草根食堂 (已結業)

通常去葵芳行街，想食小菜我都會同朋友一齊去呢間，雖然葵芳入面係有好多食肆，仲有間大間過呢間野嘅茶餐廳，但始終覺得呢間野好食啲。就咁睇餐牌已經見到好多唔同小菜，我同朋友通常兩個人嘅時候就會叫一個菜同一個肉。今次就叫左一個西蘭花鮑片雞球同埋咕嚕肉。成個套餐有一個湯或者一杯野飲，一個餸同一個飯。我就一定要中湯嘅，因為一飲就知冇落味精而且好足料，所以我每一次都會叫中湯。主菜當然係最重要，所以相只係得主菜。就咁睇相都見到其實兩個餸菜都似模似樣。西蘭花炒鮑片雞球，西蘭花唔太淋唔太硬身，啱啱好，只有小小西蘭花莖，而且好乾淨一條蟲都無，好好食所以略嫌份量少左啲，太快食哂了。鮑片得幾塊，唔緊要反正又唔係真鮑片，雞肉嫩滑。咕嚕肉晒細細粒，一啖一粒，漿皮薄，炸得酥脆，每一粒都黐到啲汁，汁又唔太稀唔太濃又係啱啱好。60兩蚊茶記質素我覺得算係咁，其實幾好食，雖然我見好多劣評，服務來講我又覺得OK唔太差，其實呢間野唔錯。希望呢個食評可以幫大家加返佢少少分。

今天經過葵芳，我和朋友要找下午茶，隨隨便便就進了這間餐廳坐下，沒有想過這樣差😖😖😖所以很少寫食評的我，都忍唔住一定要寫差評。我們叫了墨丸米線和鼓油王肉絲炒麵。先講墨魚米線，湯底是很濃味精湯，墨丸好像翻煮過，一點也不爽口，好難食，咬一啖已經唔想食！米線也有點怪味。至於肉絲炒麵，炒麵十分乾，也是硬硬的，很咸，也很難入口，我們吃了一半便沒有再吃，太難食了，物非所值，食物質素太差了，絕對不會再光顧。

今日去食常餐，味道還可以，沙爹牛出前一丁配奄列多士，跟凍飲$44 到比錢時因為我無散紙，2個常餐$88 我比左$508 一行去收銀處個老阿姐已經非常唔耐煩，問我有冇散紙。我答佢冇。之後老阿姐不停口upup 類似話我阻住哂 之後叫我借借繼續口upup 去拎5張$100 找。佢最後找返$412 比我，我們無拎，佢即喝我同友人：點呀又？ 我們話岩岩比左係$508 唔係$500 之後佢就掉返張$20 黎。真係唔會再有下一次，價錢唔係特別平 仲要比錢買難受 真係覺得好過份！

收銀那位上了年紀的女士，態度極差。明明是自己落錯單，又說沒收過客人錢，是自己的過錯，但卻很沒禮貌的呼喝客人。她既然這樣善忘，何不比單比外賣客做取餐依據。伙記說她只是收銀，詳細再沒打聽，不想比這樣的人影響心情，今日餐飯食不下。

其實我大部時間因會去呢間野買外賣，有一次買外賣佢俾錯我，跟住打電話同佢講，誰不知櫃面果個老女人，懷疑係老闆娘大聲夾惡話我自己攞錯，明明就係佢服務員俾我，仲要係甘話邊個叫你自己攞，攞錯仲話人俾錯你

我們小倆口在端午節在葵芳坐車到馬灣，進去之前先到葵涌廣場吃一個簡單的午餐。相比同一商場的其他食肆，這家餐室的人流不算太多，我們也不想吃太飽，所以只點了兩份常餐。就茶餐廳來說，食物的水準沒有很突出(不過也是意料之內)，而且價錢相對也比較貴。而這家餐廳最大的問題是服務，侍應們一副愛理不理的樣子，做事隨便馬虎(在我們用餐的半個小時內，食物經常被錯送到其他客人)，說話的語氣及態度有待改善，完全不在意客人的滿意度，所以我一定不會再去這家餐廳了。

有驚喜的茶餐廳附近都有幾間茶餐廳，重有好多其他不同類型的食市，因此，沒抱好大奇望！但上幾次行過的時間都見到哩一間排曬長龍，食飯時候重要排曬隊係出面等，咁今日行過見未有人去等，而且重有位，咁就即刻入去試下啦！下午茶由２點半至７點半，都幾適合香港人，好晏先食飯。今次點咗個雪菜肉絲炇米，加熱飲，唔洗加一埋單價＄３８蚊。價錢都一般。好快上菜，唔洗等，米粉抄得好香，但雪菜肉絲做餸就冇乜，味道都ＯＫ，但略為咸咗Ｄ，可能因為多咗豉油。上到枱食的時候都重熱的。值得讚。不過，好似人手唔夠，落單搵人幫手都要等咗一陣。但好采唔會點催人走。一路食的時候，一路都見到好多一買外賣，大大包咁。不過呢，當食的份量就唔係好大啦，如以下圖片，其他的茶餐廳份量都比較大，起碼都食得飽。

葵芳呢個地方雖然唔係住尼一邊，但係來葵芳食嘢係經常來食嘅地方！葵芳都好多嘢食又平，所以得閑都好鍾意過嚟呢一邊！不過從經常工作去開的地方來葵芳都唔係太遠。都係距離一個站所以得閒就多來，草根食堂之前都有嚟食過兩三次但係都係食三文治之類啲嘢從來未食過炒飯，有一日同事過嚟葵芳做嘢打包左個飯返去公司吃！同佢平時好老友當時都覺得肚餓見到佢食個飯嘅份量都大份就大家一人一半食咗，當時可能有太肚餓覺得個飯都幾好食所以今日過嚟再重溫一次呢一個炒飯果然係當時的味道唔錯飯粒都分明，配一杯野飲餸飯

已經凌晨一點半這樣草根食堂估唔到仲有咁多好似我個夜貓一樣肚餓瞓唔着出嚟尋食，周邊嘅幾乎想食嘅都關晒門冇辦法都要揀咗草根，可能同我一樣都係搵唔到嘢食就有得食都好唔錯啦。第一次過嚟草根食堂食嘢環境夜左可能預要收工就地拖到處立痴痴咁好唔舒服，環境就好一般啦點左個牛腩魚蛋河粉有三粒魚蛋牛腩部位有牛筋同牛腩部位不過牛筋好難吃，韌度差嚼到粉粉咁還好腩幾好味，軟唸入味，魚蛋普通，河粉夠軟整個湯底想飲啖水都會有啲欠缺味道加左辣椒油中和左覺得還可以

作為通宵熬夜當飯吃咁，自然夜晚搵食填飽個肚是最不可避免的！熬夜辦公點在葵興都要打車過來葵芳廣場尋食，估唔到以為葵芳廣場會收得好夜，點吃幾乎收檔剩下零零丁丁冇自己想要食嘅！才1點鐘左右，只有草根食堂見到人都還好多，地點都算方便一落的士就見到。餐單都夠多款揀，唔會深夜只得宵夜選擇，叫了炒飯，飯的份量好嚇人，大份炒得都好乾身，蟹柳肉都有咁多比落，味道都算好OK，自加兩元有杯凍阿華田、對於價錢份量就真的超級划算抵吃

先生倉庫喺大連排道工業區，對於光輝圍店鋪已經吃到怕！間間都幾乎吃完！晚上過來等他加班肚餓帶我去葵芳廣場本來吃他想吃的飯誰知道12點就收左門，就隨意去搵有得吃就吃。就剩下草根食堂人都多雖然夜，可能周圍都收左檔過來無嘢揀有得吃都唔錯了，兩個人都點了個牛腩魚蛋河紙上的全部都可以選擇，很好這一點！可以選擇多多。加2元一杯凍阿華田，牛腩魚蛋河魚蛋3個無特別，咬到膠膠咁唔好吃，牛腩有筋味自己炆到軟無夠經彈不過牛腩肉部位就好味，可以好少，河粉夠滑

從來未嘗試過如此令人反感的檸檬水。史上沒有一杯熱檸水可以這樣上檯給客人，因這完全不需要任何技巧。為什麼會令我對這熱檸水失望發難以接受？看看相便知究竟！那四片檸檬，有三片係乾噌噌的檸檬皮。

兩個女仔行完街，諗住黎個下午茶。就order 了兩個西多士餐。餐牌的西多看似吸引，還說有朱古力醬和練奶。友人和我都不喜歡朱古力醬，就吿訴呵姐只要練奶。等了很久，來了兩碟。麵包切成大大舊(註:不是大大粒)。呵姐話其中一碟一時手快加了朱古力醬，"提意"我地要咗佢。我地說了兩次不要，因為已一早說明和不喜歡吃朱古力醬，她才把那碟拿就。又等了等來了第二碟，那時的等一碟已慢慢地吃了一半，由於練奶很少，最初只有淋在麵包平面，非常少量淋過介，亦沒有比多啲客人自己加上包(沒有蛋味，所以食落似炸了的包多過西多)上，只好問呵姐加啲練奶。她即時"大聲"問：「做咩唔一早食物來時就叫。」為了唔吃"乾包",再問。卒之淋了一些還高聲說「下次你應該一早講。 」我真相信唔會有"下次"。至於清潔衛生，是一般低價茶餐廳的水準，預咗唔整齊，和不太潔亮 。

今日好日子，可以訓到自然醒，梳洗完後已經上午11：15分，早餐和午餐一齊食。既然係好日子，當然要食好啲。於是來到新都會商場，但因為太早，想食的幾間都未開，於是轉去隔離的葵芳廣場，但吾想食車仔麵，肚子餓吾想等最後決定試試呢間長長的走廊設計，兩邊卡位整齊排列行到盡頭，有迎暗花明又一村的感覺，這邊還有一個大空間，有十幾張台的位子可供選擇。出口處的吊燈很有特色，我選擇在吊燈下的卡位坐下。早餐時間已過又未到午餐時間，可以一個人霸整個4人卡位，非常寬敞，但如果繁忙時間，四人坐的話會有點逼。想不到草根食堂竟然有聽起來這麼高級的名字。「匈牙利紅酒燴牛脷飯」，但價錢卻貼近草根，我決定試試賣相比我想像中失色，我切了一小口牛脷放入口，無錯，的確係牛脷，很淋，容易嚼食，可惜味道不夠鮮，也欠奉牛脷特有的濃香味。還有匈牙利紅酒呢？醬汁和牛脷都食不到紅酒味，如果廚師上碟之前可以纘一纘紅酒，效果會更佳。飯是比較軟的，對於不喜歡硬飯的我來說，尚算合格。也許在這種打正旗號標明自己草根的食堂，不能要求太高吧。

草根食堂，即係呼喚我咁話，坐底叫左個常餐，$40內。 環境:茶記，地方大，有卡位，殘殘地，果然夠草根岩我。 食物:凍咖啡，好得，咖啡微甜香濃。沙嗲牛，飛化黎，沙嗲味太淡牛肉韌。多士奄列薄薄的得好少，真係名不虛傳草根。