0
1
0
工作中到了下午茶时间,附近只有呢间工厂区食堂,去到门面同内部都好简陋,基本上放啲枱櫈就做生意,地方几大,唔使等位,食物都系茶餐厅食物,睇好食乜先行入去!落单男店员几串,我要米线,佢话餐牌写系米粉,我咪话咁照米粉喇!上菜时又比米线!都唔知佢做乜(一向茶餐厅食物跟粉面,都可以转唔同款粉面,最多要加钱啫)下午茶餐($31)时菜鸡扒米线:卖相唔错,时菜系小棠菜(最唔喜欢的菜)仲要哑绿色(应该无落油灼)所以唔食,米线滑溜但比较碎,鸡扒腌的入味无雪味!唔干香脆几好味!汤底比较淡!整体ok热柠茶:够热茶底浓,柠檬唔涩!几好食物正常,鸡扒比想像中好!个落单男店员除落单𠮶下又无乜野,我起身揾收银处,佢食紧野都指一指比我!另一位伯伯店员请我转位(要拉电线)都好好礼貌!好真性情嘅食堂
继续阅读