影片
以上资料只供参考，请与餐厅确认详情
好少会去三陂坊, 今次朋友有人介绍呢间新开笋盘, 果然无失望呀! 生肠 - 自家制㖞! 加入咗washabi, 醒神爽口, 非常好嘅小食.冰镇凉瓜 - 凉瓜薄切用冰镇住, 加埋个汁, 苦味少咗, 不过多咗生嘢嘅"醒"味.白灼螺 - 新鲜, 而且size适中唔会韧.豉椒炒花甲 - 花甲大大只又新鲜, 豉椒煮得唔错.油盐水花甲 - 一样出色, 加入少讦芹菜同胡椒, 好味!火焰虾 - 净系卖相都可以见到厨师嘅心思, 用锡纸包住外面有火烧住嘅虾, 入面用小小胡椒, 葱去煮, 好香, 好惹味!象拔蚌刺身(特价$68条) - 厨师特别为我哋切长条状, 出面多数都系片既, 食落原来超爽口, 又鲜甜. yummy !姜葱炒蟹 - 个姜葱够镬气, 肉蟹多肉, 好味!豉椒炒蛏子 - 大只嘅蛏子加埋豉椒炒, 炒得好!炆大斑 - 厨师话条斑d 皮比较韧, 炆会好d, 咁就用枝竹, 烧腩同冬菇一齐炆, 哗! 唔错! 唔错!葱油鸡 - 好香嘅葱油配滑鸡, 又一美食.椒盐九肚鱼 - 九肚鱼炸到外脆, 肉滑, 再加干蒜上面. 唔错!啫啫通菜煲 - 惹味!话梅骨 - 呢度嘅招牌菜, 用金沙骨加话梅一齐炆煮, 入味得o黎又唔会酸. 果然系招牌菜!肉丝炒面 - 个面煎到脆脆地, 淋上肉丝汁, 唔错!
继续阅读