荳子 (海壩街) (已結業)

從未食過一間咁既餐廳，31/7 晚上9時完全0服務都算，其中女服務員基本禮貌都冇，幾十蚊餐廳我唔係要酒店服務要兩隻碟share食物，女員工只拿一隻，用一個不耐煩的聲線回一句:洗緊 態度差！女服務員落單hea落，最後還漏單雞翼一間餐廳質素好睇員工態度

今日lunch又有機會去荃灣試食人氣美食店， 店裏裝修不錯， 不過坐檯距離有D近，好彩唔算肥都仲可以有技巧咁坐入去！叫咗黑松露軟腳蟹意大利粉， 等咗10 分鐘左右就整好上檯。 賣相都幾吸引喎~先試D意大利粉， 完全無黑松露味或者係忌廉味同意大利粉煮得太耐淋晒！之後就試軟腳蟹， 一早就炸好， 凍嘅同又係淋嘅！！ 之前見不少post寫明過於實， 但我又見D相又幾好，唔似講到咁， 所以決定要試一試， 力求真相， 果然真相真係。。。 本來去前仲想試下佢地嘅蛋糕作為甜品， 最後都係無放棄食完個粉就算！！

一直有留意這間all day breakfast 的食評，很多食家都會話要排隊好耐所以今次故意係平日下午試試平日的原故，店內顧客不算多坐近窗邊悠閒的品嘗這個焦糖香蕉窩夫早餐set真係覺得自己文青左先講一下主角，焦糖香蕉，未食，已經聞到香噴噴，香蕉上舖漢燒焦後的砂糖，口感有點脆，而砂糖本身帶甜，所以令香蕉食起上黎唔會膩炒蛋唔算好滑，但質感上仍可接受，至少唔會鞋。加上炒蛋有曾調味，味道比普通炒蛋有誠意可能食完香蕉同炒蛋，下午茶來說已是半飽狀態，令窩夫有點失色，感覺有d攤凍左，所以有種一口粉感覺總括而言，$72 價錢尚算合理

成日都會去食beans，因為都幾就腳下，係路德圍都有好多嘢食，但如果食tea就幾推介beans次次都揀單骨雞翼薯條tea set 好底食又好味，男朋友就叫左軟殼蟹意粉，都好creamy好好味 夜晚價錢會貴左d 所以建議下就tea time去

卡邦尼黑松露煙肉意大利粉 $88，好香黑松露味，加上忌廉味，個汁又香又滑味道好濃郁。煙肉份量也好多，意粉有咬口，唔好睇佢好細碟，其實整碟食完都有少少膩。classic benedict $78班尼迪蛋做得好好，切開流出蛋黃，加上荷蘭醬微微酸好味又開胃，早餐食更好。沙律菜好新鮮爽脆，煙肉煎得香份量又多，麵包粒麵脆卜卜，整份味道都好味又夠飽。榛子朱古力 (熱), $27味道冇想像中好，只係普通朱古力。榛子味好淡，朱古力味也不濃，比較失望。但拉花用心，奶泡都夠綿密。跟餐飲品凍咖啡, 相反咖啡質素不錯，味道濃而又夠凍，不會過甜。做得幾好。

Lunch的好地方假日十分多人的beans cafe難得沒有人等位我便同朋友一同嘗試多人介紹的咖啡店Beans cafe招rainbow latte 是必試的果然，沒有令我失望，咖啡香滑，帶點甜味又容易入口，可是咖啡味不太濃郁，適合初初嘗咖啡的初哥食物方面：午市的價錢合理，份量不多不少，適合女孩子的份量，味道都好好味，材料十足環境方面：地方比較細和擁擠，適合短時間坐下的食客

好有文青氣息嘅cafe，係多人左少少，食個tea係唔錯嘅選擇~ 菜色多，水準ok~ 杯杯碟碟碗碗盤盤刀刀叉叉都好啱影相~食完個正餐食唔到甜品..搵多幾個人一齊去食會抵d又食得多d~

Lunch 約左舊同事食飯，平時見到呢間野排哂隊，可能因為平日，竟然唔洗排，就即刻諗都唔洗諗入左去！入面都坐左8成人，都有位比我地，lucky~我地坐左係對街景既高枱位！望住外面既人行黎行去，去有外國cafe feel~我地兩個點左個黑松露軟殼蟹意大利粉，忌廉汁鮮蟹肉棒伴蟹籽意大利粉，加左$25既車打芝士薯條！野飲就叫左杯小倉紅豆泡沫鮮奶綠茶同濃黑咖啡！

荃灣區其中一間好喜愛的食店，雖然裝修談不上裝璜，但食物真的很好味！什菌長通粉有香濃的忌廉及香草味；車厘茄水牛芝士薄餅取了方間的厚批及薄批特點，是鬆脆的再上車厘茄及水牛芝士，簡單的配搭卻出奇好味；小食拼盤中的焦糖單骨雞翼是我最愛😋😋甜品也是必點，那個比利時朱古力二重奏，真係超好味，香濃的軟心朱古力加少許脆米，元美配搭；而那個焦糖梨芝士蛋糕，香滑芝士蛋糕內有🍐子，好好味呀！再加上香芒及曲奇沙冰，完美的午餐！

位於荃灣眾安街的街角 之前得一間舖頭 宜家連隔離嘅舖位都係佢唔洗等位之餘 仲唔洗坐喺一個充滿人既地方食飯 正正正👍🏼入內氣氛不錯 燈光自然 天花很高 不會給人一種壓迫感👏🏼我叫了set lunch 大概有五至六款揀 配飲品的 再加錢可以有餐湯和甜點 蟹子蟹柳意粉很鮮 並不是那些雪藏蟹柳 而是拆肉的那種 因為我食到了蟹殻了😂 配蟹子也令口感豐富 特別黑糖薑母茶 味道很好 不過喝到最後才發現杯底原來有蜜糖🙈 下次喝的時間攪拌好 一定更好喝

之前一直都好嚟試, 但次次經過都好多人排隊, 直到今日發現唔駛等於是就入去試吓~一開門入去店員話得返梳化, 問我地坐唔坐, (因為佢D梳化係好矮身, 食野會有D辛苦), 但因為唔想等嘅關係就照坐, 店員就話坐低咗唔可以調位, 咁我都接受咗.我地叫咗: 1. Delxue breakfast, 2. Light breakfast 3. Iced Americano (跟餐) 4. Iced Rose Earl Grey Tea Latte (跟餐-$8, 原價大約$42) 5. Cheerful 柚子芝士mousee cake  (跟餐+$25, 原價$42) 6. Pear Cheese Cake (跟餐+$25, 原價$42) (以上名稱只係大約)食到中段有一對情侶坐低喺梳化, 店員都同佢地講話唔俾調位, 但隔咗一陣佢地要求調位成功. 咁我唔明點解當初又話唔調得? 咁樣對無提出而又同樣想調位嘅客人有欠公平.總括嚟講係不過不失~甜品比主食出色~但店員長期黑口黑面有點兒趕客~未必會再幫襯~

荳子在荃灣區可算是間名店，很多區外朋友都會慕名而來，事實上我也吃過她的抹茶甜品，的確好吃。是次與幾個姊妹，是衝著鹹點而來，因在朋友圈中都有不少人推介這裡的意粉。一個平日的下午2時多，荳子都坐無虛席，厲害! 有lunch set可選，比散點便宜些，跟餐的是檸檬蜂蜜飲品。先來個軟殼蟹扁意粉。炸得香脆的軟殼蟹，配上忌廉汁濃郁的扁意粉，無敵的組合! 我還更欣賞意粉有很多菇菌類，正中下懷! 突然一問，究竟軟殼蟹除了炸，還有甚麼食法? 我似乎未見過其真身  再來一客蟹柳白汁意粉。這客意粉則評價一般，可能因為醬汁方面與剛才的扁意粉很相似，但又欠缺特色，一味只有忌廉味。加上蟹柳這個餸菜本來就不是大主角，故這碟意粉我們吃到變凍還在吃。點了一客帶子菠菜risotto.有四粒帶子，只嫌煎得太熟，所以就太乾。繼續是以cream base為主的risotto，也配上菇菌類和菠菜，菠菜一向是意大利飯的好朋友，兩者非常夾; 加上飯做得軟硬適中，這個飯底也是無敵的。最後的主菜是一客蕃茄芝士pizza 終於離開了cream base的東東! 這客pizza是厚底，芝士鋪滿整個pizza，四位女士每人一件份量剛剛好。是

記憶中💦 對上一次食Beans已經係年幾前 因為自佢出名咗之後都要排太耐隊 而今次就簡平日下晝4點左右去食 我地兩個女仔都幾肚餓 嗌咗一個tea set同一個lunch set 😊✌✌tea set主要係單骨雞翼🐣🐤 都有7,8隻 最特別係佢d蜜汁 d汁連雞翼食好好味 係會有種食上癮既感覺 忍唔住就同我個frd爭黎食👭👭個set仲有一堆薯條🍟 薯條炸得岩岩好 唔會話過哂火 脆卜卜岩岩好 側邊仲有一堆沙律菜🌱Lunch set就係意粉🍝 意粉d醬汁令到個味好Juicy 入埋有蟹肉棒 菇絲同蟹子 三樣野都好match 不過份量就唔算好大 好快食哂😄影咗張濛咗少少既單 唔洗加一哩個價錢其實都幾抵 可以坐耐d傾下計 又幾舒服🙋🙋😏

食完晚飯經過這裏時，見到沒有人排隊便進去試一下它的甜品。點了一個抺茶窩夫和梳夫厘。抺茶窩夫的賣相不錯，不過整體來說偏甜，特別是中間的紅豆，超級甜。抺茶雪糕的綠茶味不算很香濃，唯一欣賞的是窩夫做得不錯，很鬆軟。另一嘗試的梳夫厘，表皮不是脆脆的那種，味道偏淡。欣賞的地方是膨脹程度做得很好，內裏鬆鬆綿綿，是全熟的。

每次嚟親都要等位，今次都唔例外，不過等左15分鐘到就有位意粉煙煙韌韌，白汁味好重，整體都ok雞翼好香，好脆口。蝦肉長通粉都唔錯，蝦都好爽口最令我不滿既係每枱只可以order 1杯拉花，講真我地為左拉花以嚟，咁樣真係好無奈