草根食堂 (已結業)

(15/10/05)去男友,朋友屋企前,食食lunch先。在葵涌廣場內, 都無乜期望。D台好埋,環境好迫。我地order個午餐,廈門炒米,賣相知道唔得。有蛋、少少青椒絲、急凍蝦、火腿,拿茄汁兜埋米粉,就是這樣,feel到炒得好求其。"呵嚦"ok,唔洗加糖,都好夠味。而他/她們order的常餐,內的沙de牛肉公仔麵,食左一半,都唔食咯,可想而知,是怎樣啦。

早午餐\都試過, 吉列豬扒- 新鮮, 熱騰騰沙嗲牛肉面- 牛肉新鮮好味, 香草豬頸肉- 勁勁辣雞翼- 即炸, 又大隻

上星期有幾餐lunch 在葵涌廣場搞掂，再寫一間：草根特餐雪菜肉絲米- 肉絲鮮炒的，雪菜偏鹹，湯底一般腿蛋治- 火腿夠瘦，難得。鮮炒蛋同熱溶牛油混在一起有一種久違了的香味，草根享受也。最後來杯回魂熱央，二十二蚊咋，環境尚算清潔，上菜埋單又快，仲想點丫。

環境非常普通，頗大煙味，食物質素麻麻，有些不夠熱，服務一般．

去過呢間「飯堂」3次，早兩晚係第3次，亦係最後一次囉，因為呢間「飯堂」真係好唔掂。當晚同屋企人帶幾個外國返呢既親戚去呢間「飯堂」試下港式茶餐廳食物。因為人數多，所以我地要分開幾次order，亦因為咁，佢地D侍應亞姐開始表現不滿--- 黑口黑面、態度極差、甚至逃避我地及特登唔同我地落單，最後佢地D侍應仲玩得「碘」--- 廚房已經整好個我order 既外賣，佢地特登唔同我地入膠袋交比我地，等我地成班人坐係度成半粒鐘(30分鐘)，最後我只好親自到廚房counter桌面取回外賣到自己張桌，自己包好，隔好仍未有人幫我，直至個相信係高級職員叫人幫我，才有人動身，不過我好怒的拒絕他們。最後埋單時，雖然他們的老板(我相信係)同我地道歉及責罵佢D伙計，但都不能低消我既怒火。

去過幾次, 第一次係晚餐, 叫o左個小菜套餐$38, 有湯有送有飯有o野飲~ 下午茶時段去都7pm, 所以有次食到下午茶當晚餐, 叫o左豬頸肉拉麵($30), 碗大麵少, 不過係下午茶, 所以無所謂~ 食物味道ok喇~ service咪又係茶餐廳咁囉~ 不過有d位冷氣好勁, 有d位就係摺檯~