荷里活冰室 (上海街)

营业中

休息中

一直以黎都好鍾意嘗試唔同嘅飲食文化，尤其喺openrice見到對於荷里活冰室嘅好評如潮！咁我就同男朋友一齊嚟試吓。一入門，就即刻發現到呢間位於旺角嘅茶餐廳充滿咗香港特色。裏邊嘅氛圍就好似喺屋企咁舒服，有種好濃嘅香港風情🤩🇭🇰🍽️。好係而家興打卡果d！試下「大切豬扒配炒滑蛋」，個豬扒煮得啱啱好，邊邊煎得微焦，但係裏面就好多汁，喺呢度你絕對唔會失望！你一咬落去，口感脆得剛剛好，裡面那順滑的滑蛋立刻在口中融化。好開胃，又好味，我個男朋友都話，呢個餐一定要打卡先💏🥪❗除左豬扒，我哋仲試咗「香辣菜圃五香肉丁米粉(小辣)配炒滑蛋」。個米粉食得出米嘅香味，配合五香肉丁嘅鹹香，加上蛋蛋，實在太美味了，每一口都充滿驚喜。同埋，我呀男朋友都讚好🥰🍜👌。仲要d加左菜圃，超超超惹味，大加分，係好夾既味！至於呢間店嘅服務就更加出色，無論係裝修定係服務員都好有專業嘅樣子，仲會耐心講解每一款菜色，我哋就好放心食。無論係性價比定係味道，荷里活冰室都絕對係我哋心中嘅第一選擇。最後我想講，無論你想享受晨早嘅港式早餐定係下晝嘅港式午餐，都可以喺呢度滿足你嘅味蕾。

The worst service ever had in Hong Kong, never agin to their restaurant, they need to close down. Six of us visited Hong Kong since pandemic, The waitress take long to serve the table, and when she brings the foods the lady was very rude to tell people to move the phone on the table, all of us almost walk out of this restaurant,this is my first time and last time to this restaurant. Their foods wasn’t good and the service was really bad.

大年初二晚叫外賣自取，一個炒貴刁一個星洲炒米。18:45 落單，19:10 催單，店員話冇得追。期間比我遲入嚟嘅三台堂食客都已經食緊嘢！19:15 同我講話冇河粉要轉其他嘢。我要求退款取消落單，佢話冇得退，唯有將炒貴刁變乾燒伊麵。19:30 終於收到貨，返到屋企發現我係有一盒乾燒伊麵同一盒炒貴刁…咁即係唔係冇河粉係冇米粉啦🙄期間店員態度惡劣，好明白香港飲食業已死要多得呢啲咁嘅食店，店員操流利普通話，真係鼓勵大家上深圳消費！

7:57pm叫個乾炒牛河加熱檸茶，杯檸茶話咁快就到，但個乾炒牛河等咗20分鐘都未蒞。跟住聽到有人叫乾炒牛河外賣，廚房就嗌出嚟話冇河粉。我再問過阿姐究竟我嗰碟炒河仲有冇，廚房再嗌嚟話下晝已經冇河粉，我就頭也不回行到出間鋪。

食物冇咩问题，但服务质量极差lol，差到懷疑人生個啲首先冇人帶位，所以我哋自己搵到個位坐低先，之後想搵个人落单，叫半日都唔黎什至睇到都唔过黎好la終於叫到個阿姨落單la，但係！個態度極差！我哋講菜名，佢即刻話講number ！我du? 人又唔多，唔知佢躁底点咩？重要！落单又落错，叫冻飲上热飲🤡，並且職員自顧自傾計，無視客人🙄，态度極其傲慢。總括黎講，就尼個服務態度下次唔會再黎，如果想體驗餐廳差服務嘅話，真心推薦尼間

行經旺角，同朋友想食下地道野，見到地下大大隻寫住冰室就二話不說入去試試入面有兩層高，裝修都幾有用心，都係有關電影既主題，樓下位置唔多，揀左上層位置，上到去職員自顧自傾計，聲浪都幾大，冇人帶位下搵左側邊卡位坐嗌左一個鮮牛油波蘿包同煙燻芝士西多士，跟餐加6蚊有紅荳冰波蘿包先上，麵包室溫，唔夠脆口煙燻芝士西多士食唔到芝士味，有啲失望，可能揀返花生醬口味會更好，但值得一讚係擺碟有設計紅荳冰不過不失，味道正常

轉頭喺朗豪坊開工，早咗度食個早餐唔知係咪太早八點喺星期日，店員都唔係幾好態度，唔知係咪未瞓醒正常嘅早餐質素茶餐廳， $37嘅餐有兩個蛋我哋揀咗太陽蛋，琬過餐包沙嗲牛肉賣相普普通通，而且好多醬好似撈咗好多多餘嘅調味🙈🙈我自己鍾意清淡啲，但係又想有少少肉支撐跟住OT嘅工作揀咗叉燒糖通粉賣相唔錯叉燒唔會太肥，而且唔係新鮮，但係都唔會話好唔新鮮嗌咗杯熱杏霜正常發揮啦！不過呢度啲店員態度比較惡劣，十問九唔應或者好似眼神唔係幾尊重環境就幾舒服，唔多人坐卡位😊有電視睇

星期六下晝經過呢度飲杯奶茶食個下午茶，叫咗個蠔仔泡飯轉米粉，見佢個圖咁樣寫以為淨係銀針粉加$7，點知米粉都要加，阿姐又唔講，當我自己白痴啦睇錯。。。最唔明就係唔知點解樓上唔開冷氣，香港地，10月份其實都可以好熱，食到身水身汗唔知為乜！呢度絕對係為生存，唔係為生活嚟食！衛生環境其實都係一般…其實而家好多茶餐廳都做得好好，荃灣分店就好味好多同埋乾淨好多，唔係一句「旺角茶餐廳」就要體諒佢嘅污糟同埋搵笨同埋唔開冷氣，時代變晒㗎啦😔😔

服务态度极其恶劣，点菜的时候我们有些看不懂菜单询问服务员，喊了好几次才来，回答问题就两三个字；上菜之后让他们帮忙拿四个碗，听见了也不理我们；让他们先给我们上米饭，也不理；最离谱的是，我们在牛肉堡里竟然吃出了无法消化的绳子！叫服务员来服务员假装看不见，喊了几次才来处理问题，态度非常傲慢，还质疑我们是不是从菜里吃出来的，我们难道出来吃饭还带绳子来冤枉贵店吗？？直到最后连基本的道歉都没有！！还问我们要不要换菜，走之前还对我们翻白眼，真无语

禮拜一晚經過去食宵夜，食住食住親眼見到只大老鼠從廚房位置飛跑出來，橫穿走廊，跑到某張檯下面撞到某個客人只腳，再掉頭打橫跑走，簡直橫穿成間餐廳，真系嚇到即場想走佬，現場好多小朋友都嚇親！而且臨近十點準備收鋪，d阿姐趕住收工，落左單過半個鐘都未上，原來系阿姐忘記落單！而且d阿姐催住每張檯客人落樓買單，服務態度也不算友好。雖然味道不錯（沙爹牛肉公仔麵常餐），但係真係衛生情況令人堪憂，唔夠敢再去！希望相關部門重視！

我今日去咗旺角呢間荷里活冰室食嘢，試咗佢哋嘅豬扒飯，幾香口呀！豬扒煎得好香，外脆內嫩，好好食。飯粒煮得啱啱好，有啲淡淡嘅蛋香味，令味道更加豐富。煮咗啲菜同埋加咗啲甜醋汁，整體味道平衡，唔會太濃郁，又唔會太淡。茶餐廳嘅豬扒飯係一個經典啊，真係好正啊！

出去旺角總會見到，就喺個街角位。望住對面啲人排日本牛肉飯，呢間就涼住冷氣去睇風景。其實呢間嘢同一般茶餐廳一樣，係個叉燒麵反而就有啲驚喜。估唔到，個早餐嘅叉燒麵份量比我想像中多，仲要係旺角喎！其他炒蛋奶茶之類都係合格嘅，炒蛋都唔會碎濕濕。好在早餐當區嘅選擇並唔算太多，路過可以再去食嘅。有幫襯，襯早。

樓面態度奇差，樓下明明有位都唔俾坐，好聲好氣問句樓下係咪唔坐得，阿姐黑口黑面一句dup埋嚟「係呀！」，仲要啤到行，唔講以為佢係老闆娘唔唔憂做，但老闆都唔會咁樣趕客。如果係體驗最差服務，可以去挑戰下，包保你背脊骨落。

幫襯過幾次，經常出錯嘢，個收銀阿姐簡直係極品，超級冇禮貌，等咗好耐問下佢有未啫，點知佢勁大聲咁呼喝我再等下先啦！佢嘅態度連旁邊嘅顧客都側目冷笑咗一下，我講咗句咁冇禮貌，佢仲勁悔氣咁碎碎念，好似話米再來幫襯添呀！我來比錢買嘢食唔係過來睇你面色，仲搵個客來出氣，我知生意唔好你可以做少d嘢但唔想做搵過份工吧啦，咁既服務態度真係冇下次。

去過呢間五六次, 有三四次唔係錯單, 漏單, 就係冇落單!廚房仔成日喺個窿度裝出嚟望望望, 一個望唔夠, 仲要叫埋隔離幾個望, 驚死蝕底咁, 仲喺度笑笑笑 ,賤格!侍應落錯單就話我已經食咗個餐,😑 真係笑咗!收銀係長期keep住一貫嘅服務水準, "差!", 真係好似啞嘅咁, 同佢講唔該, 佢一句多謝都唔會有, 從來都唔會有, 啲眼神都非常唔禮貌, 真係唔知得罪咗佢啲乜嘢, 同埋下面一定唔準坐, 我懷疑因為如果你坐下面, 個收銀呢就要執嘢, 唔想做, 所以趕你去上面坐!食物水準又唔係特別好, 嘢飲明明已經嗌咗少甜少冰, 都一樣係多甜多冰!講真! 唔係真係貪佢就腳, 坐得比較舒服少少, 真係唔會揀佢!