奶茶催了几次，上枱时面已经吃完了很久。听到有客人埋单时投诉食品失水准及等候时间过长，老板一直说对不起。希望下次去有改善。

等咗足足兩年，呢個飯堂地方終於開返喇！唔好講咁多即刻叫返個豬扒飯！ 或者真係太耐冇開....姐姐有d揦手唔成勢....所以等嘅時間要比平時啲長，同埋要睇實有冇漏咗張單，唔介意嘅真係要問多幾次！講返正題先～豬扒同以前有啲唔同，依家係比較甜啲，但係一睇個樣就真係不得了，加埋自助落豉油，呢下真係唔少得🤣要讚一讚個環境裝修,暫時來講都仲好乾淨,見唔到有米奇,同埋附近陸續都開喇其他檔口都！仲有嚟到記住試吓呢度嘅招牌瓦煲奶茶！一定要飲一定要飲😍

雖然我不是一個喜歡食豬肉，亦都不是一個經常會食豬肉的人，但是如果真的給我機會，遇到非試不可的豬肉，豚肉美食的話，我會不假思索，立刻動身前往目標的食店，購買美味的豬肉美食。例如今次我在尖沙咀海防道的熟食市場，就發現到一個大排檔，大排檔有我嚐試過，都覺得醃到味道非常之甜，非常甜和開胃的秘製醃料炸豬扒，跟配即食麵的下午茶。這個位於尖沙咀海防道熟食市場裡面的排檔食店，食店名稱叫做「華香園」。我一見到「華香園」的相關店名、招牌跟廚房之後，就已經立刻認定「華香園」是屬於排檔食店。由於「華香園」跟其他食店一樣，一樣寄居於「海防道熟食市場」裡面，所以實際上「華香園」擁有餐檯，和餐櫈的數目都不算很多。「華香園」的餐檯餐櫈數目多寡，其實對我來說沒有太大關係。因為我就算臨時需要屈就搭檯，亦都不會對此抱有太大的怨言。反而我對「華香園」店主的服務態度，早在其他食評跟其他討論區的相關評論，已經略知一二。平心而論，「華香園」店主當時的服務態度還未至很差勁，至少我在「華香園」裡面拍攝，甚至享用下午茶後，向店主付款和索取收據以作存記，期間都未有遇上過問題。雖然「華香園」的餐牌字體不算很大，亦需要我努力去觀望研究，但是作

有朝返工見隔離同事買左華香園d三文治做早餐，鬼咁香，於是我地食lunch唔執輸又落去買番件左邊係kaya厚多，右邊係豬排包本身聽過d人話kaya厚多好少料，但我地食落又唔覺特別少丫，剛剛好呀不得不提係個豬排包勁好食，豬扒夠淋又香口，而且仲大大舊冇呃料tim，夾白方包都好食過一般漢堡包果種包

終於去咗bookmark咗好耐嘅海防道熟食檔 係我去過環境最污糟嘅熟食檔 但製造出最好食嘅招牌豬扒三文治同咖央多士😂🤟🏻 如果想感受下呢個香港風味就要十二月前去啦 咪要等佢一年後重建完先可以再試😌

尖沙咀海防道的熟食中心除了牛丸有名，還有華香園的秘制豬扒。熟食中心於今年會關閉翻新，翻新後的情況無人知。所以還是趁未翻新前，吃個周日下午茶，感受茶檔時光。叫了豬扒三文治($29)及瓦煲熱奶茶($15)。豬扒薄身，煎得乾身，肉質軟滑，鹹香味美，配方包則可平衡鹹味。熱奶茶雖然有瓦煲一大特色，但奶茶的成品較水，薄身，較普通，有點失望。尖沙咀以這價錢吃茶餐，其實算是正路價錢。不過，來這裡吃下午茶的唯一擔心，還是環境衛生真的麻麻，因為這裡其實就在一個濕街市旁邊。如果有潔癖者，則需慎重考慮是否能接受這種貼地環境。

見人話奶茶正。當然要試。先由港鐵L5出口出。但要行成十分鐘路。都不是太難搵。入到街市。再入。終於見到人來人往。都不是太難搵，但位置有點亂。望望餐牌。都多選擇。我第一次食當然要試最基本。鮮牛肉加回鍋肉再太陽蛋公仔麵。凍奶茶。先來杯奶茶。好飲。不錯。夠茶味。再來公仔麵。好香，鮮牛肉入口好淋好鮮味，回鍋肉都多料。再來方包。都係新鮮的。老闆之後同我講話會做到12月就會裝修。要14個月時間先開市。老闆仲叫我下次要食豬扒係店裡面名菜。所以要盡快再來試。

懷舊茶檔買少見少， 一聽到又有茶檔要結業或搬遷，總會想去幫襯同懷緬一番😅。今朝特意嚟海防道臨時街市華香園食豬扒包，就是因為街市做到十一月底就要進行重建， 時間需要整整一年呀🙄😒。 呢度嘅豬扒肉嫩味濃，帶點點甜味， 好juicy, 配新鮮白方包，唔烘底更能突出豬扒味。家姐就點左豬扒麵餐，但佢話要趁熱食，所以唔俾我影相😒。哼！我自己下次再嚟， 不過到時我可能係要食豬扒雞翼飯囉😂😂😂。佢仲有馳名瓦煲奶茶， 用瓦煲煲嘅奶茶茶味清香，飲落順喉，味道雖然冇人家嘅濃郁，但反而有點小清新。

小弟今早7:25am去到YMCA排隊攞籌幫仔仔報名，但要10am左右才攞到6XX號籌，搞到成肚谷氣(因今早早餐未吃已出來，連厠所都無時間去)。YMCA的安排失誤好彩有華香園這美味早餐補償一番。雖然豬扒是咸了一些，但是真的好入味和香口。反蛋亦煎得半熟。一丁又滾得爽口。瓦煲好茶亦夠滑。海防熟食中心環境亦夠舊和麻Luck，啱晒我這中坑。$42這個價錢及質素，在全港九新界都應該很難找了。坐在我對面的一個台灣人還專誠來這裡食早餐。他點的和我一樣，只是好茶轉了凍的。

又去臨時左幾十年的海防道街市揾食，今次揀華香園，十二點前趕到來仲可叫早餐（可惜只限星期一至五）點左出名的豬扒蛋米，豬扒熱辣辣頗入味，多肉汁，可惜味道偏甜，已自動碎上同另上，店主果然夠細心連一杯用瓦煲冲的熱奶茶，唔算高水準， 但夠哂風味，早餐價都唔平，要$36 （溫馨提示：熟食中心環境衞生麻麻，介意者千祈咪來）

之前o係雜誌見到介紹華香園既豬扒~今日黎華香園試下佢~豬扒完全唔係落好多粉去炸個d既厚粉豬扒~係薄身但好鬆軟好入味~我食豬扒包~佢地會切走骨既部份~其實d骨先會最好味~~而佢地都好細心將舊精髓放o係碟側邊,唔會掉左佢好好味~~朋友食雞亦面~~雞亦好大隻,都好入味~脆卜卜~再黎多杯凍奶茶即刻滿足哂~~