華記小食

营业中

休息中

😋😋好好味車仔麵！蘿白非常入味、牛雜又適中味道。有刀削麵揀。九龍灣麗晶花園內的。在附近最好味外賣車仔麵💯💯😋😋😋我仔叫佢老闆這店做叔叔麵，個個星期都食😌😌大家可以食下不會失望。啓業邨入口對面馬路過去就係惠康超市側門 ，唔難去位置容易搵到。不少街坊都幫襯。價錢方面都係$38有三餸一粉麵。可以加餸可揀辣味道或唔辣湯底，雨款好味，令你回味無窮。還可以有小食，腐皮卷大大隻的豉油雞髀可以加。令你眼、肚都可以滿足到。

自從佢買素菜鮮竹卷之後，我就差唔多日日食佢，今日有啲肚餓，買咗三餸車仔麵，刀削麵、牛肚、豬腸、蘿蔔！豬腸肥滿正！蘿蔔又甜又淋又入味，超推！湯底仲係用煮牛雜嘅汁，加埋啲辣椒油，好惹味😋

店主夫婦親切健談。牛雜、鹵水雞脾、刀削麵都好味。最開心係三送麵都只係$32，平靚正。晚上開到深夜12點，邊度搵呀？只係星期日車仔麵暫停，好可惜。麗晶啟業街坊不防試試。

呢個食評係講緊剛過去既冬天...有一晚夜歸, 很寒冷既關係, 經過呢間小食店, 買一串魚蛋暖肚, 不幸地其中有幾粒好淋既我估計賣唔出就一路煮, 搞到淋晒...... 認真失望.我往往覺做街坊生意既, 都要用心做既, 信心冇左好難會再幫襯

眾多街頭小食入面, 牛什係其中一樣最喜愛既, 以前每逢經過寶勒巷既華記小食都會幫襯番一串估唔到麗晶花園又會一檔華記小食, 唔知有無關聯架呢?!50方尺不足既鋪頭, 除左牛什外, 仲做埋微型車仔麵檔, 同時又賣埋雜誌報紙, 生活果真迫人牛什之中尤其而腸肚喉更為偏好, 可惜喉唔係間間都食到呢度既牛什五香味唔算太重, 唔會一入口就太濃烈既花椒八角味, 亦無炆得過淋, 保持一定既口感牛肚有咬口, 牛腸亦都肥美如果每一舊可以削為剪細D更好, 家陣食完成串咬到個口好攰另一樣所以小食檔既通病就係串完之後要黎放食物俾客拎黎食個兜兜個兜永遠都係鋪滿甜辣醬芥辣豉油, 要知道唔係每一個人都鐘意落個D調味我明白多數人都會就咁係個兜度混醬, 但眾檔主細心D的話可以勤D清理一下就完美喇