荷里活冰室 (麗閣商場)

营业中

休息中

同朋友二人行，睇下OpenRice ，立即揀定要去試試長沙灣區嘅荷里活冰室。🌸西蘭花炒花枝蝦球配白飯，色彩鮮艷，分量更加十足💯。西蘭花吸晒汁d味，花枝超彈牙仔，加埋就係啱啱好，啖啖鮮甜。🌸再嚟就是道地風味嘅西檸雞配白飯，鬆脆而唔油膩嘅雞皮，鮮甜而唔柴嘅雞肉，完美配搭出獨特嘅味道，呢一味已經係英國讀書果時都成日食，一食返覺得好有回憶💚。🌸飲品方面，叫左熱奶茶同埋冷檸水 香滑奶茶，香氣四溢，滋味獨特，識飲一定飲茶走。呢間荷里活冰室，無論係環境、服務定係味道都唔錯，冰室黎講100分。

老公帶我去食長沙灣荷里活冰室，一入去就就被飄來嘅飯香全面迷倒👏🏻。咖喱香茅豬扒飯，飯盤好整齊，粒粒分明嘅白飯再配合淋上咖喱同香茅兩種鮮美滋味嘅豬扒，飯配肉，咬一口，感覺口感非常鬆脆爽滑，真的爽呆了😽。食碟頭飯就仲重要係有汁撈，冇野可以香得過咖哩lu！！蒜茸汁西冷薄牛扒飯。令人眼前一亮嘅牛扒，香滑又鮮美，配上香噴噴嘅蒜茸汁！荷里活冰室，就好似家常便飯般，無論衣食住行，只要想得到嘅美食都可以揾到，而價錢仲真係實話，物超所值。如果你同我一樣對港式飲食懷有濃濃的情懷，就黎走過荷里活冰室啦

今日就同老公入荷里活冰室簡簡單單食一餐，好好享受倆人既小日子 🫰🏻。由服務到味道，一絲一毫都完全符合我們對精致港式茶餐廳的期望。我們點咗以下既野食☺️，首先，點左「吞拿魚蕃茄三文治」💭三文治，吞拿魚味鮮咁美，配上新鮮蕃茄又清新，每一口都充滿享受感！口感軟淋淋，都唔錯！身為港女既我就最鍾意港式風味濃厚既「腸仔五香肉丁米粉」😍💭五香肉丁既油香加落米線到超惹味。💭米粉煮得軟硬岩岩好。荷里活冰室，古色古香的裝修，年代感濃厚 🌹覺得佢哋都好有特色，追求高質感的休閒空間，好舒適　🫶🏻

準備入座時候，千祈唔好自己入去搵位，因為見到收銀處嘅男職員會話要由佢指派客人坐邊度。本身預算簡單食完就走，所以叫咗一份晚餐，係好標準嘅晚餐C，唔係咩特別食物，以免要等得耐。職員先俾咗張電腦單過嚟，我對過所點食物正確。然後，職員送上我點嘅奶茶。等咗20分鐘，仍然無食物。我問職員會唔會係漏咗。佢話係要咁耐，正常嘅。等到30分鐘，都仍然無嚟過。去到收銀櫃台，我向女收銀員表示個餐無嚟過，我話我只有飲過杯奶茶。佢接受只收奶茶價錢。

之前食晚飯問個收銀攞單泊車，佢好唔耐煩咁掟返張單俾我，果次已經冇出聲。今晚再去食飯，同佢講我俾八達通，佢居然好晦氣咁話：「扲緊啦！小姐！」之後我再想用App儲消費積分，佢亦都好晦氣咁話：「你而家食咗幾多錢呀？」態度極之惡劣，食物質素再好都唔會再食，費時俾錢受氣。

去友和所以黎到長沙灣呢度個場明明係老人場但又翻新到好hip hop咁成件事好唔夾商場樓底矮又黑離廁所遠遠已經聞到陣廁所味對呢個商場印象真係麻麻地本來諗住去food court睇下有咩食好多無開舖同埋坐滿食自己野或者煲劇嘅人就廢事食佢了到左荷里活冰室唔上開飯睇都唔知佢咁多分店伙計態度有性格淨係想揾個位食下午茶啫求其叫左份西多同炸魚沙律西多居然仲灑上荷里活字樣可以打卡喎但附送嘅麻醬沙律菜同西多真係唔夾唔使夾硬放落去炸魚餐幾抵有沙律又有薯角但萬年油炸炸出黎勁黑…個兜沙律醬唔知放左幾耐已經乾左餐飲熱啡檸水正常枱，餐具，餐牌都幾污漕尤其係枱上調味架…店面裝修得靚都無用啦

今日晚上7時,我跟媽媽一起晚餐，是我媽媽是去輔助車架，職員立刻要求我媽媽將架車推去另一個地方，此外職員要求我哋座坐另一個位置不在輔助推車架隔離，當時職員態度惡劣，當時我不願意將輔助車架推去遠嘅位置，後來職員鬧我態度差。香港餐廳服務員態度差所以香港人大部分都會不上消費因為大陸嘅服務員服務質素好好

長沙灣深水埗呢邊好多嘢食，成條街一路行過都有各樣美食，冰室茶記、連鎖食肆、自助任食、日料餐廳等等。而我地日常最經常去嘅係呢間——荷李活冰室。今日來嘆個下午茶☕️先啦。我地兩個人點佐：-豬扒➕沙爹牛麵🍜➕凍檸茶（凍飲➕3蚊）-乾炒牛河➕熱奶茶入邊環境幾好，有卡位坐，舒舒服服，冷氣又夠，上送算快。已經係佢地餐廳常客。兩個人一共食佐94蚊，經濟實惠又好味。五點幾過去食，食得好飽，直頭可以skip晚餐啦。

垃圾茶餐廳、 畀錢搵氣受、5個服務員做個早餐時間都搞唔掂、 唔知以為鋪面幾萬尺、 啲阿姐吹水多過做、 做嚟做去得一兩個、 收銀掛住吹水、 收過錢都要幾個字、 如果呢度有第二間茶餐廳、 佢都應該執咗九成

成日都經過都見幾多人，今日早左放lunch見冇麥人黎試下叫左個午餐葡汁雞扒焗飯，再加一份避風塘雞翼焗飯好想椰汁味，雞飯份量多，炒飯底d飯粒粒分明，但唔夠汁撈飯，而且味道偏淡而個避風塘雞翼就上枱時聞到好香炸蒜味，食落熱㷫㷫，外面好香脆，但食落雞翼都係好淡，好似冇麥醃過咁，如果加小小椒鹽就應該會好好味

今早嘗試一間長沙灣區未食過的茶記.客人多,樓面唔夠人. 點了早餐後。旁邊年青客人被弄跌杯飲品，服務員(年纪很大)在旁，反應比較慢。其他服務員，又好忙。客人即時反應不高興，話冇人理佢。其他旁觀的座客，七咀八舌。义燒湯公仔麵，夠熱，合格。炒蛋，牛油餐包，夠熱，可以。茶走，冇茶香，一般貨色。茶澀，時間煲耐咗，杯茶唔掂。希望，非繁忙時段會好好多。環境和衛生，一般茶記水平。佈置，很多有關荷里活電影明星舊 poster. 有些特別。

平時返工晏晝飯，好多時都會去呢間食，茶餐廳嚟講算係唔錯，不過服務水平真係好差。平時我都係嗌外賣未試過堂食，不過等外賣嘅時候眼見佢哋對啲客呼呼喝喝已經唔係好舒服（例如：排隊啦、10號枱呀、你唔講我點知⋯），不過既然食外賣就唔理佢咁多。有一次嗌外賣嗌咗個豆腐火腩飯（呢個係單點客飯），點不知佢俾咗個午市套餐嘅冬瓜火腩飯我（單點貴過午餐），因為喺外賣我返到公司先知，所以第二日諗住叫佢退返多餘嘅錢俾我，去到嘅時候佢哋態度已經好差，又話點解當時唔返嚟搵佢，又喺度媽媽叉叉同啲同事講話你搞掂佢⋯又計錯數，我問多兩句，佢又話咁叻你搞啦⋯總而言之，嘢食冇問題，服務態度極差。

因為晚餐時段，人流較多，但剛好不需等候。晚餐價錢由5x至1xx為主，跟餐有湯或熱飲。可能較忙和門面人數不多，店員送餐放低走開，幸好餐具在茶餐廳慣性位置。由於只食泡飯及煲仔菜，但明顯煲仔菜更多。在餐牌有生日聚餐、素食聚餐。有機會找下午茶嘗試。麗閣商場屬於翻身的冷氣商場，夏天太熱行入去購物完，在此食飯不差👍

實在好想寫一次食評講下佢嘅下午茶炸魚柳，呢間嘅下午茶炸魚柳我真係食咗好多次，次次都大大塊唔在講👍，仲要係香脆嫩口又juicy🤤，仲要係仲有幾舊炸薯角，再加不錯的雜果沙律，仲要加少少雜菜沙律，三樣嘢都係好食既唔係hea做嗰隻。嗰塊魚柳實在又好食又大塊，因為上碟嗰陣捲埋咗張相可能睇得唔清楚，不過目測如果攤開應該有成六吋咁長。 真係唔想同我琴日食嗰間君X比較，畀一畀真係天同地比，就係因為琴日喺君x食咗一塊又鞋又韌嘅炸魚柳，所以今日過嚟荷里活食返一塊正常有水準嘅炸魚柳彌補心靈創傷

第一次食呢間店，環境尚可，樓面得1-2人做嘢，落單都等咗5-10分鐘，最後嗌咗炒飯 + 特餐蒸雞。炒飯都好快上，味道ok，小朋友好快食完，所以冇影相。過咗陣小朋友抱住期望等待嘅菠蘿冰嚟到，小朋友飲第一啖問我呢杯係咩嚟，叫我試下，一試勁難飲。。。糖水 + 幾粒菠蘿仲要特飲 +$9。。。完全唔知想點，出世咁耐未試過飲咁有特式嘅菠蘿冰，放棄算數！再等多20分鐘蒸雞嚟，撩幾撩發現有頭髮兩條，見到都唔開胃，一定冇下次