華南冰室

营业中

休息中

因為鄰近運動場，差不多每星期練習前都會與友人來吃華南冰室，習慣了那裡獨有的文化，與剛開始第一次去時印象大有不同。在用餐還境方面，第一次去，只是貪方便隨便揀間近體育館既冰室快食，一入去，全店都是伯伯，顯得年輕的我們像是店內異族，招來眾人目光。但多去幾次，店內的姐姐都會跟我們閒聊日常，伯伯們都會讓卡位給我們，還有偷聽伯伯們的對話內容都滿有趣，大多爭論老輩的女明星，那個較為艷麗動人。所以不要給剛入去的第一印象嚇怕。在食物質素方面，通常多點常餐，30元包沙嗲牛肉通粉/麵（加1蚊）/米粉/意粉，味道香濃，份量多飽肚感足，配煎蛋或炒蛋及火腿，個人推薦煎蛋，蛋白邊香脆，蛋黃汁甜美可口，配熱牛油多士，連飲品（凍飲加2蚊）這個價錢合宜，份量多，味道佳，額外一提，凍奶茶的茶香味濃，店用穿心冰，保留舊式茶餐廳的味道。在上菜速度方面，這店上茶速度超高效率，完全不用擔心等候太耐，即叫即落即整即上，但記得7點前要結帳離去，因為接近7點時，店內員工會急不及待收走食完的碗碟，拿去清洗，而且後場的燈都關上，不要阻礙他人收工，記得吃快點，哈哈，免得姐姐苦苦等待收工。

次次去深水埗都落雨，今日都唔例外下車落雨見肚餓就隨便衝入來食早餐就叫左早餐。奶茶離遠都聞到好香既茶味，入口又夠滾，夠滑，但我比較重口味，我有點覺得茶胆淡……多士又香又脆，口口味，配合淡淡牛油，好滿足。之后食雞蛋，即煎的，好用心啊！！我的餐肉米線就有待改進。餐肉太薄，米線湯底冇味淡口

首先，我想提下睇深水埗OpenRice 的你，如果你想食呢個北河街街市的芽莊城越南河粉的話，唔好意思，由今日到八月底街市都唔會開，因為內部裝修，我和弟弟來這裡下午茶的空歡喜一場。我們倆也是求其食少少的人，因為電影節電影與電影之間的空檔，就是但找一間吧。早上看戲前在那個英發茶餐廳叫錯了的茶餐，害我沒有得食沙爹牛麵，看到這間華南冰室，16對13對5，似乎普普通通，不過，沒有食沙爹牛麵令我周身不自在，就唔介意吃多一次吧。看過開飯都有聽說這裡的蛋撻是還可以的，也因為呢個原因，我們兩個就坐下了。入到呢度才知道，呢間茶餐廳真係唔係係人都接受到。首先，平時的茶餐廳我想點樣都唔會咁率性和隨意，那些落單紙就如符咁滿地飛，我們坐近那個茶餐廳的開放煮食bar，餐廳的茶水就放在我們面對，全部員工都是阿姐，佢地態度就有如那個饗璫璫名震全港一樣的澳牛的員工一樣咁串。當我叫完個餐後，我叫了我今朝冇食的沙爹牛肉麵，滿心歡喜之際，姐姐話:"唔好意思，唔記得左，今日好好生意冇哂沙爹"，然後佢將落單個張紙一下就掉左落地。那刻，我明白點解周地都係紙了。隨左侍應，每個客人都好隨意，可能全部是伯伯的關係，他們赤腳，他們會坐很久，

生日，對有些人來說是很重要，申請放假不上班是基本，有些更要到外地旅遊慶祝，這也無可厚非，個人自由，悉隨尊便。這天是小弟的生日，習慣地如常要上班，但刻意沒有在家帶早餐，只想試試這間很舊的冰室。冰室的裝修像是六十年代，顧客大都是年長的，還會拿著報紙邊吃早餐邊閱讀，卡座細小迫夾，搭檯是慣常的，大家不以為然。點了早餐，$25，這個價目，相信在港島只能吃多士加咖啡，而這裏有煎雙蛋，牛油麵包或多士，火腿通粉及咖啡。火腿通粉，粉稍腍，有片火腿，整體過得去，喜歡夠熱。煎雙蛋是反蛋，相比大X 樂，蛋不算細，麵包只有些少牛油，更合我意，索蛋汁食，已很享受。咖啡，並不太濃，不過不失。在生日的一天早上，吃一個豐富的早餐才上班，很開心！

上星期到深水埗買手機配件, 天氣又熱又焗, 想找個地方歇腳, 但見"新香園"門外的長長人龍, 立刻打消念頭, 轉到另一間姊夫說不差的"華南冰室"試試. 下午茶時段, 店內幾近滿坐. 這間"華南"是典型的舊式茶記, 地方狹窄, 光顧的多是附近的街坊, 價錢也很公道. 點了個多士餐 ($18), 一杯茶加一份多士. 選了奶醬多, 一份兩片的白方包切成三角形, 多士烤得一般香脆, 內裡的花生醬和煉奶亦下得足料, 如果麵包可以烤得脆點就更佳.熱奶茶, 用黑白奶的厚身杯裝著. 茶夠熱, 入口滑身, 但茶味很淡, 奶味相對地濃郁. 奶茶一向是不少舊式茶記的皇牌, 多以茶膽香濃見稱. 但這杯的茶膽實在太淡, 與附近的新香園或者遠一點的新華相比, 明顯比下去, 比較失望. 下次再來的話, 還是喝其他飲品好了.

很喜歡深水圽的舊,有很多舊樓宇,餐廳,批發店,連帶人也帶了幾分的懷舊.今次試一試舊冰室,睇個招牌同店舖內的擺設,就擺明唔係,最抵死係餐牌都懷舊價好小心叫左杯紅荳冰及蛋撻.紅荳冰好好味,我會介紹比朋友,至於蛋撻就一般般.好唔好食就,百貨賣百客啦.不過留意到一單野,就係有幾個貌似熟客既人都係點食,呢個下次食完,有機會再留言.

本人一向都喜愛懷舊老冰室，喜愛它的舊、傳統、奶茶⋯⋯但估不到這次嘗試竟令我明白歷史悠久的也未必好！切勿亂試！剛巧是中午繁忙時間，但區內老人仍佔大多數。點了午餐轉火腿通+火腿煎蛋多士+熱奶茶。火腿通：只有一片瘀色的火腿，通粉超級過腍，似食粉漿！火腿煎蛋：得個油字。多士：硬而不脆熱奶茶：雖是老店，但用的是新的黑白淡奶杯。奶茶味道極淡，好「水」的味道，不香不滑，惡劣！本人只喝了兩口便放棄。以為招牌菜實無衰！怎料得個失望。見到水巴似有豐富經驗的叔叔，還身穿黑白淡奶制服，以為杯茶一定掂，怎料比一般茶餐廳還要衰。就連最基本的通粉餐都咁唔掂，看來只能吸引一班區內老街坊支持。後記：個收銀阿叔對客態度衰衰，見到抱著小孩的女食客還粗聲粗氣。，

今(24-3-2013 Sun)朝同男友起身後,先拎o野出深水埗然後至食早餐,我o地唔知去邊o度食好,去信興飲茶?男友話大家仍然攰,如果再慢歎會好辛苦.咁行行吓見到呢間o既招牌,我問我o地係咪o黎過?佢答係.問食唔食多次?我答是但啦.咁就入去喇.其實時間好早,但張張枱都有人,我o地坐o係一張圓枱,我o地同樣要$24.00o既午餐,由於對我o地o黎講,餐牌o係倒轉,所以都唔太仔細考究,有牛油方包配火腿煎雙蛋,男友要沙爹牛肉湯意,加$2.00要凍檸茶少甜,我要叉燒湯意,加$2.00要凍檸水.一陣後,所有o野到齊,基本上,同我o地上年第一次o黎食時冇乜分別,只係加o左$1.00,不過我o既叉燒湯意o黎到時好攪笑,唔見有叉燒,以為係淨意粉,我翻o黎睇吓,啊,o係底,可能要整返熱啲叉燒o掛.牛油方包內裡o既牛油同上次差唔多咁多,意粉好似少o左啲.男友話沙爹牛肉唔錯.服務:男女侍應都OK o既,但我出去畀錢時,咁o岩個老闆娘行開o左,佢o既男職員就o黎收錢,咁我梗係照畀啦,點知個老闆娘好緊張咁走返埋o黎,推開我話我o黎我o黎.我登時覺得反感,我唔知亦唔理你點解要咁緊張要親手收錢,但我始終都係客人,

朋友1：我好開心呀可以去華南冰室食我地既午飯，一句講哂平靚正，食到你會再想去食;-)朋友2:絲襪奶茶在口中先有茶的澀味，後有奶的香滑加上冰凍的冰，簡直具備香港傳統的風味👍朋友3:這次在華南冰室吃了沙嗲牛肉通粉.這個冰室的價錢比其他餐廳的午餐便宜.味道很好.職員服務很好.值得一去朋友4:這次吃了沙嗲牛肉米粉，味道淡淡的，檸茶很好喝，價錢合理。

這天送同伴到深水埗工作。整個下午都斷斷續續的下雨，時大時小；難得再到這區，本想到處走走，但為免「落湯」，只走了兩三個街口。除了到＜新香園＞吃了份蛋牛治，還到一街之隔的＜華南冰室＞稍坐。這區有很多基層市民聚居，一家平易近人、取價公道的街坊食肆，正合他們所需。＜華南＞若以通脹為由，加個三四五六塊，也不能責怪；附近的酒樓也不便宜，反映居民不是吃不起。但她在這價格帶企硬，恐怕除了服務坊眾以外，很難找到其他理由了。其實我已吃過午飯了，但不想只是喝杯奶茶便算，所以還是點了個廿三元的「晏仔」，實行「與眾同樂」一番。叉燒湯意先來。材料全藏在下面；映入眼簾的，就是煮得過粗的意粉，但也不怎介意。更難得的是，經濟實惠之上，還加上了用料十足：自家製的白肉叉燒，有面目見人有餘了。還有其他「部件」：對於一餐「晏仔」該包括甚麼、該對它有甚麼期望，我們的expectations都已經被managed了；煎蛋熱、多士脆（火腿這種processed meat，更不懂該如何要求它），都做到了，還有啥抱怨的呢？要說美中不足之處，不是沒有：就是奶茶走不出被marketing「同化」的命運！要沖出令人難忘的奶茶，還是先攪好自己的

今(22-4-2012 Sun)朝同男友起身後去食o野,我o地邊行邊搵,行到o黎呢o度就試吓啦.入到去坐低,男友問重有冇早餐?亞姐睇睇鐘答好啦,畀埋你啦.我都睇睇錶,11:35am,啊,即係11:30am截,亞好真好人呢.男友就要只有一個選擇o既早餐,就係$21.00有火腿通粉,西煎雙蛋,牛油方包,加$2.00要凍檸茶.我就要唯一一個$23.00o既午餐,要沙爹牛肉湯意,火腿煎蛋同牛油多士,加$2.00要凍檸水.好快,男友o既西煎雙蛋同牛油方包到o黎,雙蛋煎得好靚,之後係凍檸茶,亞姐擺低後都即追問水吧重有個凍檸水未到.然後男友o既火腿通粉,我o既火腿煎蛋同牛油多士, 凍檸水同沙爹牛肉湯意(變o左通粉)到o黎,.算啦,通粉就通粉啦,唔好叫人改返喇.好,開餐,牛油多士裡面o既牛油都幾多,唔係揩一吓,煎蛋係大大隻,而且o衣o家好多間o既蛋都細細隻兼只得一隻,呢間真係畀得好足. 而沙爹牛肉呢,顏色好深喎,自己醃o架?食吓先,味道好濃辣啲啲,牛肉鬆軟,而通粉有啲彈牙,唔錯喎.凍檸水都冇乜問題吖.服務:都好好,一入去老板都已經招呼,亞姐態度友善環境:典型七十年代裝修,仍保留當年o既硬板椅,但感覺

正月初四‧晴年初四已經要試菜，不過就算吃了一頓很不錯的西餐，總是想喝一杯熱奶茶，就來了這裡。雖然這裡是舊式茶記，但茶香淡所以覺得奶味很濃，不太掂。見有出爐麵包，也來一個蛋撻。是酥皮，但不酥化，實實的，水準以下。應該行多幾步去金園或新華更好。

其實平時好小去深水埗。 只係偶然經過華南冰室見到出面放咗好多菠蘿包。本人對菠蘿包情有獨鐘，尤其是菠蘿油，所以就入咗去。叫咗個菠蘿油同熱奶茶，真係好好好好味！個菠蘿包好熱但係塊牛油係冰架。杯奶茶好滑。唯一問題係地比較骯髒，好多垃圾。坐得唔舒服。但係為咗好味嘅食物係值得架！

茶餐廳內一排排的卡位，極之係久違了的傳統佈置，現在香港已經是買少見少，大家要多多支持！叉燒煎雙蛋飯既簡單又好味，亦帶給我很多美麗的童年回憶，特別係啲黑醬油，甜甜哋又鹹鹹哋鮮茄牛肉飯是個健康的碟頭飯，番茄的茄紅素對男士尤其有益，多吃無壞。熱鴛鴦咖啡及奶茶味很平衡，尚佳之作。吃罷飯後同事問我要不要加甜點，why not! 同事要咗個蛋撻，我就要了個沙翁。沙翁蓋滿糖粒，一啖咬落去軟「林林」，又無油器味，非常好味。

今日同太太經過華南冰室, 再入去醫肚及坐低飲杯水.我地叫咗午餐(沙爹牛意，多士,煎,蛋及檸茶), 再加一杯奶茶, 埋單32元, 真係好抵食.沙爹牛意味道幾好, 檸茶和奶茶都好掂, 比起快餐店好好多, 雖然只比普通之作好啲，但咁嘅價錢, 好難搵啦啦!我一定會再次翻炒。但坐位就一般, 唔覺坐得好舒適.無法, 鬼叫又平又食得咩!!!