華園甜品專家

营业中

休息中

之前睇電視節目介紹過呢間中式甜品店，今晚咁岩係附近食完晚飯，有機會一試。試左合桃燉鮮奶，同埋芒果河粉。合桃燉鮮奶，係將合桃糊注入左燉鮮奶既入面，內裏既合桃糊幼滑，亦好香合桃味，但份量少，而燉鮮奶就夠香夠滑，食完整碗好飽，但如果好鐘意合桃既，食呢碗應該唔夠喉。芒果河粉爽滑帶點煙韌，芒果算甜，但整體黎講冇特別，試一次就夠。

呢間中式甜品店係出名食燉蛋嘅但係【芒果河粉】反而令我有驚喜多啲😆 用椰漿整成嘅河粉 片片都好薄同滑 相信係坊間真係好難揾到間整得咁出色 加上同甜嘅芒果一齊食 呢碗河粉俾我好快食曬(⁎⁍̴̛ᴗ⁍̴̛⁎) 但係唔知點解冇人介紹呢個高質甜品要係到幫佢平反番😂但係相反【蛋白燉鮮奶】口感唔夠滑 會實左啲 冇乜特別( ･᷄ὢ･᷅ )天氣凍左個人係會想食中式糖水多過西式 係咪得我一個係咁🤨食完晚飯可以同朋友一齊去試下啦(♡ơ ₃ơ)

一直好鍾意食中式糖水，依間都係我心水之一首先價錢算平，材料足，味道好！黎依間糖水舖通常都係叫桑寄生蛋茶，味道好好，唔太甜，茶味好足！同自己煲嘅感覺完全唔一樣！呢隻糖水對女仔身體有幫助！最緊要佢係米芝蓮推介，但係都冇加價👍🏾

今日陪完老婆大人同個女去完Sogo血併完，肚仔餓就睇下去邊度食飯，如果去油尖旺食又怕示威活動，於是就去下新蒲崗搵下有乜食，結果見到有間打冷舖好似好正下，於是我哋決定去食潮州嘢，果然好正。飯後當然要食下甜品啦，响隔離就有間米芝連甜品舖，我地就叫幾種甜品食，果然唔同又好食最緊要係價錢唔算貴我地仲要打包兩個紅豆沙同綠豆沙返去再食

同女朋友食完晚飯後散步，經過門口見到連續3年獲得米芝蓮推介，心諗應該幾好食。店入面唔算多人，吉檯有幾張，位置都算寬敞。我哋叫咗熱芝麻燉鮮奶同芒果豆腐布甸，上甜品速度幾快，唔洗幾分鐘就2樣都上齊。個芝麻燉鮮奶似水多啲，好似飲水芝麻咁。而個芒果豆腐布甸啲芒果望落去就覺得唔新鮮，食落口好似爛咁，搵咗唔知係店員定倒米員黎想換，講咗句好似唔係幾新鮮，佢就好似發脾氣咁話芒果唔啱我哋食，仲話啲芒果唔熟就好酸、啲芒果百幾蚊一個之類，然後就拎走咗碟布甸。最後我哋食完碗水芝麻就走，下次？不了

一直有幫襯開，今日之後，點都唔會再去。貼錢買難受。今日叫咗碗腐竹薏米，發現冇薏米，咁我就好好聲氣同店員講啦。佢態度好衰咁答我：係咁㗎啦你加錢咪有薏米囉。我話：我本身就叫咗腐竹薏米，點解加錢先有薏米?佢又答我：係咁㗎啦，係得少少薏米我話：你依家係一粒都冇喎佢又繼續答我，係得幾粒㗎啦，好似聽唔明我講乜咁，我就話算啦，然後個位店員仲好串，大大聲同其他店員講，佢話冇薏米喎，第二個員工問返佢：係咪冇落到啊？過咗一陣，先有第二個員工幫我加返薏米。食物已經唔係最重要，枱面仲有兩三隻螞蟻我都明解，本身有錯唔認都算，態度仲要咁差，搞到好似係我有問題咁先係問題。嬲到我為咗佢寫第一次食評

食完晚飯專程揸車到華園甜品專家食糖水， 間中都會到這裏， 喜歡這類中式甜品款式多， 價錢便宜， 傳統做法老字號，今次點了冰花燉雞蛋$21， 海帶香草綠豆沙$18。冰花燉雞蛋～ 我點了熱的， 但唔知點解個碗係熱， 但燉蛋外暖內凍的， 所以對這碗燉蛋很失望。海帶香草綠豆沙～ 這一碗溫度夠熱，有很多海帶，但沒有香草的香味， 味道一般般。記得之前食過好多次味道都唔錯， 唔知點解今次會失水準， 等我仲專程揸車到這裏食糖水，今次真是很失望。

【合桃糊🍴】 HKD19-個人最喜愛糖水舖之一😍九龍城區甜品店📍 呢間係新蒲崗都幾出名架，獲得米芝蓮街頭小食推介2016-2018🌟 咁出名，點都要試下啦😆 店舖走街坊跟線，價錢相對便宜💰 真係okay喎，味道不錯，價錢合理👍🏻-唔好睇佢舖頭細細間，其實傳統款同新穎款式糖水樣樣俱全，新𩓙嘅有綿綿冰、芒果腸粉/河粉等。傳統嘅款式眾多，你講得出多數都有！-華園甜品其中一款最出名係圖中嘅合桃糊😍 有熱同凍揀～ 天氣開始熱啦🌞，食碗凍嘅糖水降降溫會舒服好多❄️ 香氣四溢👃🏻 合桃味香濃，仲好滑身，甜度剛好👌🏻 美中不足嘅係太稀身，杰身啲會好食啲😌 細細碗做飯後甜品一流呀🤓 芝麻燉鮮奶、合桃燉鮮奶、腰果糊聽聞都不錯，有無人食過呢？😋-🔊店舖晏奏人流較少，夜晚都幾多人架！

甜品黎講， 我個人都幾鐘意食中式甜品，尤其係熱既中式甜品🍮🧚‍♀️ 薑汁燉雞蛋好多地方都有，係中式甜品常見既款式。 今日呢間甜品店係米芝連推介，仲要係連續幾年，都真係有d期望。一食就知呢間野係有實力既。首先蛋係好滑，二黎薑汁味係夠，唔會話得勁少薑汁味，唔講都唔知係薑汁燉蛋。 呢到絕對絕對唔會有呢個問題，價錢仲要超級平，$21ja!但係 （通常用呢2隻字都要踩番幾下），就實係完全唔會期望有任何服務，同埋店員會好大聲咁落單/安排座位/溝通，所以餐廳環境係好嘈同埋比較迫既。 咁睇下你接唔接受到啦！

幫襯左3年以上，人均$30以下，呢個價錢真係唔知道邊度搵，十分抵食!!!今次同朋友係附近食飯，順便去食～ 主要食中式甜品，樣樣都好出色。平時多數會叫綠豆沙，今次轉下口味～薑汁燉奶嫩滑，薑味同奶味都好香，只係20蚊ja!!!腐竹雞蛋D腐竹都係好滑ga薑汁燉蛋都係一個滑字!十分抵食! 假日夜晚會多好人排隊，要搭台，唔介意可以買走到附近公園食，一樣得。有傳聞話服務態度好差，我覺得還OK，就係一般茶餐廳阿姐style。因為人多，食完會好快趕走你。不過，20蚊一碗甜品，都唔會expect佢比你坐成晚la，唔係以後冇得食ga喇。

一向都知道新蒲崗呢類舊式工廠區都隱藏住好多絕世美食，今日食完飯特登嚟呢度食糖水！ 入到去鋪頭抬頭一望就見到呢三個獎，2016-2018米芝蓮指南推介街頭小吃！雖然呢度有米芝蓮級數但係糖水嘅價錢都平民化。聽講呢度嘅燉奶出名，就叫咗一個芝麻燉鮮奶，同合桃燉鮮奶。芝麻燉鮮奶 ($23)之前喺糖水舖食開嘅，都係燉鮮奶上面淋上芝麻糊，但呢個燉鮮奶一上到枱我就覺得好有趣， 點解會淨係中間一點黑色芝麻糊呢？ 但係一撥開面層嘅燉鮮奶，就見到原來入面係住滿芝麻糊，真係好神奇！ 有啲好奇佢點樣可以整得咁靚！ 食落芝麻糊好香， 配上燉鮮奶一齊食好夾！合桃燉鮮奶 ($23)同芝麻燉鮮奶做法相似，都係喺燉鮮奶入面注入合桃露。不過，合桃露味道比較淡，配上燉鮮奶一齊食味道唔夠突出，可能就咁食合桃露會更好！燉鮮奶製作方法有趣， 可見店主嘅心思！下次再嚟， 我都好有興趣試下其他傳統糖水！

上次食芝麻糊已經覺得難食，太甜同冇芝麻味。今次為避雨入去諗住試其他野，叫左紅豆沙，但一d都吾沙，又水又稀，紅豆又少，同埋太甜喇😖反映俾佢知，佢試左少少覺得正常～無語～

好耐冇食過中式甜品，經過華園即管入去試吓。過其他嘅中式甜品鋪，通常杏仁糊都會生水，即係杏仁糊上面有一層水。應該係預先一碗碗整好，放喺櫃入邊，有order就拎出嚟。呢間唔會咁。Order一碗養顏杏仁糊，杏仁糊又白又滑，睇真啲原來係米芝蓮星主。甜品平價得來又抵食。

其實都試咗4~5次外賣，可惜新蒲崗都無咩邊間糖水可以選擇....都係唯有買佢.....因工作辛苦都想苦中一點甜....但最近2次真係令人很不愉快! 上2個月，响你面前都仲可以拎個匙羹"不"一啖準備pack比我碗渣咋試下味有無變...試完真係就照樣比返果碗佢食咗一啖既pack比我....個下真係好無奈...即使果下無理你個匙羹乾唔淨.... 但咁樣做法，我點可以唔擔心我碗渣咋放咗好耐其實係就黎要變壞呢...更何況佢個匙羹應該係不斷重用既 ...因為係放咗係個有水既碗架....都有1~2隻羹.....見到都難受....小妹唔敢出聲...當然拎到手後自己掉走算了...今次真係好想食糖水，決定比多次機會 .. 怎知.. 做法好唔衛生，外賣蓋實後因為太滿爆到成蓋面都係...阿姐竟然可以响你面前成碗連蓋咁將爆咗出黎果d渣咋花奶椰漿就咁倒落佢兜熱既渣咋窩....再用佢果塊"千年萬用毛巾"係咁衣抹下就完事....天呀...個蓋爆開了你就咁用呢d毛巾抹真係好衛生呢... 可能好多食肆眼不見為乾淨...但眾目睽睽都咁做....小家又唔衛生... 其實導致我忍唔住專登寫呢個負評，就係我同時買咗碗紅豆沙...

行開新蒲崗附近見到一間有米芝蓮之稱既舊式糖水鋪，咁就入左去叫咗一個熱燉奶同楊枝金露，以為係米芝蓮推薦唔會衰得去邊，點知非常失望，個燉奶暖都唔暖，奶又唔夠滑。而楊枝金露好酸，仲食到超多渣，冇下次