影片
食家推介
因为朋友介绍而过嚟试呢间，外卖叫咗花雕蒸蛏子、兴化炒米粉同埋猪肚莲子汤。花雕蒸蛏子有惊喜，份量多，而且只只都肥嘟嘟，吸收晒啲汁～ 每一啖都好满足至于炒米粉嘅材料就好丰富，有虾仁、蛋、娃娃菜、红萝卜、猪肉、娃娃菜、香菇…可惜米粉略嫌偏干，即使米粉非常纤幼，似乎都唔太吸收到材料嘅味道，好似分开咗嚟食咁？而猪肚汤外卖攞上手热辣辣，应该系啱啱炖好，但味道就偏清淡，感觉不过不失啦。期待下次再过嚟试红菇海鲜卤面～
继续阅读
行到边食到边去到长沙湾区食下午茶见到个40蚊内容冇睇就即刻冲入去 炸酱面 真系非常有惊喜 大份到一个人系食唔晒 系饱到晚餐都食唔落嘅状态 佢啲炸酱嘅肉粒系大过鹌鹑蛋 仲要铺到碟咁多肉粒 个汁捞嘅味几香口唔会太浓味 再加埋有青瓜中和味道 好啱我口味 之后拣小食 有海蜇青瓜皮蛋 选择唔想食到个口咁重味 乱咁拣咗 蒲鲜 扁炸食 就咁睇个名唔知系咩嚟乱 咁嗌原来系炸小云吞 入面嘅馅就唔系太多不过炸酱面太大份食到太饱所以已经冇咩所谓炸得香口完全唔会油腻仲要大份到有8粒 包埋饮品 40元 准备写食评先至见到系福建菜餐厅唔好意思未去过福建未食过正宗福建菜不过味道好啱我食
继续阅读
招牌麻酱面,酱汁浓郁又唔油腻,面条更有只独特的香气。佢哋用的配料,like麻油、蒜头、香菜等,融合得超好,每一口都回味无穷。再讲下另一个招牌菜,盐焗圣子!调味刚好,唔会太咸,反而有股回甘味。饺子份量都几足,每一个都馅多而饱满,馅料都新鲜多汁,完全无干涩感。你胃口细,最后都要打包呢!除咗以上招牌菜,炸紫菜蚝都好值得一试,外层酥脆,里面有饱满多汁嘅蚝肉。紫菜嘅清香同埋蚝肉嘅鲜甜完美融合,每一口都好惊喜。蚝肉嘅鲜味同埋酥脆外皮形成好好嘅对比,层次感十足。总之呢个餐厅嘅菜式无论系麻酱面、盐焗圣子、饺子定系炸紫菜蚝,都令人愉悦,份量十足,口味更系一流,真系一间值得多次光临嘅好店
继续阅读
啱啱食左个扁食面同海鲜紫菜焖饭，老婆福建人既comment系好唔福建, 枉佢满心欢喜咁入左黎食。真系福建的话，扁食皮会再薄d滑d, 会落好多虾米，唔会跟面。呢间既扁食系正常既猪肉芹菜，无落到虾米，面亦都无乜特别就系上海拉面。再失望d既系个焖饭。福建因为近海，一般蚝仔都会系新鲜既，佢就落左蚝豉(what?). 焖饭一样都系会落好多虾米，咁同样地佢既焖饭都系无虾米啦。平系几平，一百蚊两个人，就香港正常食碗面既价钱，所以亦都系食碗面既质素。
继续阅读
行过长沙湾见到呢间餐厅标明系福建闽菜，装修古色古香，我去到既时候已经8点铺头都坐左一半人，睇落都有保证，所以就入去试下！莆鲜味卤面既餐单有好多选择，虽然铺面好怀旧同系小店style，但一坐底店员已经比左QR CODE可以自己用电话落单，真系估佢唔到。我就叫左佢既全日餐莆鲜兴化炒米粉配饺子汤，再加多一份莆鲜手工豆茸粿(=糖不甩)😝⭐莆鲜兴化炒米粉我一向都好中意食炒米粉，莆鲜味卤面既炒米粉我食落口感就好似潮州菜既炒粉丝，同样地都系有好多唔同菜、冬菇甘笋丝、炒蛋丝、虾米仔同猪肉(/牛肉碎)炒成。我就好中意食呢款炒米粉，因为唔系太油炒得够干身👍👍但朋友就觉得会偏硬同干身左啲，所以要睇返个人口味喔😆⭐饺子汤饺子汤都好大碗，虽然系套餐但份量一啲都唔少。同埋佢可以比你任拣饺子种类，我就加左两蚊拣左韮菜猪肉饺子，佢口感好好应该系铺头自己包唔系买现成货，皮薄馅多够晒足料，啖饺子汤有啲葱花衬下，饮落唔似有落味精，好清甜饮完一啖又一啖😝⭐莆鲜手工豆茸粿其实就系糖不甩，不过呢个有惊喜😍因为完全估唔到一间福建闽菜既食店有咁好食既糖不甩❗❗❗好食过糖品铺既糖不甩，上面芝麻好香，个粉团好软糯同好有咬口，个皮够实唔系淋浸晒水果只>呢个真系我既推荐，必试❗❗❗
继续阅读
您可能会有兴趣的...