荳子 (新城市中央廣場)

营业中

休息中

休閒之選食物質素好飲品亦都好多選擇食左：*Caramel Banana Breakfast with BEANS Waffles *Avocado Crab Meat Benedict*Green Tea Latte 人流亦都好多 好多時候都需要排隊可以選擇係d non-lunch hour / non-dinner hour 嚟 應該會少人d

第1次try已經開左多間分店既Beans ，呢間位置係傢俬商場上面，環境亦寬敞舒適，身為甜品控既我最想試個吐司盒。— · - · - · - · - · — · - · - · - · - · — · - · - ·平日Lunch Menu (11:00-18:00) 黃金蟹肉意大利粉 68最吸引係個打卡用既蟹蓋，當中有一絲絲蟹肉，但意粉缺少濃郁既蟹味，整體有少少淡味。黑松露醬薯條只限跟餐25好好食(*ﾟ∀ﾟ*)，薯條又新鮮又脆，配埋黑松露醬無得輸。Oreo麻糬流心吐司盒 58頂層有球雲呢拿雪糕，下面有一層薄薄燒過既棉花糖，再下面就係有口感既麻糬 (有d多左既感覺)，最底係烘到好鬆化既多士 (*加分位*)，但整體有少少過甜。紅桑子醬,雲呢拿吉士拿破崙（跟餐25，正價42)拿破崙好脆，亦唔會過甜。自家裝法式雲呢拿籽拿鐵 + 3D 公仔 (跟餐28，正價37)落單要同店員講聲想要3D拉花，然後要等大約30mins，出黎效果好cute cute，價錢算平，性價比高，但雲呢拿籽味道唔出，普通Latte味道。— · - · - · - · - · — · - · - · - · - · — ·

試過荃灣、九龍灣同將軍澳分店體驗都唔錯，今次係沙田睇完戲未夠六點見到條隊唔係好長就試埋沙田嘅beans! Cafe 個theme 係greenhouse, 所以餐廳中間設置大玻璃並擺放左人工植物，天花板仲特別用咗 display模仿天空, 令食客好似置身係溫室之中！叫咗手撕豬仔骨漢堡，係我食過數一數二嘅手撕豬漢堡！個漢堡好厚身，手撕豬仔肉好淋好Juice，特別之處係佢嘅焦糖洋蔥令到個汁甜甜地，加埋太陽蛋、生菜同蕃茄超有層次感！黑蒜機燒鮑魚蜆肉白酒意大利粉好有驚喜！第一次食黑蒜，酸酸甜甜帶少少發酵後嘅酒味，鮑魚同意粉都好彈牙，正！飲品跟餐配檸檬蜂蜜，同+$29配黑芝麻椰子latte。Latte嘅黑芝麻比椰子味重，啱晒我口味！Beans係難得開咗唔少分店而又維持到食物質素嘅餐廳品牌，環境又舒服，性價比真係高，難怪各分店都成日有長長人龍～附上Menu-

腦細應承咗去文化博物館睇展好耐，呢日終於兌現承諾😈不過腦細就遲到，可憐準時的我喺門口吹咗好耐西北風🥱文化博物館上年10月到今年7月有個香港版畫藝術同印藝展，非常值得大家睇🥰睇咗幾個鐘展我哋都開始肚餓，大家都知沙田市中心嗰邊係黃店沙漠嚟，黃店寥寥可數🌚我哋要去ikea買嘢就順路去咗Home Square食Beans，白味噌意粉正常發揮，呢個價錢應該有好多其他更好選擇，但人在沙田市中心就算係咁啦。但佢有好多粒帶子！係上面條肉桂條畫蛇添足咗，怪怪的🤨腦話話佢個北京填鴨包好伏，完全唔夾🤣我哋一致認為嚟beans都係叫佢最signature個軟殼蟹意粉最穩陣，建議大家唔好咁有冒險精神🤪話時話，Beans都算係香港捲起cafe熱潮嘅始祖之一，我中學到大學時期成日大時大節生日都會揀去Beans慶祝，特別鍾意Beans嘅綠茶拼盤甜品🍵當年沙田開Beans我都興奮咗好耐🥰🍔北京燒鴨蒸包漢堡配薯條沙律 $78🍝白味噌帶子意粉配肉桂條 ~$70-80

📎南瓜雜菌意粉呢個應該吃我喺beans食過最失望嘅一個意粉😥上枱成個賣相都好吸引，點知入口咩味都冇🤦🏻‍♀️連南瓜味都唔係特別突出📎 帆立貝pizza呢個Pizza保留到一如既往嘅質素👍🏻帆立貝同埋千島醬配埋洋蔥等等，有多重口感🤩📎軟殼蟹黑松露意粉軟殼蟹水準平穩，但當日調味都係偏淡，黑松露未算濃郁😣同平時嘅質素有少少差距📎維也納朱古力呢杯朱古力跟餐要加成$31，忌廉配埋朱古力都幾香滑😺，但係朱古力就唔係太濃，但以呢個價錢來講比較細杯，性價比低😥

荳子餐廳長期人氣高企，但估唔到平日下午2、3點都可以排長龍要等30分鐘左右先可以入座～而且仲係限時90分鐘用餐時間，等位期間一度想放棄最後順利坐底左就發現點解咁多人願意排隊等咁耐，因為食物質素同環境舒適度都屬於中上水平！CP值相對高如果時間成本唔高既朋友真係不妨等下位黑蒜鮑魚蜆肉意粉。 9/10真係有大大粒鮑魚係面💯而且幾好食！黑蒜意粉加啲白酒蜆肉味道幾夾，酸酸甜甜幾開胃，唯一缺點係食到尾有啲油，同埋份量少。焦糖單骨雞翼配薯條。 9/10下午茶餐黎講都幾飽肚，單骨雞翼好易食而是炸得脆😋薯條份量又幾多～手撕豬仔骨漢堡配薯條。 9/10份量大，夠飽肚，唔鍾意食太陽蛋仲可以轉反蛋薯條同沙律菜份量都多😋比意粉抵食～黑松露薯條。 8/10薯條味道份量正常，重點係個黑松露醬！淡淡黑松露配酸忌廉，食多都唔會膩蜂蜜檸檬水。 9/10出色既跟餐飲品！好重蜂蜜味但又唔會太甜😌嫌佢太細杯！

荳子 (新城市中央廣場) (沙田)沙田鄉事會路138號新城市中央廣場5樓503號舖Beans嘅分店周圍都好多人，沙田真係未食過，今日就嚟試吓啦！裝修都幾靚，好舒服嘅感覺，同埋好似置身喺森林一樣，因為沙田嘅裝修入邊好多高大嘅樹木裝飾，令人可以放空一下。黑蒜、磯燒鮑魚、蜆肉、意大利粉 $86鮑魚超好食，一啲都唔韌，仲好彈牙，如果大隻d就好🤣 黑蒜味意粉好香，食唔停口。黑松露軟殼蟹意大利粉 $76軟殼蟹保持到水準，都係香脆可口，意粉好有黑松露味同埋creamy，不過略嫌味道偏淡同埋少汁。跟餐嘅咖啡都好甘香提神呀！

次次經開呢一度，呢間都排晒長龍，今次特登早啲嚟到，大概夜晚6:15左右，都要等幾張枱。我哋第一等咗10分鐘，就入到去啦。入面好靚，我哋坐嘅係吧枱，雖然係咁但係都坐得好舒服，中間前面呢一度有一個特別嘅空間，擺咗啲假草，同碎石，從牆嘅鏡面反射不斷可以睇到延伸嘅空間。本身佢剩係得一個光嘅時候係好好㗎，後來坐左冇耐之後，佢中間嘅光係會變色，有少少眩目。（1）飲品篇—檸蜜與咖啡。佢哋係跟餐飲品，值得欣賞嘅係，佢哋嘅餐具好靚，同埋個奶同咖啡會分開上。(3) 燒豬仔骨（一半），薯條，新鮮沙律。188蚊。燒烤醬酸甜恰到好處，上面沈左啲香草，可以帶出燒肉來。肉質軟稔，易切。幾好食。（4）黑蒜，譏燒鮑魚，蜆肉，白酒意大利粉。$108。第一啖唔識食，食落冇乜味，後來發現要撈勻先好食。（5）甜品篇——栗子撻、白桃波。佢嘅甜品係自家製，跟餐嘅話加$25。佢呢間餐廳最打住個名號係豆製甜品，當然唔少得要試吓啦。賣相比10分，食嘅時候豆味唔算好重，甜味唔係好重，栗子撻來講栗子蓉嘅部份係好食嘅，嗰個曲奇餅個位個質感有啲硬，唔係好合我嘅口味。至於個桃子波，外面係慕絲中間裡面係紅莓，細細個，成個質感都好輕，托住個波嘅係一塊

德國鹹豬手🐷🐷配黑醋汁💰💰198，豬手嘅份量幾大，而且個皮烤得好脆，唔會過鹹，味道適中，食落去唔會太油膩，幾香😋😋😋配埋個黑醋汁，酸酸甜甜咁樣，可以減少啲脂肪嘅油膩咁，好夾好味😋😛😛😛黑松露軟殼蟹忌廉汁意粉🦀🦀，黑松露醬嘅味都幾出，忌廉汁都夠多，味道都幾好不過因為忌廉汁嘅問題所以成個食晒會有啲漏，所以最好同朋友share食就會好啲😋😋炸薯條拼黑松露沙律醬，薯條上嚟嘅時候都夠熱，夠脆，黑松露沙律醬就同平時喺出邊cafe食開嘅一模一樣味道，幾好😚😚

次次經過都見到好多人排隊！難得今日經開唔洗排隊就入去食個下午茶！裝修環境都幾好！價錢又合理！仲要都幾好食！服務又好好！1️⃣蟹肉牛油果他他 $64好多蟹肉同牛油果🤤而且用料好新鮮！沙律菜最怕就係唔新鮮！2️⃣千島醬蟹棒蟹子帆立貝薄餅 $72薄餅好鬆軟！連薄餅最外層都唔會話好硬！仲要有齊蟹棒蟹子帆立貝！真係好豐富！3️⃣黑松露醬薯條 +$25黑松露醬好好味😋薯條好夠熱辣辣！4️⃣蘋果肉桂茶 +$31好香肉桂味！用黎解一解食咗咁多野👍🏻5️⃣朱古力咖啡 +$31賣相幾好，好彩味道都冇失手！💟總結：性價比超高👍🏻無怪之成日都要排隊啦🤣

咁啱放工無約人，見好耐無食ADB，就即興去沙田分店碰下運氣，睇下洗唔洗排好耐隊。去到有3，4個人排，好彩一個人唔洗等。服務好好，唔會催你，但有限時食90分鐘，夠啦。叫左個“豪華英式全日早餐”，有窩夫、煙三文魚、煙肉、豬肉腸、蕃茄、茄汁豆、黑松露炒蛋、什菌。樣樣都有水準，窩夫唔會好死實，好香，個蛋都幾滑，可能不嬲好鍾意食ADB,所以覺得樣樣都好食。飲品叫左 iced Americano, 好味喎，好香咖啡味，唔會好酸，啱我口味加錢叫左個cake 新產品叫"Everest", 佢應該落左啲魚膠粉定糯米粉之類，又有椰子嘅味，有啲Q彈嘅口感，但個味道個人覺得可以再改善。整體都唔錯，一路食一路都覺得食得舒服，唔洗俾人催住走，呢樣好緊要。會再有下次

呢間以前有聽過 一直未時間黎食因為次次都排長龍今次真係特登早起身同屋企人黎食去到環境幾好 有室外室友不過我怕熱所以坐室內豪華英式全日早餐份糧好足夠 炒蛋加埋黑松露好正最重要就係窩夫！ 好香蛋味好軟熟加埋個Cream無得頂

為了慰勞自己辛苦工作，就算要排隊午餐都要去這裡😂 這間cafe不單環境舒適，午餐選擇也有很多，還可以加錢要小食，真是很容易有選擇困難🤣黃金蟹肉意大利粉 $68本身對鹹蛋真的沒有太大喜好，不過太想吃蟹肉，所以忘記了黃金這回事直接點了😆上桌的時候鹹蛋香氣非常強烈，和蟹肉互相配合，加上有彈性的意粉，味道比想像更好！不過的確很邪惡，一個人吃很快會覺得膩。是拉差香辣煙燻三文魚意大利粉 $64很少見到這個配搭，香辣風味確實有趣，醬汁帶起了三文魚的鮮味，意大利粉夠彈牙，而且三文魚肉原來有很多，但我自己比較喜歡蟹肉意粉🙈千島醬蟹棒蟹籽帆立貝薄餅 $68當食物都上齊我們才發現所有食物都很重口味😂這款pizza鹹香味爆發，加上即叫即整，所以拉芝效果很明顯，帆立貝夠新鮮，餅底很酥脆，千島醬降低了肥膩度，海鮮味濃郁。黑松露醬薯條黑松露的味道很濃，不過口感欠奉，不夠新鮮脆口，加錢來說份量足夠～

成日都要排長龍嘅人氣cafe，今日同友人一行二人食個Lunch，12:30到達，當然已經有幾個人排緊隊，大約等咗20分鐘就有位，都可以接受嘅。咁叫左個全日都有嘅餐，入面有好多野包括煙三文魚班尼迪蛋.窩夫.哈密瓜巴馬火腿.煙肉.豬肉腸.蕃茄.茄汁豆.什菇黎到後都有小小嚇親，成個碟放到滿晒，基本上腸仔煙肉都係基本野，唔會有太大問題，反而好欣賞入面嘅窩夫，好味點左杯餐飲，唔係餐包嘅，就用原價減$8，靚靚嘅拉花，可惜唔夠熱，純粹只係暖，有小許不能接受。

想食好耐 成日排長龍 今次決定早收工少少去 終於食到！主要想食Allday Breakfast 果個圈圈 因為好可愛 結果都唔錯 燒焦糖果條香蕉 好熟 熟到頭尾有少少黑咗 但都可以嘅 幾得意嘅味道😍😍 漢堡舊肉好飽 好厚 薯條係熱辣辣 超正 意粉都可以 咖啡都好得 好得意之外亦係幾好飲 但好可惜 另外兩杯色彩繽紛嘅唔知咩果茶 只適合打卡 冇甜味又冇咩果味 ⋯⋯總結 未必再嚟 唔係唔好食 係因為好長龍 要特登早啲收工先食到