影片
营业时间
今日营业
07:00 - 21:30
星期一至日
07:00 - 21:30
以上资料只供参考，请与餐厅确认详情
此店嘅牛杂及鱼旦粉面，揾食肥华同靓妈就食得多，但喺唻此店食早餐就未试过，不过凡事都有第一次5月15日早上肥华和靓妈就专诚到此店食佢哋$36一客嘅三𩠌即食面及米粉早餐。肥华点咗碗即食汤面配，猪扒，肠仔，煎旦，三样𩠌再加一杯热奶茶靓妈就柯打佢惯常食开嘅，雪菜肉丝汤米另加两只煎旦及一杯热柠水两个早餐水准用茶记水准衡量，都有中上水准，加上收费就更胜新派嘅茶餐厅一筹。顺带一题此店枱面食粉面调味酱料充足，自家制辣椒油更为出色，配上任何粉面嚟食真喺。👍🏻👍🏻👍🏻👍🏻
继续阅读
平时收工实在太晏，返到屋企都有啲晏了，但系呢一间粉面店相对都开得比较夜啲，所以经开就试吓佢啦。佢本身有一个餐系连埋一碟菜同埋一杯嘢饮，通常我都系叫呢一个set嘅，而我自己就通常会食牛肚河粉嘅，但系我都会叫佢加腩汁，因为佢本身嘅汤底冇腩汁嘅话呢相对会比较淡啲，所以加咗腩汁就会相对比较浓味啲，都会比较惹味一啲。我自己就唔食葱嘅，所以叫嘅时候一定要叫佢走葱，但系其实佢都系用个匙羹不一堆葱上嘅啫，所以如果唔记得咗走嘅话都好容易可以拎走佢嘅。菜嘅话呢佢有即场拣几款唔同嘅菜嘅，我通常就会食通菜加腐乳，呢个组合呢都几好食，而柠茶就不过不失啦。
继续阅读
同老公去凤德街市买完𩠌，饿饿地见到有间干净企理嘅粉面店咁就入去医下肚仔先😉环境光猛，坐位阔落坐得舒服，进食期间亦都见姨姨不时清洁枱面坐位及调味料👍🏻店内姨姨同其他顾客有讲有笑，仲留意到佢地落单时会记得部分客人食开咩，真系好难得💯粉面套餐有面有菜有嘢饮先系50蚊左右劲抵食，🤭下午茶套餐仲抵🕝一到14:30好多老人家会去食👵🏻👴🏻另外佢地啲辣椒油够辣多哂香🌶️食完买左一罐返屋企✌🏻猪手面 超入味嘅猪手面，而家够哂淋，但又过淋💯食完会心思思返嚟再食👍🏻牛腩饭牛味好够😋肉质刚刚好，唔会柴皮🪵肥瘦适中，生菜衬底索哂啲腩汁，加埋大大碗饭，够哂饱肚😎
继续阅读
作为香港人梗系要试下牛杂，虽然系朝早10:00，但都好多人嚟食早午餐，客流量好高😯为咗试清楚每款内脏，我决定直接叫净牛杂($100)，连姨姨都忍唔住问多几次系咪唔要粉面🤣牛杂嘅颜色非常吸引，但谂起以前中学㓥猪肺𠮶阵味就有啲惊惊😂首先试下摆喺表面嘅牛蒡，口感超级粉，好似面粉沟咗啲水咁，但听讲呢个就系牛蒡嘅质感，钟意食嘅人应该会好欣赏🙈我都系试试牛肺啱唔啱我，咬落好弹牙，气管位就少少爽口👍🏻比较完整嘅应该就系牛小肠，呢款系最入味，咬入口feel到啲卤水汁涌出嚟，加埋本身嘅油脂真系超正😋牛大肠层次分明，但食落冇猪大肠咁肥腻或者弹牙，反而似食普通牛肉🤔老板建议我加辣油落金钱肚食，虽然我从来冇掂过茶餐厅辣油，不过即管试试😆果然好夹！！尤其是食咗差唔多成碟，成个口都系卤水味，开始闷闷地😗好彩底下有几条菜，如果几个人嗌份share再加净面一定好满足😎终此第一次食冇得同其他餐厅比较，但至少对我嚟讲系唔错嘅体验👍🏻
继续阅读
今日早上谂住近近地就喺街市附近度食早餐，这是我第一次帮衬的，我叫了一个牛杂河粉加一杯奶茶。牛杂河来到的时候我觉得啲肠非常之肥，我就问服务员咁多肥膏怎样吃呢？他的态度就非常恶劣同我讲是这样的。咁算啦我都冇办法唔出声啦只有放埋一边不吃啦，杯奶茶淡如奶加水咁一啲都唔好饮，食完之后就买单俾钱啦，佢哋都仲黑口黑面好冇礼貌咁收钱，多谢都冇句，其实佢哋啲嘢食又唔好食质素又差，我真系完全谂唔到我点会有第二次嘅帮衬。
继续阅读