影片
相关文章
晏昼食咗太多零食，搅到今晚好夜先食饭，太夜又唔想食咁多，简简单单食碗面就最好喇。经过旺角记起呢间路边小档，平日都大排长龙，今晚可能太夜唔驶排队咁就呢间啦。其实荣园之前我都嚟过，印象最深系佢嘅牛丸同牛腩，周不时经过都同男朋友推介。今日我就嗌咗双丸河，男朋友就食牛腩河。先讲男朋友嘅牛腩河，汤底味浓，牛腩同河粉都一般。而我嘅双丸河，鱼蛋弹牙，反而我最期待嘅牛丸就好差，同以前食嘅已经系两回事。不过辣椒油系加分嘅，够香够辣👍🏻
继续阅读
经过「荣园」好多次，每次都系约左朋友食好西，难得今日想简简单单食个面，就黎试一试。店舖系条窄巷，冇咩特别装修，睇落似8-90年代😌环境坐位不太好，就是要吃怀旧🤣选择不多，牛腩、净牛丸、云吞等...叫左碗牛腩牛丸河，汤底浓郁，河粉幼身，滑滑的。可惜牛腩方面，甘岩俾太瘦既部位我😖有点o鞋，但非常入味。牛丸也不错，牛味浓郁，弹牙。👍🏼本想多叫一碟油菜，但只有西生菜一款，唔岩口味😆价钱旺角黎讲算便宜吧！$38蚊！想简单快速食碗面也是不错的选择
继续阅读
还记得读中学的时候，每逢星期六、日都会约朋友去旺角网吧打机，打机前或后，都会去荣乐面家吃个饱饱，十多二十年后的今日，再去这面档，点的都是相同的食物－牛根鱼片河。味道方面，柱侯腩汁依然是浓郁，简直令人有种想连汤都饮的冲动，牛根炆得相当够时间，十分软腍，连无牙的老人都可以咀嚼，鱼片亦相当弹牙。不过，价钱涨了不少，一碗面双拼卖三十八元，热饮加八元，冻饮加十元，埋单落楼合共四十八元，吃一碗粉面来说，价钱好像有点贵。
继续阅读
今晚阿肥话想食粉面,我问佢去边间好(?!)佢就话旺角呢度附近有间噏耷舖头要匿埋喺后巷到食,其实佢一讲我都知道系边间因为我好似有细到大都见到呢间铺头嘅存在,只不过系一直以来从来都未试过,咁我就话：「好丫去丫」店舖嘅外观就肯定系一啲都唔讨好㗎喇,招牌又甩晒地方又残旧,但系呢一切都系香港人辛苦多年经营嘅印记,呢种老情怀亦都愈嚟愈难见......毕竟社会日日都不停咁进步,真系有得试就好试喇。呢度连拎得起手嘅餐牌都欠奉,亦都冇中英对照,只系一块传统旧式嘅胶招牌同埋相片搭够,基本上连个人都未坐低铺头嘅阿哥阿姐已经问你要食乜我就叫咗个鱼蛋云吞河粉($38蚊),呢啲传统面食通常都系即叫即上,非常快手。河粉白净幼身,鱼蛋白𠽌𠽌,三粒云吞本身沉底要捞上嚟先见到,汤底本身又好清,成碗野就好似好干净咁唔好以为佢哋冇味呀其实个汤清得嚟都会有小小味道,河粉滑溜唔容易断,可以食到髓髓声~鱼蛋有五粒真心已经算够多,同埋佢白滑弹牙嘅口感真系好食,平常唔太好鲜虾云吞嘅我,觉得呢间店舖嘅云吞都腌得几好味,猪肉同虾肉分明,唔会过咸,冇乜味精。两样嘢分别咬开之后都忍唔住影返张相俾大家睇吓阿肥就食咗个牛丸云吞面($38蚊),系佢带我嚟食嘅佢就梗系话正啦
继续阅读
成日出街食饭，真系唔知食咩好！我就好钟意食啲up up dum dum餐厅！因为果个味道真系唔系到到都比到您！呢间我自己成日去食既面店！系旧啲！但佢够平够快！又唔错！一落单唔够2分钟就到啦！真系好快！睇相啦！
继续阅读