榮哥廚房私房菜

订咗$499 per head庆祝朋友生日 第一印象店员好nice 位置灯光昏暗 冷气唔太够 我哋全程自己开风扇仔头盘最出色 所以俾咗个假希望🥺本地米耕沙律菜伴芝麻酱✅ 钟意芝麻酱系重麻酱味 唔会好漏京沪味香伴海蜇头 双色墨鱼仔 ✅茄烧流心蛋伴黑鱼子酱配厚切茄子✅原盅炖意大利牛肝菌猪肉鸡脚甘笋汤☑️ 好在热辣辣 但却冇任何一个味道突出温室南瓜北海道特级带子🤮离谱no. 1 南瓜原来只系一个装饰 所谓北海道特级带子 都系得一粒放喺面头 南瓜入面将啲哈密瓜同青瓜捞埋一啲怪味酱 味道极奇怪金黄沙献澳洲大虎虾✅焗薯蓉铺底够香 士多啤梨黑豚肉排骨🤮 离谱no. 2 我哋食落口𠮶下简直感到可怕 佢系甜品𠮶只廉价士多啤梨酱就咁唧落去 极多碎骨头 米通同佢都离奇地唔夹鱼汤浸黑松菌日本百合配时令鲜蔬🤮 离谱no. 3 𠮶啲放到我面前已经觉得好腥 菠菜正常 但个汤我冇办法接受卜卜脆米海中鲜豚粒炒饭✅ 有少少脆米系几好食嘅 此外就系一个正常嘅炒饭时令甜品☑️颓到唔想再试 木瓜雪耳糖水 朋友话okay餐厅冇寿桃亦都冇特别庆祝 都free咗四支可乐俾我哋嘅…查看更多

公司同事聚会，预先订咗相旧位置成一个嘅枱，预订过程非常优质，态度非常良好餐牌清晰，而且尚算选择多选择咗普通嘅餐单，临场加咗豆腐同埋炸猪肺食材新鲜，加上即制，所以都系唔错，特别钟意宫保虾球，可能系啱我个人口味，偏唔太辣，几开胃，夏天好啱食不得不再赞服务真系好好，如果再聚会，会再光顾同推介…查看更多

周围食有质素私房菜既地方唔多了荣哥厨房私房菜食评有赞到天花板 都有话 性价比 差D一于去 食左先讲菜单 前菜 木耕沙律菜蕃茄仔卷青瓜 （蔬菜 坚料）双色墨鱼仔茶熏流心蛋伴黑鱼子酱 厚切 茄子（我好想知道茄子点煮🤔好味唔缩唔谢皮）炖汤哈密瓜 螺头 黑毛豚肉汤（足料）芝士焗兵库县生蚝（应该唔大只 ，芝士反而拎蚝味更鲜，现今食到依个味 好难得啦）邪恶 猪油渣炒菜苗家常小菜😝黄皮黑蒜 清远鸡*例牌用鲜黄皮， 黑蒜切片**加分清远鸡出名 好肉 有鸡味， 识煮嘅人不多再用鲜黄皮， 黑蒜切片**加分他乡炒米粉每个人食炒米粉都有佢个人嘅味道我就劲爱辣酱捞埋一齐食💪绝对要 encore …查看更多

申利：本人不上深圳消费。1） 头盘 。海蜇拼青瓜。（一般，冇乜味） 烟熏蛋，矮瓜，墨鱼仔，沙律菜好味。2）汤 。蜜瓜螺头汤冇螺头味，味太淡 牛肝菌汤（几好）3）金黄沙大虎虾 （薯蓉够细滑，虾够新鲜）4）南非鲍鱼（鲍鱼比想像中细只，同埋韧）5）陈皮黑豚肉（有陈皮味，但猪肉太韧多筋）6）黑松菌时蔬（一般啦）7）卜卜脆炒饭 （几得意， 都好食）8）黑芝麻汤圆 （成晚最正）$1897/3位 。 真心唔低食， 成晚仲有只小昆虫飞来飞去…查看更多

📌观塘适合一家聚餐嘅私房菜虽然餐厅系喺工业大厦里面 但系揾落都算方便～装修主要系木色为主 俾人一种喺工厂里面都有温暖小菜馆嘅感觉🤎🍲冰镇爽口清酒南非鲍鱼（慢煮升级版）呢款冰镇过嘅南非鲍鱼食落爽口新鲜 如果再大只啲口感应该会再好食啲～🍲原盅炖哈密瓜螺头黑毛豚肉汤（位上）呢款汤饮落非常鲜甜♨️其实就系爵士汤😋汤头饮落去除咗有哈密瓜嘅香甜 亦都用咗螺头带出咸鲜好难得嘅系啲猪肉都好食（想话平时我系唔会食老火汤里面嘅肉😌）呢个值得饮！👍🏻👍🏻🍲怀旧蚬蚧鲮鱼球（例）鲮鱼球食落好足料好香鲮鱼味🤤佢哋嘅显解就比较重味道欣赏嘅系佢哋会放多啲姜丝葱丝落去个蚬蚧 所以食落去都会refresh返少少🍲盐焗海螺（例）呢个就正常质素 海螺食得出系新鲜嘅～🍲椒盐鲜鱿（例）呢度嘅椒盐鲜鱿size会比起大排档𠮶啲比较细 但系一样咁惹味香口🔥🍲蜜香鲣鱼汁烤原条大鲜鱿（例）大鲜鱿好香烧烤味😆甜甜嘅鱼汁 再加上啱啱好嘅火候 唔会令到个烧烤得太过火 食落去系弹牙香口软滑😍🍲九肚鱼锅贴（例）呢个系当晚最多讨论嘅菜式🤫因为order菜式嘅时候唔知原来佢原来有芫荽同埋咸鱼一齐整 所以想试嘅朋友要留意啦🫣因为九肚鱼本身原则偏向无味 主要食佢嘅滑 所以都好好奇佢哋系点整呢个菜式食到佢哋系用芫荽同埋咸鱼去带出九肚鱼嘅滑就觉得好合理～不过佢哋嘅鱼露就偏重口味 感觉上就咁食好食啲🤣🍲洛神玫瑰茄西班牙黑毛豚咕噜肉（例）洛神花同埋蕃茄嘅酸原来系咁夹😙本身黑毛都比较肥美 所以呢个酸甜嘅酱汁加埋就啱啱好 唔会太油腻🍲幔煮西班牙黑毛猪粉嫩叉烧（例）呢个叉烧一上枱就觉得似系西式菜式多过中式🤓虽然佢嘅菜式名系叫叉烧 但食落真系好似西式嘅煮法去烹煮猪肉～呢个叉烧系非常好食 好惹味之余焗得好有炭香味 唔错唔错🍲蜜鲜凤梨柔嫩安格斯牛里肌肉（例）起初见到呢个菜式以为系咕噜肉 但系食落原来系牛肉呢个非常惊喜😱虽然系用咗菠萝嘅甜酸去平衡呢个菜式但系一入口个牛肉非常松化 牛肉嘅脂肪香一下子就会冲击味蕾🙌🏻呢个几惊喜🍲招牌茶王熏鸡（一只）食落鸡肉肉质嫩滑 鸡胸都系咁滑🤲🏻烟熏味啱啱好 茶叶味亦唔会盖过原本嘅鸡油香🍲脆香凤雁恋蜜配：1）怀旧片皮鸡配鹅肝酱＋2) 生菜包鸡松先讲佢哋嘅片皮鸡 佢哋嘅鹅肝酱配合个鸡系非常非常好食💫虽然片皮鸡冇片皮鸭味道咁浓郁 但厨房有精心设计过用鹅肝去带返个浓厚嘅味道😚至于个生菜包 起初以为佢系鸡肋 但食落同样有片皮鸡嘅香气🍲脆皮BB乳鸽（2只）脆皮乳鸽质素就同平时餐厅差唔多～🍲陈年卤水BB乳鸽（2只）个人认为卤水版本好食啲 食得出佢哋嘅卤水系比较重药材味 而且乳鸽食落都甜滑🍲他乡炒米丝（24个月西班牙黑毛猪火腿配福建蒲田米粉）（例）估唔到呢个炒米粉好好食呀！！！佢哋嘅米粉好幼 初头会以为好似新竹米粉咁会有啲嚡口但系食落好顺滑 再加埋芽菜同埋Parma Ham嘅调味呢个都系必叫之一😋🍲开煲菜：特选时令配鲜枝竹手打自家制鱼腐最后就以一个蔬菜菜式完结 值得一提系佢哋自家制鱼腐 呢个真系食得出系佢哋手工自己做嘅 𠮶种鱼香味系出面食唔到😉当晚都见到比较多一家大细嘅饭聚所以如果大家有一班人想好好地坐低倾偈食饭 都可以考虑呢间～另外讲讲就系佢哋头三支酒系免开瓶费 不过之后开就要再同餐厅倾吓～🍽️ 食物：🌕🌕🌕🌕🌑🥂 饮品：🌕🌕🌕🌑🌑👩🏻‍🍳 环境：🌕🌕🌕🌑🌑💯CP值：🌕🌕🌕🌗🌑✅回头率：🌕🌕🌕🌗🌑Overall: ⭐️⭐️⭐️⭐️ (out of ⭐️⭐️⭐️⭐️⭐️)📍荣哥厨房私房菜 (观塘)地址：观塘观塘道436-484号观塘工业中心3期4楼L室…查看更多