莆田 (已結業)

態度奇差，食物質素失望，崩口杯。。。呢間真的是莆田嗎? 這間真的是米之蓮一星嗎?雖然新開張不久，今次已經係第二次食。第一次食時，已經覺得麻麻，不過諗住佢係新開，可能員工未熟悉哩。呢日再去食，不但冇改善，仲差得好緊要添。鑽石山和銅鑼灣分店都經常去，但係呢間完全唔似樣，一d都唔似，好似係冒牌貨咁！先睇隻杯，咁快就崩咗2處，咁都俾客用？就算茶記而家都唔會用崩杯啦！煎煮小黃魚(斬件) $138，上枱時賣相超驚嚇，完全唔覺得佢係小黃魚，亂咁炒，份量少，仲要賣$138！去酒樓蒸條新鮮班仔都得啦！如果係煮得好味d都話吖，又油又鹹又冇肉，真係有種被騙嘅感覺！莆田肉酥卷$95，一個字！入面舊肉餅超重口味，唔好食！芥菜粥$78，完全唔掂。芋頭同粥都分離嘅，鑽石山分店煮得好好味㗎，呢間完全係唔似樣，唔好食！相都冇心機映。坐底揮手冇人理，服務員態度差，我知你忙，但都唔係咁嘅面口，咁嘅語氣掛！可能當日坐得近廚房，伙記又成日嗌交，好嘈！我嚟食飯，唔係去街市聽人嗌交㗎！執完枱嘅杯碟係凌空dump入車仔，水和食物渣彈出來，我張枱就係旁邊咋，趕客咩！好失望，好失望，好失望！下次都係去幫襯佢其他分店喇。

新年流流，唸住試新嘢…… 下午二點幾，見到唔係好駛等，入去試下…… 嘢食，過得去…… 叫咗必食紫菜、椒鹽豬手、炒米粉同埋煎小黃魚; 仲有比較欣賞獨特嘅辣椒醬，可惜…… 對米星食店嘅期望，豈止食物味道？⑴ 坐咗比較入嘅位超過1個鐘，D 碗碗碟碟呯呯硼硼嘅尖音就冇停過！頭都爆！D侍應無論收碗碟，擺位，都好似同D碗碟有仇！⑵ 隔離枱問侍應攞1人午餐牌，又走去搵，又話等等又話要問問，最後先話公眾假期冇…… 到收我張枱嘅午餐menu，只係話「午餐 Last Order」，我仲特意問多一句 Clarify，「係咪只係午餐menu個牌D食物咋？」侍應話:「係呀！」我再追問，其他嘢仲嗌得？」佢再答，係呀！結果當我想嗌白果芋泥(鎮店甜品)，一位態度奇差嘅戴眼鏡哥哥話冇得嗌！下午茶時間只可點下午茶餐😡😡😡😡😡⑶ 送菜上我哋枱，幾乎碟碟都係响隔離枱飛象過河，跨過别人枱送上嚟！😰😰⑷ 明明都仲食緊，又突然有侍應問我係咪賣單~~😤 仲話我知:「哎呀！唔記得係咪你嗌埋單……」(唔係化！)

2016年的圣诞平安夜，我邀朋友来到新港城商场逛逛兼乐乐的，此商埸可是新装修後也有许多新式的食店在此开设 ，我们试了个新式福建菜来嚐嚐的呀！就到了叫＂甫田＂的食肆，要了份＂兴化炒米粉＂，79圆一碟，内有虾球丶椰菜丶花生肉丝等的料，米粉极为细丶幼的，怪特别的呀！👍又来了份叫＂山𥚃白果＂，82圆一碟，内是白色的年糕，应是糯米做成的，还有些少的海鲜丶肉丝的，我觉得咸了些的呀！☺️☺️此山𥚃白果像是吃了有点腻的呀！＂椒盐猪手＂，真的好极了呀！好吃到不得了的呀！78圆2只，皮脆脆的，可内层的肉极为嫩滑兼如胶的呀！有多麽丰富的骨胶原似的呀！👍👍👍👍👍此店要加一服务费的呀！

講番佢啲食物, 所謂招牌菜, 紫菜做嘅冷盤, 真係腥到不得之了, 下午茶份量少得可憐, 啲包實的的, 飯又凍又硬, 糖水又唔夠味, 真係送都好難搵人食.之前食過一次晚餐, 已經覺得啲食物好難食, 所謂招牌菜黃花魚, 又係腥到不得之了, 湯餃子全部都係湯, 餃子細得可憐, 分量又少得可憐,  味道十分之奇怪,  啲飯又淡又冇味, 炒米粉油淋淋, 油到好似用油浸, 湯麵仲恐怖好似漿糊咁傑撻撻!呢間咁嘅嘢千祈千祈唔好幫襯, 免中伏!

以往回鄉探親才有家鄉菜食，現今不用回鄉就已經可以食到細細粒既雲吞，湯頭加了醋，容易入口，令人不禁一口接一口食包點及白糖糕不太甜福建炒飯及炒面，還可以九層小腸，做法細緻，味道不錯紫菜煎蛋，看起來似有點油，但食落口完全無這種感覺，可以一試

今日, 下就去新港城中心做野搵食時間見到呢到都有一間莆田.. 又諗返起上次係鑽石山店食完一試就愛上所以就帶我同事試試呢個紫菜中既黃金喇家鄉燜紫菜紫菜配上清雞湯再加入芋頭慢火熬製味道唔會過咸, 無味精, 健康又好味九轉小腸好有手工既一道菜, 一睇上去已經覺得好吸引口感彈牙爽口, 又滷得夠入味一品紫菜煎上次食過呢個紫菜煎, 十分回味紫菜配埋新鮮雞蛋香煎蛋煎得非常香口..唔需要加任何調味攪飯食已經好好食

價錢跟份量及應該有的質量完全不成正比。是因為挾著星加坡米芝蓮的名字便可以收貴一倍，份量減半？服務更不用說，是茶餐室水凖。不會有下次光顧。大好星期天就給這頓午餐破壞了

難得男朋友暫時搬進沙田短住，沙田廣場假日人太多，決定到就近新港城 覓食！看見莆田係米芝蓮一星餐廳，仲要比我見到有得食頭水紫菜宴，禁特別當然要入去試試佢首先叫左個九轉小腸，望落迂迴曲折😂果然好功夫！大腸清洗得非常乾淨，去除了腸內的油脂，小腸用熱爐保溫，食落彈牙有口感，感覺完全唔會膩！蝦苗伴頭水紫菜，賣相精美，細細隻蝦苗帶出微微鮮味，紫菜口感很滑，而且店方用了醋調味，紫菜既香口再配合埋酸甜味道，非常開胃。估唔到紫菜及雞蛋兩種簡單食物配合起黎係可以禁好食！蛋調味得宜，煎得香口但感覺唔會熱氣，每塊煎餅都加入超大量既紫菜絲，味帶鹹香，不油不膩，香氣十足！家鄉燜紫菜又係一道令人驚喜既菜式，店方利用頭水紫菜小火慢燜煮湯，湯裡加入了芋頭粒，八爪魚粒等，紫菜質感食落軟綿，湯底鮮嫩，每一口都口感豐富，鮮味十足！莆田鹵麵 好有傳統家鄉風味，湯底濃鮮，加入了菜蔬、雜菌、蜆等材料，味道不錯！

美食沙漠馬鞍山竟然會開咗間米芝蓮一星餐廳，點都要試下。餐廳好細，坐落之後同隔離枱都真係手臂貼手臂。不過張枱就都真係好細，擺晒杯碟之後，基本上都擺唔到食物。食物份量全部係袖珍板，你話食份子料理都有人信。喺新加坡食嘅時候，都係細份量，但好似唔係細到咁。上菜速度快，但服務真係完全唔掂！所有人都係好似無受過訓練咁，上菜唔夠位，竟然可以玩冰壺咁推碟，仲有一次一下橫掃我d碗筷，推到我對筷子喺枱邊就快跌落地！最出名嘅冰鎮苦瓜，唔知係咪苦瓜品種問題，一d苦瓜嘅甘甜味都無，亦切得唔夠薄！小食拼盤，我唔食內臟，豬腸無食，豆卜本身得兩件，無特別。豬腳凍，食咗一粒，完全無味，大菜糕咁款。紫菜，咪就係平時食魚蛋粉味d紫菜，完全無分別。香酥鴨，幾好，芋頭蓉包住鴨肉，鴨嘅油香味唔算豐富，不過正因為咁，無咁膩。外層亦炸得好鬆脆。鹵麵，一見到都唔多開胃，相都唔影。碗麵就好似糊仔咁，好似煮咗好耐，索晒湯咁。麵一夾即斷，無牙都食到。雖然奇貎不揚，但已經係全晚最好。整體而言，份量細，價錢唔平，服務奇差！所謂米芝蓮，其實真係間間唔同，就算同一集團，都真係唔等於唔會中伏。不過既然用米芝蓮一星做招徠，就請用心做好d。

中菜一直屋企人都好鍾意食之前食過嘅有上海菜，廣東菜福建菜就反而未食過翌日放假特登同佢哋過嚟食12點幾嚟到，都好多人等位等位嘅位置去有得自己斟茶飲而且唔係一般嘅茶，係薑茶黎既係依個凍冰冰嘅天氣飲到薑茶，真係幾窩心等左唔係好耐就已經入去坐低左餐牌寫住頭水紫菜又見佢電視不停播着點樣種植紫菜於是就點左個頭水紫菜嘅餐來食先黎個小食先有菜脯同花生「蝦苗伴頭水紫菜」好特別嘅前菜，從來都未食過咁滑嘅紫菜，可能因為係頭水新鮮嘅關係，冇經過曬乾，新鮮軟身咁在撈埋蝦苗，味道好開胃「冰浸苦瓜」賣相好靚，整到好似一朵花，屋企人麻麻地鍾意食苦瓜，但食落都覺得好好味，一啲苦味都冇，師傅將佢切得好薄好薄，再用冰鎮住上菜，旁邊仲有蜜糖可以蘸，即使唔使蘸蜜糖都好好味「一品紫菜煎」紫菜煎蛋都係第一次食，外面煎到脆脆咁，一邊就有好滑嘅紫菜，味道唔算好鹹，岩晒鍾意食蛋既我「紫菜海蠣湯」食紫菜飲紫菜湯係必需既，紫菜豆腐湯就飲得多啦，配海蠣就無試過，其實好似蜆肉咁，兩者加埋個湯仲更加鮮味「興化炒米粉」 米粉好幼，應該係新竹米粉黎，咁幼嘅米粉聽屋企人講係好難炒，通常炒米粉食落都會好油，但依度就無，又唔會太乾身，岩岩好，而且入面仲有好

新加坡的福健菜-呢個組合一直都覺得好有趣，無論平日或假日都好多人捧場，可見有一定既質素。今日路過見到新推出既紫菜menu，終於吸引到我入去一試！餐廳設計相當新穎，而且明亮雅緻，有別於一般中式餐廳既感覺，坐得舒服。一坐低，熱心既店員已經上前為我地介紹新推出既紫菜菜式，而餐廳牆上既電視亦不斷播放影片，介紹我地即將食既紫菜如何於無污染既環境下成長，令人食慾大增。蝦苗伴頭水紫菜 $52先黎呢個頭水紫菜既涼盤。紫菜被青瓜包圍，唔好睇少呢個前菜，初時我以為份量好少，但食既時候會發現，煮過既紫菜放埋一齊既時候密度好高，食極都有。而紫菜食起來爽滑，口感獨特而當中加入蝦苗，令味道更鮮更惹味，提升整個菜式既味道。九轉小腸 $78第一次食咁精緻既豬腸！豬腸一層一層咁捲起來，一共九層，明顯係花功夫既菜式。小腸味道與潮州既鹵水味道有啲唔同，呢個係咸中帶甜，而碟下面亦有臘燭保持其熱力，即使隔一段時間再食番依然味美！一品紫菜煎 $68紫菜煎賣相同平日食既中式薄餅相似，兩面煎得金黃，咬落去既時候有驚喜！本以為係好似薄餅既質感，咬落先知係咁有彈性！紫菜被切成細細條，當咬開既時間紫菜絲絲相連，需要輕輕拉開，口感不俗！百秒

來自新加坡的莆田福建菜味道好就是朋友間都口碑載道，最近推出呢個莆田二人頭水紫菜套餐，雖然我真係覺得紫菜好味得來唔是矜貴食材，不過我都好鐘意食！所以今日心思思約埋朋友去試一試  一開枱坐低先開一壺暖暖的木淡菊花的清茶，感覺滿清新及窩心的，加分！這個先上頭盤這個蝦苗拌頭水紫菜，菜單描述是以頭水紫菜上莆田獨有紅尾蝦苗涼拌而成，有了少許醋、麻油等，非常能夠將紫菜本身鮮味吊出來，簡單的味道層次，酸酸的感覺好refreshing！雖然部相機影落去黑媽媽，不過賣相幾靚架！仲搭條葱添！是一味值得推屆的餐前小菜！ 然後呢味九轉小腸，是豬腸有豬腸味！鹵水味道香濃適中，可算是略欠特色。不過配搭上呢款莆田獨家製作的”Spice Mum Chilli Sauce”，酸酸甜甜辣辣，充滿泰式風味，豬腸醺點一下這個醬汁，立即將味道層次提升10倍 T_T 略兼原來味道有點單調吧。 呢個一品紫菜煎，第一眼感覺似一品通菜煎，哈哈！其實味道OK既，雞蛋用料絕對上乘！好少吃到擁有香濃雞蛋味道的煎蛋，不過這個煮法未能夠突出紫菜本來的味道，所以感覺很不”紫菜”。Anyway，是OK的。 到呢個莆田鹵麵呢… 有一個東東要讚揚的，是其

晚上一行五人黎到試新開米芝蓮餐廳，大家開頭都興致勃勃，但最終失望而回。先講服務我地五人被安排坐一張小圓枱，座位非常擠逼，連餸都放唔落，侍應每次上菜都係一手「撥開」我地既碗筷，連筷子都叉左出枱外四份一既地步。一係就求其放喺枱既邊邊位，又或者用「碟推碟」既方法，即係用佢手上準備放落黎果碟餸碟碰碟咁意圖推到一個位出黎？其實佢可以好好地騰空出一個位，或者換細碟。落單果方面，我舉手後有位侍應同我四目交投，諗住佢會過黎幫我地落單，點知佢擰轉個頭就走左去唔理我員工培訓真係好重要，咁既服務態度真係唔要得食物可能係名聲累事，其實菜式做得好普通。無咩驚喜。餐前小吃係花生、脆紫菜同菜莆，脆紫菜幾可口，菜莆偏咸。精美四小拼既全部味道都偏淡，九轉小腸有少少鹵水味，但唔夠濃。豬腳凍唔入味，似咸咸地既啫喱。紫菜係煲湯果種，都同樣無咩調味咁。豆卜本身得幾舊，我無試到味。冰浸苦瓜感覺就係無咩調味過既原味苦瓜，配一碟好稀既蜜糖，點完蜜糖後唔會覺得特別夾。但涼涼爽爽，都幾開胃既。一品海蠣煎，蠔既份量極少，就算搵到都係碎黎既。食粉漿多。莆田鹵麵，蜆內有沙，淨係食到沙已經扣曬分。麵係軟身易斷，湯汁傑身。黃金荷葉包算係比較有味道

坐車難得有半價，當然去平時少去的地方，今次我與朋友選擇去久違的馬鞍山！新港城變化不少，周末時份人流如鯽！與朋友苦惱著食什麼的時候，看見不遠處有莆田，便與朋友試一試。蝦苗拌頭水紫菜 - 賣相亮黑，彷如密質質的黑松露般！紫菜用兩片薄薄青瓜包裹著，拌入蝦苗及醋，質感滑溜豐富。紫菜的香配上爽甜的蝦苗，更能顯出層次感的鹹鮮味！九轉小腸 - 酷愛食豬腸的我，當然必點這道名菜！份量雖然不多，不過豬腸既潔淨又新鮮！滷水汁香濃入味，豬腸有多層摺疊，食落軟稔彈牙！一品紫菜煎 - 紫菜配上雞蛋，煎得薄薄又不油膩！放得密麻麻的頭水紫菜充滿鹹焦香，與滑溜的雞蛋互相輝映，更加可口味美～家鄉燜紫菜 - 以慢火熬煮，頭水紫菜質感軟綿鮮嫩！煲裡加入不少八爪魚粒及芋頭，既清甜粉稔又有嚼勁～份量多得很，與朋友每人分到三碗，熱辣辣又飽肚，划算之選！

福建菜係香港好少地方有得食知道屋企附近開咗間連鎖米之蓮一星嘅福建菜餐廳於是特登帶屋企人黎食屋企人係福建人，佢哋知道附近有福建菜食所以都好期待爸爸一入座後即係度講莆田原來係一個比較純樸既地方，海產較豐富既然海產豐富啲，我地就試下佢既莆田二人紫菜頭水套餐蝦苗伴頭水紫菜依個好好味頭水紫菜好滑，經調味再拌勻好開胃，作為前菜一流九轉小腸其實本身我麻麻地食內臟感覺好似咬唔開咁但依度個九轉小腸卻令我刮目相看師父將小腸入面的脂肪層刮走後再將咁多層小腸套埋一齊再同鹵水煮好稔好入味，完全打破左一直對內臟的看法而且下面仲有火燒住，保存住個溫度一品紫菜煎賣相好似蚵仔煎以為係普通蛋餅點知一用筷子整開入邊有好多好滑嘅紫菜味道調配得好好，唔會好鹹好好味百秒黃花魚用一個砂鍋載着新鮮嘅黃花魚配埋薑一齊煮薑嘅辣味可以辟走魚既腥味湄州島紫菜燜飯 好似糯米飯，黏黏的紫菜既滑，連埋飯、肉碎一齊食都好易入口味道比上海菜飯再濃少少食幾個前菜後，再食埋飯，好飽好滿足