影片
营业时间
今日营业
11:30 - 20:30
星期一至日
11:30 - 20:30
以上资料只供参考，请与餐厅确认详情
铜锣湾 lunch 明明有好多选择，但系唔知点解每次一去到铜锣湾，对脚就会不期然行咗嚟荣记🤣🤣🤣计下计下呢间车仔面一食就食咗十几年，每次去到都情有独钟叫「猪红➕萝卜➕牛筋➕鱼肉春卷 河」。原因好简单，因为 猪红够滑、萝卜够甜、牛筋够淋，至于春卷，其实无咩特别，纯粹个人喜好🤣🤣🤣除咗啲𩠌之外，仲有个浓郁嘅汤底都系令我回味无穷。不过呢间店舖，除咗食物质素好得之外，环境卫生就只属一般，至于服务方面，就见仁见智啦，我个人嚟讲就觉得系可接受范围之内。始终一间车仔面档，我唔会要求佢有5星级服务嘅😅😅😅
继续阅读
由细个食到大，都系钟意食荣记墨鱼头鸡翼尖猪肠米粉好可惜最近去都比较味道有啲唔一样！同以前有啲唔同，唔知点解个汤底有浸味真系好失望，近两次去都唔系几好食😞不过个墨鱼头呢都依然好好食嘅鸡翼尖都唔错嘅，呢两样嘢都系我必点
继续阅读
每次行到铜锣湾都会挂住荣记呢碗油面！面底选咗粗油面，煮到刚刚好嘅韧度，拌匀豉油后油润香口，每条面都挂满酱汁，咬落有阵麦香🤤 鱼蛋必试！质感弹牙到「卜卜声」，鱼味浓郁唔腥，咸淡啱啱好。鸡翼尖煮到骨都软，皮肉吸满卤汁，咸中带少少甜，轻轻一啜就骨肉分离，连骨边肉都唔放过😋 汤底清鲜带甘，饮落唔会腻。细细间舖头充满旧香港风味，坐低食碗粉面，成日疲劳都消咗～
继续阅读
#20250516 📍 荣记粉面 铜锣湾渣甸街43号地舖 🍽️铜锣湾糖街27A号地舖➖➖➖➖➖➖➖➖➖➖➖➖➖➖➖➖➖#三拼面 $50 🥢 #炸面筋 #牛肚 #猪大肠 #米粉 💭 系条街度来回行左一阵都谂唔到食咩，见呢间入面唔多游客，大部分都系啲香港人收工去食，就决定入去试下😎夜晚七点几既时间已经有啲野卖晒😅本身面筋以为系生根果只口感，点知佢系好厚身扎实既，同碗面唔系太夹，猪大肠肥得有啲过份，真系嗱喳面既level🙈不过佢个牛肚系出色既，又淋又入味，唔错🍜. #四拼面 $58 🥢 #猪颈肉 #牛腩 #鱼肉春卷 #虾肉云吞 #河粉 💭 呢间舖啲野既特色似系所有野都卤得好入味咁，其实唔使加钱要啲咩特别汁落个汤底度，就咁腩汁都已经够晒味，牛腩同牛肚一样好淋好入口🐮猪颈肉淋得尼但无咩味有啲奇怪，都系会想食返平时啲爽口弹牙既猪颈肉🐷个鱼肉春卷同云吞都好似煮左好耐，淋到有啲散散地既感觉，唔太接受到🙃.#咖喱辣酱墨鱼头 $45💭 发现呢度既镇店之宝应该系佢个咖喱辣酱，见佢有几款小食都用呢个酱，最正既系佢唔系将个酱就咁淋系面就算，佢系同啲墨鱼头一齐炒到干晒身，所以非常入味，个墨鱼头爽口弹牙，系是日mvp，不过呢个酱都唔惹少，的确有啲辣，怕辣既朋友仔未必食到🦑.#铜锣湾美食 #🐷在铜锣湾 #🐷_食
继续阅读
得一款汤底,味道怪怪,唔甜唔咸咁,最重要唔热又杰身。叫咗菜底,汤唔热已经败笔！萝卜好甜,但唔系本身清甜𠮶种,系后期加工嘅甜味鱼蛋得𠮶两粒,小得可怜！墨鱼头唔新鲜,霉霉地唯一通菜尚算可以。因为拎住好多嘢,见到隔离有张圆凳,所以谂住放低,准备放低之际,已经听到有个职员大嗌唔好放啦,唔好放啦！吓到即刻唔敢放！原来有个客入紧嚟要用𠮶张凳。之后有个职员另外拎张圆凳俾我放嘢,但就不忘加多句,呢度冇位摆嘢架,地方浅窄而家呢张凳,唔系必然要俾！一路放低一路吟吟沉沉。总之成个用餐感觉一啲都唔良好,唔使再俾机会,可以out
继续阅读