華園甜品專家

营业中

休息中

係隔離間食滷水鵝好食，經過間糖水，諗住試吓，見到入面都有d人。門口仲話自己米芝蓮。叫了一碗薑汁燉鮮奶，中規中矩。另外一碗雜果西米涼粉，個碗勁細，完全唔可以將啲嘢撈埋食。唯有先食上面的5 粒無味水果。2/3 係涼粉，5 粒水果，自己整好食好多。收$32，香港食嘢貴，但都比番少少質素呀！未試過嘅，千祈唔好入去。試過一次嘅，一次都嫌多。

4人食完飯本來好開心，去新蒲崗間舖頭甜下！點知入到舖頭坐低後，落單個阿姐頭向天花板，眼斜望下返落我哋度，嘴角向下，差唔多掂到下巴，極度西洋様咁同我哋落單！佢幫我哋落完單後，向返自己店員嘅時候，面口即時變返正常！笑笑口！我相信西様係佢對客人嘅標準口面！四份甜品其中三份中規中矩！但有一份楊枝甘露發現有變壞咗嘅酸味，同店員反映，店員話正常，之後繼續用西面對住我哋！完全無視我哋！叫佢執走個楊枝甘露，佢回答：唔會執！我哋原本開開心心嘅行程，俾呢間嘢破壞晒！後續我返到屋企，肚痾咗幾轉！如果你未體驗極度惡劣嘅服務，但又想試吓，不妨一試

呢間中式甜品鋪好出名一入夜門口都堆滿人係到等外賣仲拎咗幾年米芝連推介我地係門口經過望一望餐牌發現原來呢到有出面少見既「腰果露」 係星期六、日週末先會有得叫🧐我地排咗大概15分鐘就有得入鋪頭細細間 坐得有d逼不過始終糖水舖 接受到我地一人一碗 決定試腰果露組合$29 腰果+西米$28 腰果+芝麻兩碗既糖水都偏甜有淡淡腰果香味飲落好滋潤 好暖胃西米份量好多 可能西預先煮好放凍咗再加入碗影響咗糖水既熱度 變咗無咁熱但加芝麻個碗就好熱辣辣個人覺得如果加咗芝麻糊會搶咗隻腰果香如果整體甜度調番低d 可能就perfect 👍🏻

真係比咩米芝蓮呢三個字坤咗，叫咗個熱冰花燉蛋，碗嘢面頭已凍乾，得其中一邊嘅一小部份係微暖，其餘都係凍，又實又冇蛋味，完全食唔到一般燉蛋嘅香味，另外，芝麻燉蛋白，芝麻又苦又澀，確實好唔理解整出黎果個點可以過到自己個關？食物質素同貼出嚟嘅獎項係完全不相符，真係有史以來最難食嘅中式甜品！

新蒲崗華園甜品專門店都幾出名好食我今日叫左兩個桑生子紅棗蓮子雞蛋茶，芒果腸粉，我真係要介紹下呢到芒果腸粉個皮薄又香滑包住大大粒芒果肉，呢個真係好好食，在飲返個補身中式糖水個胃暖暖太舒服美滿🥰

華園甜品專家係附近食飯search下有咩糖水鋪, 就係openrice 睇到呢間華園甜品專家, 經過開呢頭咪試下。曾經係2017同2018上過米芝蓮既街頭小食推介榜, 當時榜上寫既名係華園甜品。 我自己都喜歡呢種傳統既舊式中式既糖水,,,,,,真材實料, 實而不華;唔同果d網紅打卡餐廳。我黎到點左個遠年陳皮紅豆沙 $24, 外賣拎走, 聞落幾香, 食落唔會太甜, 仲有我最中意既百合。正呀~秋天滋潤下岩哂, 就係要簡簡單單~

夜晚喺新蒲崗搵糖水食一定係去華園不過位置唔多有機會要搵位😌今日揀咗佢最出名嘅薑汁燉雞蛋🥚心諗係唔係真係好食㗎？點知食落又就係幾好味另外揀咗芒果芋圓叫咗先知仲有西米做底仲有好多芋園 好飽肚不過啲芒果勁酸🫠我哋試咗兩樣溝埋一齊食發現竟然幾好食😂

堂食叫咗個椰子燉桃膠上到嚟打開個蓋係紫色嘅裏面嗰啲椰子肉都係紫色我就問個店員點解係紫色嘅佢態度10分惡劣好串咁樣話:我都唔知喎咁我就食咗一啖結果係苦嘅即刻吐返出嚟跟住我就都自問有禮貌唔該咁叫人過黎同佢講話苦個喎佢竟然同我講叫我食中間嗰啲咁我叫椰子燉桃膠就係想食椰子肉啦最後先幫我換其他仲喺當住我背脊喺度討論之後我上網睇椰子變咗紫色係氧化咗就係代表壞咗唔食得我越諗越嬲點解要入嚟俾錢食糖水仲要受氣？以後都唔會過嚟食！！！都唔知擺咗幾耐

真係好耐冇食過呢d甘舊式既糖水了，朋友專登揸車帶我黎試下~中式糖水黎講芝麻糊真係我的最愛，呢間整得又香又濃，我仲加左2粒湯圓即刻令我諗起細個中秋節食湯圓既畫面朋友叫合桃燉鮮奶同合桃糊，都好好味聽講呢到仲有腰果糊，只限星期六日，決定下次再黎!!!

Was a little surprised when the kept asking “are you sure you can take ginger soup?” When I ordered my tang yuan 🤣 needless to say, I totally understand when my dish came! I had 5 yummy sesame tangyuans, but I would have preferred it even more if the soup was sweeter. Definitely spicy with the ginger, but not sweet enough for me! The texture of the tangyuan was definitely on point.I actually came here after a concert, and basically all the concert goers came here after the concert 🤣🤣

見佢門面寫住米芝蓮推介朋友就話即刻要試下佢有幾巴閉佢d位唔算好多，有幾張枱，要搭枱嘅，不過食碗甜品，用唔到幾多時間，有得搭枱都好嘅，唔洗等咁耐我嗌左個熱嘅合桃燉鮮奶，好香，好滑朋友就嗌左個楊枝甘露，仲有個芒果布甸，賣相好靚，朋友話好好味

香港經濟巳經差，好心 d員工姐姐態度好 d啦。堂食都無咩人，只係幾個人外賣。 我望住 D員工姐姐，佢可以當你透明，要大聲問能否外賈。無人彩你。 最後係靠一齊買外賣的客人答你'係'。 真奇怪，咁吾恨有生意嗎？ 個個樣都 show 俾你睇，頂，有野做，覺得好辛苦咁，真係痴線。 到打包左，又吾出聲攞俾你。 成間鋪有成5個員工姐姐做野， 但有3個癈人,特別4眼果位。 雖然我吾知邊個係老板。但做到咁。我真心登老板可憐囉。 米芝蓮鋪又點呀，又吾係平，又吾係突別好食。 我吾會再幫襯囉。大把選擇.講完。

本身買熱陳皮紅豆沙.點知佢地俾凍既我地.唔緊要啦.自己叮熱來食.點知一食.壞既..酸到不到了…打電話去鋪頭..係打極都冇人聽…白白浪費左二十幾蚊😵‍💫😵‍💫😟😟

呢日同屋企人出街食飯, 之後因為爸媽一向說話, 所以我做左孝女。請完食飯再請食糖水。話說如此, 但其實我地一家都唔鐘意食太甜既野。而新蒲崗出名既米芝蓮-華園甜品專家，之前朋友帶我食過幾次，印象佢營中幾好食, 仲要唔會太甜。一於唔諗揀左佢。去到, 我自己叫左薑汁燉鮮奶, 我媽叫左紅豆芝麻糊，我爸就叫左腰果糊。再按佢要求加左個芝麻湯圓。一如印象, 佢地既糖水唔會過甜, 又滑又香。我既薑汁燉鮮奶, 薑味十足。阿媽覺紅豆芝麻糊都好正~爸無特別講個腰果糊, 但就對湯圓既薑糖水贊不絕口。薑味十足又夠辣。我地一家都鐘意夠薑味既糖水。所以對呢個湯圓係十分滿意既。本來我已覺我既薑汁燉鮮奶薑味好夠, 但像左湯圓既薑糖水後, 簡直係無得比。哈哈~薑味即刻被比下去。總括黎講, 係非常滿意既! (因為太合我們口味)

呢間嘢都食過幾次知道佢有米芝連行頭之前食過杏仁露等都唔錯但又無話去到好好食芝麻燉鮮奶算幾新穎滿足想食芝麻湖又食到燉奶嘅欲望味道唔錯只係覺得唔太夠熱店舖唔大都係滿足一下甜點時間講真服務態度係唔多好好在意就唔好去了