影片
经典港式早餐组合好考茶餐厅基本功，喺大围美林邨荷兰冰室嘅冻斋啡加茄蛋治，睇见都流口水🤤！首先讲讲个冻斋啡☕️，用怀旧嘅金属杯盛载，够晒Old School😎！冰块🧊份量十足，斋啡入口够冻、够滑、够香浓。至于个茄蛋治🥪，烘得金黄色嘅多士🍞，夹住嫩滑炒蛋🍳同埋新鲜蕃茄🍅，简简单单就咁好味😋！蕃茄嘅酸甜味同炒蛋够晒香💯！
继续阅读
试完几次同屋企人落去食早餐都几好价钱算贴地味道环境服务卫生都ok 试过几次热奶茶咖啡柠茶都出色有时一朝就系想叹番杯热咖啡热奶茶,水吧师傅有料有心机,连只杯都有预热认真出色
继续阅读
本身对茶记都冇乜要求, 态度一般就间间咁上下, 唔难食就得, 点知呢间极品竟然连蒸肉饼呢d 咁稳阵嘅野都可以好难食, 啲肉无肉味, 睇落白色嘅! 如果唔点豉油真系零味道, 肉质仲柴过树皮, 连一齐去食嘅装修师父都食唔落去。男人老狗我要求唔高,平时都系食下大家乐, 讲真唔难食就ok, 但呢间嘢连最基本都做唔到! 一间茶餐厅如果连最基本嘅快餐都做唔好, 就唔好阻住舖位, 搞到街坊冇啖好食,真系好差劲 。我已经俾足机会佢,再去食都一样难食。
继续阅读
【沙田区】【荷兰冰室】去沙田美林邨𠮶边做义工，我住沙田但其实都好少去𠮶头，所以都趁呢个机会谂住探索吓𠮶边啲嘢食。去到先知原来都真系冇咩好食，都系啲大集团嘅餐厅为主，所以就拣咗呢间都明知佢有分店但感觉冇咁大集团嘅茶记嚟食。入得茶记好容易就叫咗常餐，我叫咗个 $54 嘅，主食「沙嗲牛肉面」味道普普通通，啲牛肉都系比较娇小玲珑嘅。只「嫩滑炒蛋」都系正常炒蛋一只，冇特别。反而「日式奶油多士」真系几求其吓，冇乜烘过咁，缺乏诚意。而杯「香滑奶茶」就做到正常茶记水准，系好饮嘅。埋单 $54，叫做喺做义工嘅过程里面正正常常咁解决一餐啦。然而，个义工活动其实系两日嘅，我第二日都系去呢间茶记，唔使烦，今次就叫个「焗白汁海鲜意粉」嚟食吓啦。点知嘢饮都上埋先话冇，嬲得滞转 $105 嘅皇牌铁板「美式大杂扒」，有牛扒、猪扒、鸡扒同法兰克福肠再跟薯菜，系薯角，整体味道都可以嘅。餐汤我要咗中汤，同件多士一样都系一般啦。连嘢饮「热杏仁霜」埋单 $105，冇下次。。。（地址：沙田大围美林商场1楼97号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田区 #沙田 #大围 #荷兰冰室 #常餐 #沙嗲牛肉面 #嫩滑炒蛋 #日式奶油多士 #香滑奶茶 #皇牌铁板 #美式大杂扒 #牛扒 #猪扒 #鸡扒 #法兰克福肠 #薯菜 #餐汤 #多士 #热杏仁霜 #1am1292 #1ambackup
继续阅读
行过以前翠x餐厅舖位，原来已改名荷兰冰室，试下食个下午茶星洲炒米，落单唔使五分钟，伙记攞碟㗎哩粉捞米出嚟，睇见都唔想食，勉强食咗几啖试下，连咖喱粉味都冇。惟有走人去另处，永不会再帮衬此店。
继续阅读