影片
招牌菜
第一次黎，同事推介黎试试，最初谂住系西餐，但原来只系港式快餐鸡牛猪鱼配意粉白饭，中汤配西快餐，perfect match 啦。舖面非常细，放 3 张圆枱已经无路可行，迫迫地每张都免强迫到 4 个。舖租太贵喇，个个都系同业主打工。例汤合掌瓜汤，味道一般啦，水水地。洋葱汁鸡扒意粉，鸡扒煎得有点㶶㖞，底部有少少燋黑带㶶味。鸡扒上半还可以，但肉汁欠奉，下半煎得干鞋，似乎唔觉意失左手，而且味道略为偏咸。意粉细心地炒过，热辣辣上枱，依个味道系中式有镬气𠮶只炒意粉，高质干爽有咬口。有趣地洋葱汁系中式黎架，中式例汤、中式酱汁、中式煮法、西式食材，非常 fusion。试左朋友仔只烧汁猪扒，质地都几干鞋硬噃，揸上手扯黎食会方便好多，味道还可以。个烧汁系广东红烧汁黎架㖞，好鬼得意！
继续阅读
未试过咖啡或者cake通常帮衬早餐同Set Lunch早餐:有d油但火腿肉质唔错绝不似普通茶餐厅起晒"泡"+有筋个人几钟意多士上面的酱Set Lunch:中汤:淡淡地但料足意粉:烧汁好味 肉质真系唔错,唔会有筋,容易切 薄薄地但够食(有2块) 索埋d烧汁味道几好 可配沙律,但未试过饮品:一般虽然挂名咖啡店但主力似系早餐同Set Lunch总括以言,选料方面系我最欣赏的地方
继续阅读
呢间Wall Street Cafe 就在我旧居附近﹐但只曾帮趁过一次。同四个朋友坐低饮野﹐我同3个朋友要热咖啡﹐另一个朋友就要热柠茶...试完以后就无再帮趁过﹐因为的确真系唔好饮﹐老实讲一句﹐仲差过麦记...又混乱﹐净系4杯热咖啡都整到鸡手鸭脚﹐我第一个饮﹐差不多饮完﹐第四杯都未黎﹐一班人去饮咖啡﹐分分钟得啖笑...朋友话杯柠茶就无特别好或差﹐一般货色。总之要饮咖啡﹐好多地方都好过呢间﹐对于我黎讲﹐真系无再帮趁的理由..不过Cafe的生存价值﹐有时又唔系净系睇杯咖啡﹐地点方便都系一个原因﹐而且做午市套餐似乎都好旺场﹐所以一直生意都唔错。
继续阅读
远睇好似好有feel o既一间小型cafe, 但一入去就发觉似茶餐厅~ 咖啡同蛋糕都唔掂~ 咖啡无味, 落得太少豆~ German Cheesecake根本就唔系o个回事, 只系一个普通酸酸o地o既蛋糕~ 总之唔掂喇~
继续阅读