華苑潮州會所 (已結業)

走地雞（凍食）肉質幾嫩！咸香咸香鵝件拼盤呢個滷水拼盤同一般出去食嘅打冷有啲唔同，最正就係有鵝肝係入面螄蛤嘩！呢個係必食！初頭聽個名都好驚，點知鼓起勇氣食咗第一啖之後，就覺得嘩好正！最鍾意就係佢洗得好乾淨！重點係個汁，生蒜加生辣椒，辣辣地！金不換炒薄殼呢個又係必食！食咗第一隻之後就會食唔停！金不換嘅味道真係好香！鹹菜炒腩肉送飯一流！綠豆清心丸又係必食糖水之一！中式糖水之中，呢個真係好清！啱晒一啲鍾意食糖水但係又唔想驚太甜嘅人！…Read More

在尖沙咀找食市實在困難，不是沒有而是因為太多選擇，各國菜色應有盡有。所以朋友提議到非一般的樓上舖，就揀了華苑潮州會所在樂道23號A一樓的正店。㚈觀好似回到60年代，又要走上窄窄的樓梯，更有很多比較舊的餸菜相片。幸好舖內都算整齊，有幾個卡位和數張枱，地方不算大。因預訂了枱才有卡位，坐得比較舒服。先來鹵水掌翼，很入味，軟硬適中，墊低的銀芽非常爽口，吃過不停。老闆解釋是由潮州新鮮運到的。跟著來個白灼蝦，水準okay ，煎雜魚是新鮮海魚先煎後加甜豉油為獻汁，很鮮，有媽媽餸菜的感覺。繼續來個韮菜餜，少少脆，饀料多汁，有潮州風味。最後來碗清心綠豆爽，有特別滋潤的感覺。…Read More

見佢試業有9折就上去試下啦上到餐廳見到滿座以為一定係好好食我地2個人叫左一個滷水拼盤同九肚魚烙(類似蠔餅嘅嘢) 個滷水拼盤(例) HKD148 好細碟都算，啲豬肉好肥，鵝片味道都可以個九肚魚烙 HKD98 唔知點解可以唔熟，一pat pat。問個老闆娘係咪正常，回覆係:我要試過先知，要唔要整過俾你？ 之後我哋要求佢翻煎，結果我地感覺係佢只係用微波爐叮翻熱俾我地到埋單，明明個餅係98蚊收左我地108!!! 問佢係咪有九折，佢答晚市冇九折，加埋茶錢又加一，要300幾蚊！ ！原本心情不錯，但食完餐飯之後好嬲！真心嬲！…Read More

地方雖然淺窄，但未到七時已經高朋滿座，幸好位已經訂，四方八面貼上潮州菜式的照片，如果不是要看看價錢，真的連餐牌也需要了。內裡其實擺位頗迫，但是有幾個位置是設立了半屏風，提升了小小私隱度雖然人未齊但是我們先留了一條半煎煮馬友。人齊上菜當然就由冷盤開始，試了潮式生醃鰤蚶，生醃蝦，個人就比較喜歡鰤蚶的鮮味而且因為衞生問題在外已經越來越少地方可以吃到一份吸引力極強的菜式，身體健康也暫時要放一旁了軟綿綿的口感，比一般吃到的較有水份一點也不硬，最後還要Encore一份由於要配搭紅酒，所以選擇一味薰鵝，入口令兩者味道更調和水瓜咯雖然並非甚麼高檔食物，但潮式菜中也頗算出名，所以亦點了一份，粉䊢稠度剛好煎出來很有𡁻口最後又怎可以缺少了甜品，芋泥要軟滑油就必定不能少，但既然來到暫時只可把健康忘記幾小時吧要吃薄殻就要趁這兩個月，最欣賞以香葉金不换作配搭，本身肉質軟滑，成大各人的搶手貨…Read More

比較少食潮州菜的我，第一次嘗生醃蛳蚶。肥味的螄蚶以生蒜、辣椒、醬油，芫荽和酒生醃，輕沾蒜泥米醋，連血水一併吃下，那種鮮甜的滋味非其他海鮮可以比美。其次喜歡的是潮式鹵水豆腐，平時的豆腐只是用鹵水來煮，這裡的豆腐先炸然後才滷煮，入味之餘還有口感。另一個必食的是鹵水拼盤，上面的鹵水食物固然美味，但亮點是下面的芽菜。芽菜吸收了所有的鹵水，雖然比較油膩但真的食不停口。餐廳地方不大，座位尚算舒適。在一個平日的晚上都可以坐滿，而且還要分兩輪，可見相當受歡迎。…Read More

今日同一班義工朋友飯聚😋其中一個建議食潮州菜，另一個就話不如來尖咀呢間華苑食，聽聞好出名好食，成日都排哂長龍😲果然今晚落大雨都仲係好多人，好彩我地一早訂左枱。不過由於我地本來訂8人枱，後來有一個收唔到工黎唔到🤷🏼‍♀️😣咁就變左7個啦。我地第一個朋友到左餐廳時同店員就同佢講我地今晚得7個，佢就即刻有D黑面🌚⋯然後我地有一半人到左時仲有一個朋友話可能又係收唔到工，呢個時候店員已問我地點得菜未，我地就點完菜都有同佢講返我地而家可能6個，佢就即刻話「你地6個定7個架﹖係我就同你換6人枱啦! 」🙁講真，張8人枱其實黎齊的話都幾迫下，我亦明白我地8人變6人都衰衰地，但我地都唔想架，同埋我覺得就算有餐廳policy都唔駛咁既態度囉…😞Anyway，點左菜都好快上到，餐廳又真係坐滿人好熱鬧。我地叫左鹵水豬水🐷炆得好入味個鹵水味好香，又唔會太濃，豬手都好淋😋😋手打牛丸🐮湯都真係好彈牙，好香牛味，湯底就正常啦。蠔餅就好足料，蠔好香而且蛋香同粉既比例好好，而且唔會太油。炒飯🍚都份量好足、材料好足。食到差唔多我地就諗住叫甜品，未叫店員佢已經自動走黎問我地仲有冇其他野叫。咁我地就叫埋一客反沙芋同兩面黃 (雖然呢個唔係好甜品)。咁我地都叫做一路食一路傾，估唔到呢兩碟黎左10分鐘唔夠就問我地食完未…好似好想趕我地走咁。😰我都知你好多人係出面排隊，如果係咁應該訂枱或入座時講明用餐時間幾耐、或者幾多點要交枱，成日趕人走，黎少左兩個人又畀面色我地睇，就算幾好食我都唔太敢返來…😔🙈…Read More

每逢大時大節一家十多人諗地方食飯都幾傷腦筋，食開果間酒家其實幾好，但大哥覺得有點悶，所以轉下口味食潮州嘢，大哥朋友介紹黎呢間食，並且預先訂了薄殻，胡椒豬肚湯同埋蠔餅，去到再叫了幾様餸。首先說說蠔餅，蠔仔鮮甜，香脆鬆化但略嫌蠔仔較少，但好食；金不換炒薄殻，第一次食，金不換炒好香，簿殼好鮮甜，但細細粒，食得頗麻煩。胡椒豬肚湯胡椒味不及萬發香，但豬肚煲得好琳好味。另外仲叫了滷水三拼包括有鵝片鵝肝鵝腸，仲有滷水蛋，鵝片一般，鵝肝滑但唔香，鵝腸爽脆好味其實最好食嗰個反而係伴碟嘅滷水蛋；九肚魚烙，如果可以煎香之後更加好食;蝦棗，淋左D味鮮但不夠彈牙；無骨豬手，鹹咗少少，而且好肥豪仔粥，鮮甜好味；唔記得乜野煮馬友，好好食，推介！糖醋麵，可以再煎香脆D會好D；最尾當然要點甜品啦，綠豆邊清心丸同埋福果甜芋泥；綠豆邊清心丸幾好味，芋泥略嫌唔夠甜同埋唔夠滑。但整體來講服務唔錯，但係冇乜換碟囉，可能父親節多人啦。…Read More

呢到lunch set都好潮洲風味， 試過佢個豆醬咸雞出面好少有， 好鬼正中，平時燒味切雞就食得多， 用豆醬點雞別有風味， 估要去食夜晚打冷先有機會搵到。 有時又見佢有老水鴨食tim， lunch真係好少有機會食到呢d野， 幾好幾好:), 同埋好多明星都黎過， 蔡生都有黎過…Read More