荷里活冰室 (麗閣商場)

营业中

休息中

The service attitude of the cashier is disastrously terrible. She was impatient to answer reasonable questions about prices (food with or without drinks, which aren’t clearly shown in the menu) , and is eager to pick fights with customers by complaining about her customers to her fellows in loud voices. Don’t go there if you don’t want o ruin your day. Not worth it. There are tons of better restaurants with better food quality than this.收銀員的服務態度非常糟糕。她不耐煩地回答有關價格的合理問題（菜單上沒有明確顯示的食物是否有飲料），並且通過大聲向她的同

食左呢個餐廳差唔多兩個月，都係食早餐，味道同賣相其實可以。但華田入面有檸檬核真係太令我有睱想。所謂一次不忠，百次不用，何況附近仲有其他選擇。敬告所有飲食業，衞生非常重要，雖然今次事件只係失去左一個客。但如果日後唔加以改善，喺呢個經濟環境下，將會難以繼續經營下去。值得一讚的係就算平日好唔耐煩嘅姐姐，同佢投訴之後、佢都識道歉（竟然係好聲好氣），仲即刻想換過杯比我。不過我冇要到、畢竟投訴得，都唔會再敢食你個水吧啲嘢。

今日下午茶到這間冰室，容易揾位，舖內座位OK，今次點了2個下午茶，一個是蠔仔肉碎泡飯，份量充足，味道跟潮州打冷舖的一樣，蠔仔清洗得很乾淨，另一份焗豬扒飯相對份量比較少，但味道唔錯。

今個星期因為在附近工作,連續去了三天去食早餐，見識到今時今日茶餐廳的新形態。第一日坐低叫了餐，唔夠三分鐘飲品就到，但碗面等了差不多18分鐘才上，而且是不停催才有。第二日快好多, 十分鐘內就上齊全部食物，但我食完後，張單都未到，出去埋單時被店員話我俾錢不拿單。第三日更離譜，落單後等了廿分鐘，咩都無上，追問幾位職員都答我話整緊、好快到、等陣。之後我起身走，同counter講話張單取消，counter個收銀即時黑晒面地話我跟本無落單，暗示我霸了個位半小時。

同朋友經開呢頭，入左去食個中午飯，叫左幾個是日午餐之選，有湯或飲品送。炒米賣相一般，但味道還可以接受，d粉斷成一段段，但份量好多。有茄子有叉燒，都好多料嘅。蔥香豬排飯豬扒都幾嫩，而且好入味，好有香蔥味。意外地好味。咖哩牛腩飯好多牛肉同埋薯仔，汁有椰香，汁係濃，味道都好好味，飯就有啲硬。鳳爪排骨飯好大碗，有個蒸籠裝住d飯，個底放左荷葉，令飯有荷葉香，都幾有心機。d鳳爪排骨好入味同埋大件。整體來講，呢度的食物性價比高，服務員態度都可以。

個湯飲咗兩啖，見到碗湯有問題想同個職員講，佢叫等陣先啦，等佢招呼完其他客再行返埋嚟問有咩幫到我，我話碗湯有隻曱甴，之後佢問我要唔要第二碗，我話唔駛了，職員態度一般啦，只係好似廚房唔係太衛生。

今晚朋友約看電影，看完後肚子咕嚕咕嚕響，走到長沙灣麗閣邨商場，見到這個荷里活冰室光亮寬敞座無虛席，.剛好有人離座是卡位，真好有座位了，座下服務員哥哥仔就送來兩杯茶，接着我們就點了兩個小菜套餐。豆付火腩飯，火腩肥瘦適中，豆付嫩滑，味道剛好。鹽燒倉魚，等了10多分鍾，熱辣辣地擺在我們面前，好香，用刀叉切開，皮脆，肉白，味道有點咸剛好帶出魚的鮮味，來支啤酒，這頓飯棒棒的，很爽好味。套餐配白飯，例湯，飲料。

你哋間餐廳乜嘢服務態度 我冇帶現金佢大聲講乜嘢意思 我又唔係冇錢我去撳錢畀佢有乜問題 乜嘢服務態度嚟㗎 淨係收現金 你話唔收卡都唔緊要八達通都唔收 你哋點樣做生意㗎 唔收都算數 我去撳錢話我冇錢畀 我仲要連食都未食過啱啱坐低嗌完嘢 我唔明白乜嘢服務態度 講真我就算唔畀錢呀直接走都冇問題 好心你哋提升下啲員工嘅服務質素啦服務業嚟㗎 真係好影響心情 真係唔收都唔係乜嘢問題如果你下次唔收現金之外麻煩你哋貼番張只收現金 真係唔會再幫襯

☹️☹️☹️☹️外賣自取，前台長髮中年婦女收銀服務態度勁差！唔會再幫襯，如果唔係依家警察六點後不能堂食都唔會諗住外賣自取！非常之差嘅體驗！去到自報號碼問外賣準備好未、可不可收八達通等之類問題，回答態度都極差！十分後悔叫咗呢間外賣☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️其實一路行過來係附近見到好多唔錯嘅餐廳，例如MOS Burger，住喺附近嘅都不妨試吓其他選擇，食個飯俾咁樣嘅態度影響到啲嘢食落都唔好食！如果訂單多做到心情唔好就唔好接單啦，整到啲客食到都唔開心☹️

哩間餐廳能夠逼使我用時間去寫一篇食評，仲要係我本身從來冇寫過，可想哩間餐廳嘅威力。話說下午5點半我入去叫左一個芝士雞扒焗飯(餐牌寫係炒飯底)，大約10分鐘就黎左個飯，開頭我以為我眼花，細心啲睇，原來係一個下午茶嘅焗豬扒飯，仲要係少汁加炒白飯底，我絲毫雞蛋絲都見唔到，下午茶平以做出咁嘅水準，最低限度都會接受，但問題係我叫左個雞扒焗飯，同侍應講黎錯左，一等就等左50分鐘，由一杯熱啡飲到變凍啡，個飯都唔知焗左去邊，催左兩次，最後我頂唔順冷氣太凍比錢走左。比錢果刻，收錢嘅女人仲好野，一句唔好意思都冇，扮下催廚房仲有幾耐都唔怕死丫，戲都懶得交比你，我比左咖啡錢就走左，戴住口罩我都見到佢全程黑面，連多謝都冇句，搞到我入黎食野好似係我錯咁。喺一個唔太繁忙嘅時段下，飯都可以黎錯同埋唔知整左去邊，仲要咁嘅服務態度，咁繁忙時段咪係唔係要啲客人入到餐廳進行光合作用？(如果有繁忙時段嘅話)。如果有人覺得人生欠缺精彩，黎試試哩間餐廳豐富下，或許會有不一樣的感覺。而我，就會搵過第二間都唔會再試哩間餐廳。(要試試嘅朋友請自備現金，不收任何電子付款)

早上去食早餐 服務生講2人分枱，政府明明4人限聚，餐廳自訂兩人又多空位 ，真係好好食咩。。冇得選擇咋，服務態度又差，又唔好食。。。。質素惡劣。。。。。。。。。。。。差評

放假日下午去附近商場取貨後，肚子開始餓，就來到商場地下的荷里活冰室吃茶餐。點了瑞士汁乾炒牛河，餐牌特別注明帶有甜味，但出來的效果又無想像中甜，跟普通牛河完全沒有分別，質素一般，很油膩，回到家後良久也滯滯脹脹的，而且份量偏少，收費就跟連鎖快餐店的晚餐無異，四十多元，所以經常說「小店」很多時候都不是「平靚正」反而價錢是更貴，雖然這個荷里活也有五、六間分店遍佈多區。除了食物之外，場內的冷氣也是一個問題，開太大了，坐下來不久背部已經「涼浸浸」，熱奶茶很快就變了凍奶茶，連三元凍飲錢都可以「慳番」，最慘就是那碟牛河吃到一半已經冷冰冰，吃不下去了。

麗閣商場經過翻新之後整個環境都乾淨左好多，而入邊既餐廳都好似多左，而今次就揀左呢間荷里活冰室，比較特別既係佢有籠仔蒸飯食，咁就入去試下啦～餐廳既位置都好大，午餐時候都有好多人食，而今次就揀左佢既籠仔豉汁鳳爪蒸排骨飯，因為都算係佢地既特色之一～籠仔豉汁鳳爪蒸排骨飯（$52），價錢方面比較算合理，而佢既籠仔蒸飯就好似係茶樓食果款，其實就唔算話太特別，而份量都算多，都係夠一個人正常既午餐份量，而味道就正常啦，排骨就無乜鮮味，鳳爪就一般，整體來講就算正常，唔算太過特別，亦唔一定要特登過嚟試啦～

野食又返咁上下水準 唔會特別難食 社區黎講都真系ok 平喇 間野裝修都好靚 員工服務態度就麻麻地 叫左炸雞比同薯菜 有埋沙律 沙律我個人就唔太喜歡個沙律醬 薯菜就就係薯角 普普通通啦

由開業開始天天在這食早餐，午餐除蘢仔蒸飯可以之外，其他食物都一般，每次進來都要帶件手衣無論冬天夏天都非常凍，外面32度感覺這裏是16度，是趕客嗎？這是我全家感覺