菓一道健康餐廳 (已搬遷) 新店位置

平時呢食午飯，食物都幾好食，只係好嘈，又局，好多時食完就那那聲閃人，真係冇想過食晚飯就出事。個晚係廣東道，我同朋友幫襯開黃埔店食晚飯，以為呢間店都一樣啫，所以就入去囉。早去還好，遲Ｄ去，８點鐘後就嘈得不得了，根本唔可以同坐對面既人講話。你知啦，好多時晚飯係雙雙對對嘛，呢到就唔可以馨馨我我喇，生意晚飯更加唔適合。叫左鮮茄什菜糙米飯同加＄１５既湯，飲品及甜品。個湯比較咸，仲可以接受，但焗飯個汁就唔可以接受。叫侍應生幫我換左佢，佢地都好禮貌，幫我攞返去廚房。再攞出呢俾我時，個廚房只係幫我將Ｄ汁清走左再番焗。嘩！乾真真又冇味道，叫人點食喎！食完又那那聲閃人，以後唔好再搞我，都係去番黃埔店好Ｄ！

星期六與好友到此吃晚飯，幸好之前book左位，因為入到去已經幾乎full晒。之前黎過呢度食飯，但已經係好久之前的事了。久別重逢，估唔到係咁嘈架，真係要“吓”幾次先可以聽到對方講的東西。那張兩人枱真的細得可憐，放下水杯、麵包、頭盤已經無咩多餘空間了。我地未食完頭盤已經上了主菜，放埋兩碟主菜真係迫到幾乎食唔到呀！由於太早起主菜的關係，到我地食那時，主菜只係微暖狀態，熱辣辣一定好食好多。當日我地叫左一個蕃茄雜菜焗糙米飯、一個葡汁雜菜煨意大利麵，個焗飯比較好味，有種好健康的感覺，可能係因為糙米的關係，加上那些雜菜都好新鮮，尤其鍾意佢的蕃茄同埋個汁。但個意粉煑得唔夠彈牙，個汁唔係咁好食，葡汁味淡。呢度真係唔係一個傾計的地方，如果同朋友聚舊一定唔好揀呢度。否則耳仔同喉嚨都受罪。但佢地的服務都唔錯，幾殷勤。

Food is ok. But the environment is terrible. You can hardly have any conversation and we can hardly hear what the waiter and waitress say most of the time.

第一次又係姑姐帶我去ga…因為o係正佢\office樓下…所以好自然成為我地gei目標…<br />li度d野食以”健康”為大前提…味道都ok la…咁就一定唔會話好好味ga la…<br />健康餐\廳d野比我gei感覺係會好淡,無乜款咁…但係li度完全唔係…<br />li間黎過幾次…<br />第一次2個人所以無叫set…因為明知唔會食得晒…<br />之後有幾次都係夜晚同埋阿媽,3個人叫2個set…其實都係太多…不過都ok la…<br />一直”無飯癮”gei我反而好鍾意li度d飯…可能因為唔係白飯而係糙米飯la…<br />我地幾個都prefer焗gei野…反而唔係咁like d咩咩炒意粉/天使面/飯…<br />可能因為乾得滯啩…唔知呢…<br />姑姐同阿媽都話黑豆漿好飲wor…不過我只係試左一小啖…但係一啖仔好難話到好唔好law…所以唔知la…<br />

昨晚與朋友到此店食飯，我選了芝麻醬蘋果帶子炒麵，朋友選銀雪魚麵，加$15可作餐包括餐湯、餐飲及甜品，不過如果要牛油便要落單時通知。食物味道清新，所有食品都列清卡路里，啱唒keep fit一族。

1st service唔得abt5:50去到...就黎cut tea個waitress行埋黎迫我快d落order...佢係咁講:下午茶就黎停.你好快d叫野語氣真係好唔得。2nd料唔夠...又唔係好健康。叫左吞拿魚沙律麥包入面有d生菜絲/半piece蕃茄搽左一半包面都唔夠0既吞拿魚+好多沙律醬我相信d卡路里一定唔止menu上所示0既數目。+$3叫凍黑豆漿....一d都唔凍而且冇乜豆味。起初諗住會ok...點知好失望。

打完波後嚟呢度開餐, 一行六人, 因有朋友食齋, 所以叫了三碟素, 三碟葷, 都係西班牙素食天使麵, 咖哩海鮮紅米飯, 南瓜雜菌炒飯之類. 好類似, 都唔係記得咁清楚. 全部加十五蚊, 跟餐飽餐湯, 飲品同甜品(雪糕球).味道都唔錯, 個人尤其喜愛天使麵. 有水準.值得一提, 呢度啲食物份量頗大, 我哋都食唔晒.餐廳裝修簡潔. 唔係咁多人. 想同朋友簡簡單單食餐飯, 呢度係一個唔錯嘅選擇.今餐原本係常春藤小姐慶祝昇職請食飯, 但大夥兒都笑說呢餐唔算, 常春藤小姐, 下次我哋要去Sabatini 食啊.

今晚0係度試0左款有機蕃茄蒜片帶子花虎蝦炒野菌天使麵.58蚊,另加15蚊轉餐.餐湯係蕃茄西芹湯,几好飲,清清地,但煮得d蔬菜味几出,酸酸地几開胃~個合桃包都好食,係乾0左少少.主菜個麵好大盤,有好多西芹青椒紅椒黃椒,仲有少少鮮菇,花虎蝦只有3小隻,帶子有3粒,不過個蕃茄汁就炒得個麵好好食,好香~總的來說味道唔錯~飲品我要金桔青檸水,甜品就要芒果雪糕.金桔青檸水几好飲,又係酸酸地,我要熱的,飲完成個人暖哂.芒果雪糕應該係自製,芒果味唔夠,味道麻麻地.呢道雖然冇加一,但服務都唔錯,值得一讚.

節日前後老尖特別多人，好難先搵到呢間唔駛點等位。N 年前係尖東分舖食過，還記得杯黑豆漿同合桃幾好食。每款主菜大約$3X至$5X，可以加$15轉餐，包餐湯、餐飲、合桃包同甜品，而主菜又大份都好抵食。餐湯係雜菜湯味道似罐頭金寶湯。合桃包好似冇以前咁好食，好難食到有合桃粒。主菜有西班牙菜雜天使麵&蜜汁燒鴕鳥扒紅糙米飯，天使麵煮得唔會過腍，因為好多食港式煮法都較腍身，菜雜唔係一般D菜頭菜尾，有玉翠瓜、紅腰頭、紅黃椒….。而糙米飯好食一粒粒好有咬口，D鴕鳥扒似鴕鳥肉多D，切得好薄又細塊，肉質又較韌唔夠入味。甜品要一個香橙雪芭及荔枝喱，喱我就冇食到，個雪芭質感似雪榚，有好重藥水味唔好食。其實呢間野最吸引我o黎的原因係每個主菜都有寫住個卡路里，而且我一定食唔晒，所以唔驚超標。

記得幾年前讀書果陣已經成日幫襯尖東果間架啦....果時唔係好多地方有紅糙米食...所以覺得佢好特別...前幾日同舊同學聚會..大家果日都冇乜胃口....左揀右諗既情況下....就走左入黎呢間開餐....我揀左個忌廉汁素肉千層飯...加$15有個set...有個甘荀薯仔湯...自家製合桃是子飽...仲有杯金桔青檸....可能成九點先開餐....已經過左肚餓好想食野既感覺....飲左個湯食埋果飽已經飽飽地....個湯清清地但係好有口感...因為有薯蓉同甘荀粒...幾好味....而個合桃提子飽我就好欣賞....暖暖地...配埋個湯....唔錯....至於我個焗飯....賣相好得...除左素肉之外仲有茄子片一齊焗....之但係...佢個名叫千層飯....我見唔到千左去邊囉...我仲以為好以千層麵果D咁一層層咁咋....原來唔係架....車....不過...咁耐冇幫襯佢...依然keep 到咁好味.... 難得呀....

經歷過一段只能白烚或蒸的艱辛減肥歲月後，當發現呢度時真係好感動，原來吃得健康之餘，都可以好好味架!!在這裡吃過幾次晚餐，試過幾款不同的飯同意粉呢度所有飯類都係用紅米/糙米的，但都唔怕吃唔慣，因為佢整得易入口之餘仲好有o趙頭，所以黎親多數都會叫飯食，個人覺得焗飯同另外一個煙鴨胸菠菜蛋白燴飯最好食~加$15可以跟餐，個餐包仔係合桃包，烘得暖暖地、軟棉棉，好食~ 飲品可以揀黑豆漿，好香既豆味，但唔會好甜，證明唔會落太多糖~以前呢度冇咁多人的，而家夜晚好快就full晒lu ~好開心的~ ^_^

同老公鬧交，一個人搵食，本來想去panash食，但方向感一流的我搵極都搵唔到，最後兜兜轉轉去了這裡。環境好似比尖東那間好一點，服務兩間都好好，令人感覺好舒服好relax，而且價錢都不太貴，食物又健康又有卡路里數據提供，怕肥的人可以食得放心，是一間很不錯的餐廳。這次我試了鴕鳥扒配紅糙飯加十五蚊轉餐，汁料很香濃美味，雖然健康但不會清淡，令人吃得很有滿足感，飯不會煮得太淋，紅米很有口感很煙韌，配上少少甜的蜜汁更惹味，鴕鳥扒份量不少，有三大片，但煮得太韌太鞋，味道吃不出跟牛肉有甚麼分別。餐湯味道不錯但不夠熱，而且我不好忌簾湯，所以只飲了少少，但芝麻合桃包很好吃，好香的芝麻味，再加上少少合桃肉很有咬口，麵包烤得鬆脆，令人回味，黑豆漿的豆味香濃，加上少許的清甜，亦是不錯的選擇，甜品椰汁粟米布甸比較普通，沒有驚喜，但聽隔離的食客講個糙米雪糕好好味，下次會試。雖然這次的鴕鳥扒令人失望，但我會再幫襯，始終在香港出街吃飯又要吃得健康的餐廳不多，而且我相信這次只是一時失手，希望下次會好食點。

噚日去左海港城間幫襯,叫左個泰式香草青衣魚扒紅米飯,唔好辣, 都好好味, 跟餐有湯,有飽又有飲品都只不過加多５蚊成個餐都五＋幾蚊咋, 又無加一, 真超值, 重好健康, 因為食完都唔口渴, 佢地Ｄ侍應話無用雞粉同味精. 不過真好好味! 我會推介比朋友.臨走叫左杯餐飲凍檸水, 好得意因為好似杯凍檸茶, 經查問之後, 原來原庶黑糖, 哇! 間餐廳咁簡單飲品上都咁認真同有誠意, 真抵佢咁旺.

好味夠大碟，抵食！

今晚同男友0係度食dinner,我叫個蜜汁燒駝鳥扒配紅糙米飯($53),男友要甘菇燒汁焗雞柳紅糙米飯($45),2個人都要加15蚊要碗湯+榛子包+飲品+甜品.個蜜汁駝鳥扒好一般,個汁麻麻地,冇咩蜜汁味,d駝鳥扒都一般,唔覺十分好食,都係個紅糙米飯最好食,其餘的東西...勝在份量夠哂多.男友0個兜飯都係好大,焗得好夠熱,佢碟雞少少似雪雞,但我唔肯定,不過食落冇咩雞味.個汁有小小甜味,聞落似咖哩味,食落似蜜汁味...哈哈...飲品我要柑桔檸,男友要蜂蜜綠茶,我0個杯都几好飲,夠哂酸,正!食到咁飽0岩哂,但男友0個杯就唔太得,d綠茶冇咩味,成杯都好似道地0個d味.甜品我要黑芝麻雪糕,男友就要紅茶凍.個雪糕好食喎,好有芝麻味,個紅茶凍都几得意,真係有紅茶味~不過唔太夠凍.今餐都ok啦,環境就暗0左d囉,其餘都几好几乾淨~