荔苑茶餐廳 (已結業)

题外话/补充资料： 有件事想講講的。我睇到唔少網友寫離間餐廳食評，都有唔少係負面。所以我都想講講我禁多次食離間餐廳所見到既人和事。 盈暉臺商場裡，很久之前有一間叫「太子飯莊」餐廳，當時該餐廳還在的時候，真係搶咗唔少荔苑茶餐廳生意(主要原因好多，因為當時無論係食品味道、侍應服務態度等，都實在比荔苑茶餐廳好好多。)。果陣時，荔苑茶餐廳既老細同豉頭婆都幾緊張，成日見到佢地都會起某d時段上太子飯莊門口「經過」一下，有時仲會叫d侍應企起(自己餐廳)門口拉客。但自從太子飯莊搬咗之後，成個盈暉臺就得返佢 - 荔苑茶餐廳，各位可聯想得到，即係獨市生意啦。之後，特別係食品質數，有段時間就真係差我幾緊要吓，而家就總算叫好d啦。 另一方面，反而我覺得要比較改善既重點，係侍應態度唔得！一係，您叫佢，佢扮睇你唔到；一係，餐具污嘈，叫佢攞過俾你，好似係你欠咗佢敢。仲會叫你自己用紙巾清理一下就得...... 當然，唔可以將對酒店既要求套用起茶餐廳身上啦！正所謂，一分錢一分貨。所以，對我個人黎講，食品味道不過不失，上黎既茶或湯水，能做到應熱就熱，應凍就凍的話，我都仲覺得可以。但侍應既態度，就真係認真要改善。離間餐廳既侍應，耐不耐就會意見不合，互相嘈交，嘈完交就發脾氣收工，類似情況，我都見過唔少次啦...，俾食客見到敢樣，真係食都食得唔開心。仲有，該茶餐廳既老細同豉頭婆，監督員工工作係應份，但希望真係唔好將你地監督員工之責，要食客們陪你地一齊做，一齊睇，睇住你地起食客面前大大聲話員工做錯，對食客而言，自然係食得唔安樂唔開心；對員工而言，人要面、樹要皮，真係有時要俾返適當面子俾員工，即使員工做錯左，大可拉佢埋一邊慢慢教訓都無所謂，但嘈交、訓話等，真係要避免起食客面前做或俾食客睇到，否則，對食客而言，唔想食得唔開心唔舒服唔安樂既解決方法只有一個，就係以後唔再光顧。對於作為老細級的人，敢樣實是一個不利之處。而且，而家可能起盈暉臺就只有你地一間茶餐廳，但難保他朝有一日，會有其他茶餐廳會進駐盈暉臺商場的。 希望離間餐廳無論上至老細，下至員工或食品質數等，能積極改善一下！謝謝！