華記粥店 (已結業)

天寒地凍，最好就係食碗粥暖吓胃。經過這小店，門面都幾光鮮。可惜........好耐未食過咁難食嘅一間專門買粥嘅小店。點咗豬紅廋肉粥同炸両。豬紅同廋肉都係冇味嘅。粥底好味精，炸両嘅腸粉同油炸鬼都係冰凍的(我唔奢求要外軟內脆，但腸粉皮厚而無味，油炸鬼又軟淋淋)。D甜醬辣醬又唔好食（甜醬D顔色唔知點解係淡啡色的，好似溝淡咗嘅蠔油顏色）。一個字：差後記：用餐期間聽到鄰桌嘅操普通話遊客説：這是到香港以後最好味的一餐。我心想：媽呀！他們之前究竟食過D乜？…查看更多

其實目的地係去佳佳甜品，見排哂隊而又未食晚飯，於是打算食啲嘢先，希望陣間無咁多人排隊⋯行來行去都唔知食乜，因為打算食糖水，所以想食啲輕食⋯咁啱見到粥舖，個店面都好似0k，又有食客（唔係拍烏蠅）⋯點知中伏了⋯😭未食過咁難食嘅炸兩，油炸鬼又油益又淋，塊腸粉皮有成3mm厚，仲有D「up」味，我懷疑係整粉皮塊布⋯🤢咸肉糭凍冰冰，好似食擦字膠咁⋯😖皮蛋瘦肉粥都算足料，但唔好食⋯店面裝修可以，但超污糟，地下又滑又跣⋯總括而言=中伏+無下次🙄…查看更多

今日有嘢做要去佐敦處理私人事務,處理完之後見有時間當然係去醫肚啦。行行下見到佐敦一間裝修比較新嘅粥店,而且見佢價錢抵,於是就入去試下。見到餐牌有特價嘅套餐,於是今次我就點了免治牛肉粥配牛脷酥都係25蚊。咁嘅價錢出來以為佢會畀半件牛脷酥,但係呢間舖頭一啲都唔孤寒喎,佢畀成嚿牛脷酥。抵讚至於佢個粥,睇佢有冇料啦,見到佢啲免治牛肉都多,粥又夠軟綿,食完都好飽。同行嘅朋友就叫免治牛肉粥另外加個豉油王炒麵,個豉油王炒麵非常之夠味,值得一讚,各位如果有時間記得去試下。…查看更多

今晚無咩胃口，又得自己一個人，所以求其搵d野填下肚就算了豬潤粥我最愛，d粥煲到好綿，豬潤食落去啱啱好，完全唔’鞋’炸兩外面好脆，我最討厭有d鋪頭整到好淋，勁難食！…查看更多

天氣凍，想食粥，同朋友經過佐敦華記，入去食碗粥暖下胃叫左套餐C同一個生滾粥皮蛋瘦肉粥皮蛋瘦肉粥夠熱，足料，味道可以蒸蘿蔔糕蒸蘿蔔糕一般，比較粉朋友叫的生滾粥好食，生滾0既粥係唔同，料同粥0既味更夾埋單每人30，超抵!…查看更多

無端端腸胃炎，又痾又肚痛，醫生話食流質比較好，其實無咩食慾，因為個肚勁唔舒服，不過又因爲要食藥。點都要食啲野落肚，見到粥店，就叫左碗粟米肉碎粥。碗粥一黎到超熱，出哂煙，要用碗仔分開食，睇番餐牌原來係生滾粥，怪不得熱辣辣，食落都好多料，粟米食得出係新鮮粟米拆粒，又落左不少薑絲，令我有番少少食慾，以$25黎講，我覺得幾扺食，平時我係x粥麵買碗粥都$30 up，仲要唔係生滾，華記算係扺食！支持小店。下次再幫襯。…查看更多

水準一般，時好時壞。 幾次去到我為顧客覺得阻住啲員工打手機， 以今時今日嘅競爭， 有大把粥店唔使 一定食呢間。Very average food and quality is not consistent. Servers' attitudes are poor. I feel like my patronage was inconvenienting their time on their phones. Will be spending my money with competitions nearby.…查看更多

過往一直光顧鄰近新興棧的粥, 食得太多亦想轉下口味, 前日與朋友見這邊較多位便試一試, 點知一入到店鋪心知不妙, 客人全部是國內人, 心想不會寄望太大, 簡單點了1碗牛肉粥及1碗魚片粥另加1油炸鬼, 員工拿到粥上檯, 一與朋友一試後, 大家已即時放棄再食, 首先最重要是粥本身不太熱, 粥底似是用爛飯煲的, 很重味精, 牛肉有些少臭味, 而魚片粥魚片絕對是不新鮮, 我地點可以繼續食?於是詢問其中一個員工原因( 大叔咁款,態度十分差), 給我答案是-個個都係咁食, 唔鐘意就唔好食, 因附近有好多賓館多國內人,呢間鋪頭係專門做國內人生意, 所以對於香港人不太重視, 我地不想與這些人爭論, 結賬即走, 我保證不會再幫襯的, …查看更多

典型的港式早餐， 除了有西式的abc以外，還有小弟一向鍾愛的粥加上油器的組合....有時吃abc吃得悶透了，就會四圍去找粥吃....今早一個人行行重行行來到了佐敦。看到有一間新的粥店，之前是從來沒有想過的。以前一去到佐敦區域，我的必然首選是一定要到"新興棧"裏吃碗魚粥。但同樣的道理，龍肉食得多也會令人生厭，所以間中也想找些新店來試，這才是身為一個老饕必要做的....一走進店，便發現裡頭人頭湧湧，而且十個客入面着緊有九個都是些大叔和大媽來的。邊食邊聽到全間店充塞了普通話 ，一個不留神底下還以為自己現在正身處內地呢....一個人身處如斯的環境，食到周身唔聚財之餘， 再加上食物水準之低，更是近年小弟在粥點少有遇到的....看來這一餐注定是要浪費quota了....值得一提是這裏的粥底是外間少有採用的無味粥  。以白粥粥底來去襯托艇仔粥或皮蛋瘦肉一類的東西， 小弟總覺得是十分奇怪的.... 再加上眼前的這碗皮蛋艇仔粥 , 皮蛋入口有一股怪味而且帶苦; 肉碎的份量又是少得可憐，滿碗盡是一些淋淋的豬皮..... 最後吃多了兩口便決定放棄。印像之中好像已有好久沒有在粥店中吃剩那麼多粥了....炸兩的皮厚自己倒是對之沒有大所謂。但對我來說， 若油條是淰到像隔夜的話就真的是罪無可恕....很不幸地，這一整碟炸兩內的油條都是屬於這樣的爛貨色，真令人遺憾....這樣的粥....還是留給大叔大媽們好好品嚐了吧....…查看更多

經過新開的店舖，便看食評如何，也ok 喎，便去試下，点了皮蛋瘦肉粥+蒸蘿蔔糕，也30蚊....蘿蔔糕太"琳"+唔太熱，難食難食難食，正常應該是有啲硬，熱熱地，粥雖然綿，但皮蛋+瘦肉太硬，唔夠軟身，又麻麻地熱，下次不會再幫襯 …查看更多

公司附近開咗一間新粥店，因為幫襯開嗰間員工態度麻麻地，做嘢漫不經心，於是試一試呢間新店。叫咗一碗滑牛肉丸粥多蔥，不用5分鐘，員工就拿粥上枱，原本也沒有什麼期望。但是粥上枱，竟然有驚喜。😱果然另外加咗好多蔥，而且牛肉和肉丸也不少，最難得係粥底綿厚，一睇就知生滾，細看價錢只是：$32。超扺！👏👏佐敦食粥，捨他其誰？一向少寫食評的我，都唔可以偷懶，推介一下用心的小店，值得支持！…查看更多

佐敦新開的24小時粥店！又唔錯喎！可以encore! 😜👍🏻👍🏻是日午餐：免治牛肉豬紅粥~豬紅好滑嫩、粥底唔錯！蝦米腸~即拉腸粉夠滑、醬料有待改進！芝麻醬唔夠香、辣椒醬略為過鹹...油炸鬼~不過不失…查看更多

佐敦宵夜熱點, 新開了一家24小時營業的粥品店, 更提供簡單生滾湯飯, 實在是一件對夜宵人士的喜訊! 粥店對佐敦街坊來說, 其實有太多選擇, 要吃綿滑粥底的, 名氣鮑魚雞粥的, 新鮮生滾粥, 專賣鮮魚粥的, 粥底火鍋的, 從來不缺。這間粥店走大路平民路線, 賣的粥由柴魚花生粥到生滾粥也有,個人認為賣點有以下:1. 24小時營業: 沒有比這樣更方便。2. 有齊粥品, 腸粉, 油器, 糕點, 湯飯, 較迎合不同人有不同選擇。 3. 價錢親民價可接受, 亦有套餐選擇。4. 新裝修街坊食店, 夠光猛,坐得舒適。食物方面, 試了套餐免治牛肉粥配牛脷酥($25): 抵食! 粥底細綿, 白白滑粥配襯份量適中免治牛肉, 粥底偏淡些, 加入牛脷酥同吃, 味道更佳。 牛脷酥入口仍保持脆口, 甜甜的, 沾點粥, 品嚐著2種口感的美味。油器應在舖內指定時間現炸的, 再進箱內烘著保持溫度。簡單套餐, 這價錢, 夠方便, 簡單而美味生滾湯飯: 自選配料, 可選$37,2餸, 或3餸$40, 是次揀了2餸, 挑選了魚腩, 豬紅。 菜可另選, 我揀了少吃些的芥菜。 很有家的味道的湯飯, 不怕芥菜的獨有菜味, 其實與上湯好夾味, 煲起來很甜。 湯底也很清, 魚腩不多, 只有2件。。。不過很鮮味! 豬紅則都有5-6件。 飯另上的, 不愛湯飯也可。 即叫即滾, 新鮮上枱。這間粥店提供大眾化的選擇, 在最旺的小巴站附近, 夜宵也很方便。 …查看更多