影片
今日喺大埔中心行吓街，行咗一阵见到草津堂有即榨甘蔗汁，心血来潮想饮番一杯，见细杯$12大杯$14一枝$25，心谂细杯唔够饮，一支又饮唔哂，咁我就决定买杯大啦。前面有两个人都排紧队买，大概等5分钟就到我俾钱叫嘢饮。睇住个阿姐拎住一支又一支长长嘅甘蔗放落部机度压啲汁出嚟，应该两支半嘅甘蔗就榨到一杯，大概分半钟就搅掂。拎到上手即刻试一啖，杯蔗汁暖暖地甜甜地，甘蔗味都几香，味道都可以嘅，但如果杯蔗汁可以热啲就更加好~
继续阅读
星期天, 陪太太的外婆饮完茶. 开始逛大埔墟前. 太太想吃吃豆腐花, 而我就在旁边的凉茶铺, 整返一支鲜榨蔗汁, 大热天时, 透心凉. 没有叫即榨起的一支, 因为唔冻. 细支$12, 大支$15. 太太不要就order支细既黎饮. 不知是否我同凉茶铺姐仔沟通出现问题, 我讲了数次是要细支, 冻既, 佢答亲我都系大支. 我狂说细支, 佢系都要攞支大既俾我. 直至她抽起一支大既, 我再三强调我要支细既. 她才另外拿支细既俾我........好似想屈我要支大既.....用绿蔗鲜榨出来的, 味道甜而清. 在此, 回想起以前一碌碌蔗咁买, 个个咬完吐蔗渣. 其感觉虽好, 但弄到满街都是, 十分不卫生. 蔗汁, 呈现出新鲜的青绿色, 冰凉, 生津解渴. 而且是完全没有添加. 美味又健康.慢慢饮, 发觉蔗汁同椰青水有同一个弊病, 就是饮完, 非常之饱肚.
继续阅读