影片
港铁大围站 A 出口, 步行约4分钟
继续阅读
电话号码
22760004
营业时间
今日营业
07:30 - 22:00
星期一至日
07:30 - 22:00
*截单时间: 22:00
以上资料只供参考，请与餐厅确认详情
今日我叫咗个西多士加一个热华田，个呀姐送到个热华田过嚟我见到有一条好长嘅眼睫毛，我叫个呀姐攞去换，佢死都话睇唔到，佢换咗又喺度大声声咁喺到讲话：系你先睇到，我都睇唔到！佢仲话有得你食就得啦，仲咁多嘢讲，食你就食啦！之后又比个西脸比人睇，又眼超超咁望住我，我劲惊，唔知佢会唔会喺我𠮶个嘢食到落嘢，所以我嗱嗱临食完就走！其实附近仲有好多嘢食，唔洗食佢，份量又少，又唔好味，价钱又贵，大家真系可以唔洗食佢，同埋态度劲X差！
继续阅读
每次去亲呢间餐厅食饭都中伏😖🤢第一次食饭叫咗个番茄肉酱焗饭 等咗50分钟都未等到个饭 令我lunch time冇饭食 等待途中已经同餐厅反映过催促好多次 每次都话整紧整紧 最后整50分钟都未焗到个饭 中途有攞过一个隔离台唔要嘅番茄肉酱意粉俾我（佢明知我要嘅系焗饭 即系上错的 就问我肯唔肯将就食意粉先）我话ok 我可以将就食意粉 个姨姨摆抵个意粉几秒 我食都未食就又攞返走个意粉入厨房 玩嘢？？？ 第二次去食依然系叫番茄肉酱焗饭 但一食就发现非常唔对路 我真系成世都未食过咁鬼酸嘅番茄肉酱 酸到好似系用过晒期嘅烂番茄整出嚟 一d都唔夸张 我食咗一啖就即刻顶唔顺同餐厅反映返呢个问题 餐厅都肯处理问题嘅 就话帮我换过一个餐啦 但因为换餐要重新出一张单 个姨姨唔知做乜企喺离我张餐台劲远嘅地方直接掉张单落我台面 非常冇礼貌 过几分钟（新餐都未煮好俾我食）个姨姨就黑晒面问我坐咁耐几时先肯走？（当时已经系下午时段 餐厅里面完全唔full 得几个人有好多位置 非常冷清 加上我最多只系坐咗15-20mins 为咗等我嘅饭😅）服务态度极其恶劣 食物质素亦差自此以后 即使系lunch time 时段其他餐厅full晒我都唔会选择金囍冰室 烂番茄嘅味道同埋姨姨嘅恶劣态度都令我至今难忘
继续阅读
呢日有事嚟到大围，经过商场，谂住求其揾间茶餐厅食个晚饭就走。我地几个人都叫咖喱饭同咖哩乌冬…一个饭价钱约$60-$70左右，有汤+热饮送，冻饮加$3。咖喱牛腩乌冬$62个咖喱牛腩乌冬嚟嘅时候乌冬同咖喱系分开上，已经觉得好古怪，而咖喱汁个texture仲古怪，系一Pat Pat，杰挞挞，好似糊仔咁🫣觉得有d呕心🤢但食落个咖喱同牛嘅味道都尚可嘅，系个牛有d靭咖喱猪扒饭$62猪扒同样都几靭下。。咖喱吉列鱼柳饭$70 & 咖喱牛脷饭$62 上台个时个碟侧边好古怪咁有d汁痴系到，但明明个汁系哂个碗到，唔似系个碗泻出嚟，令我觉得有d呕心😖个鱼柳同牛脷味道就还正常
继续阅读
放假唔想煮饭，打开外卖app睇下求求其其有乜好食。食茶记都唔谂住高要求。点知就被震震到都未食过咁难食嘅茶餐厅。平时正正常常都唔会出post 。但呢间连正常水平都去唔到。首先，星洲炒米炒等太干、冇味每间茶餐厅都有嘅星洲米，点能够煮得住得咁差。另外，喇沙系一拎起上嚟以为系咖喱汁。食落就系咖喱汁加水嘅味开炸鸡翼又干又柴捞檬汁太酸海南鸡豉油俾几滴 ，油饭冇咩味外卖野饮冇得拣甜度食之前谂清楚…..不可一、不可再
继续阅读
热爱茶记/冰室既我，今日又黎试新野首先黎到份量都几多，但唔明点解会有d花生系到🙈因为我个人唔好花生，所以冇食到，味道方面都唔错，但有骨海南鸡食落好唔爽🙈我都系钟意无骨既多d，而鸡既肉质唔算太滑，所以今次真系唔个算唔算试左伏🤣
继续阅读