茶飯號 (康景商場)

营业中

休息中

茶飯號的鹽酥雞扒煎蛋肉躁飯和花枝丸想吃台式食物便點了茶飯號的鹽酥雞扒煎蛋肉躁飯和花枝丸外賣，加四季長春茶，就是我豐富的晚餐。鹽酥雞扒同用了簡單的椒鹽調味，便完全吃到雞肉的鮮味，其實不需要過多的調味，肉類本身便已經很好吃。這件雞排的質素很高，吃起來沒有雪氣味，而且炸得相當酥脆，同時保留著雞肉的肉汁，炸得相當好，吃起來一點也不肥膩。而且吸油功夫做得很好。單吃雞排會有點單調，配上肉躁和煎蛋更juicy, 更好拌飯，所以這樣設計是有它的道理在。我還點了花枝丸，因為台式炸物很好吃。花枝丸爽口彈牙有咬口，而且有花枝的鮮味，好吃。最後以茶解膩，是相當滿足的一餐。

之前諗住黎食下呢間未食過既餐廳就黎買外賣試下，呢度只做外賣，同埋我向職員落單既時候叫咩都無得賣都幾得意，職員只顧玩電話同傾計，服務真係麻麻，另外，呢間餐廳既食物真係唔太好食，個飯係好少既份量，炸豬扒平時都會食落ok,但佢既食物真係豬扒炸到好鞋口同乾身，肉燥好多肥豬肉，個肉燥真係好多肥油肥到唔想放落口，飲品又甜，又唔好飲，但點解仲甘多人會叫呢度既外賣呢？未食過甘差既外賣份量小又貴，的確真係唔建議大家幫襯。

新蒲崗又多工廠大廈又多食肆😚有時係附近出沒諗食咩都會諗到頭痛😂咁就會試下開啲外賣既平台睇下有冇咩優惠，邊間有優惠就會去食邊間😀今日就比我發現到茶飯號有個好抵食午餐套餐☺️😋招牌排骨煎蛋肉燥飯配3隻滷水雞翼+熱南投碳燒烏龍茶豬扒炸到酥脆既，食落口仲熱架😚一啖豬扒加埋肉燥同煎蛋，午餐都可以好豐富既😜而我最鍾意就佢既熱茶，最緊要係要走糖，好濃郁又有茶香🥰舔舔脷指數👉🏻6😋/10😋滿分 可以一試😋

食物唔乾淨！出錯餐又難食 價錢都唔抵食完琴晚屋企人個胃已經唔舒服今朝起身就到我嘔同埋搞肚痛 投訴無門見到外賣app的comment都有其他食客腸胃炎證明不是單一事件 明顯餐廳衛生惡劣台灣野全部熟嘅都出事垃圾 永不錄用

行過咗工廠區錯過咗珍珠奶茶店誤打誤撞見到大廈裡面有個商場賣台式食品即刻衝入去買職員處理緊好多外賣單見到我即刻放低晒手上嘅嘢幫我落單24蚊一杯真係好抵啦仲好有禮貌提我要唔要少甜少冰珍珠口感唔會太硬又唔會太冧剛剛好

落單嗰陣已經直接講number，但都可以聽錯幾次，重複左幾次先落到。明明叫咗格雷蜜香蘋果冰茶，suppose有蘆薈，但飲嗰陣先發現冇，店員又冇主動同我講冇曬或者問我要唔要換其他。我都做過飲食業，正常某啲嘢賣曬應該問下個客要唔要轉其他或者退錢，而唔係唔出聲由佢，呢啲唔係基本嘅咩？我之前都幫襯過幾次，第一次遇到啲咁嘅事。仲要換咗熱情果種子比我，好難飲😐如果負責人睇到，希望可以好好教育班staff

今次喺外賣app度訂有優惠，但係唔係好餓，所以冇叫佢啲炸嘢食，只係叫咗個肉燥飯加嘢飲睇其他食評話要等好耐，提早咗半個鐘落單，去到見到其實佢哋已經所有外賣ready晒，店員亦都好好禮貌👍🏾打開外賣盒同飲品包裝都有插畫，幾得意肉燥飯 + 冬瓜茶加珍珠本身以為就咁一個肉燥飯應該好細份，但係打開都幾足料。如果驚唔夠飽都唔緊要，因為佢杯嘢飲比我想像中大杯好多！！珍珠亦都超足料，份量絕對冇揸流攤，飲完之後飽到上心口！下次會再encore試埋其他便當😋

新蒲崗新開咗間台式小店「茶飯號」，提供食物款式非常豐富，除咗主食飯同麵類之外，仲有台式夜市小食、滷水小食、飲品同甜品等提供座位不多但企理乾淨，今次外賣帶返屋企食==========🔹肉燥燙青菜 $26份量充足，生菜新鮮爽脆肉燥瘦肉比例較高，口感緊實偏乾，調味偏向淡一點推介指數：6/10==========🔹滷水拼盤 $64雞中翼、蘿蔔、滷蛋、百頁豆腐、牛𦟌雞中翼浸得太耐，肉質"嚡"口蘿蔔輕甜，部份帶渣，可煮得更腍滷蛋為鵪鶉蛋，入味蛋香重百頁豆腐嫩滑有彈性，吸汁力高牛𦟌同樣浸過龍， 肉質韌而乾實滷水味道發揮正常推介指數：5.5/10==========整體食物質素平平，有改善空間，有機會試下主食質素

明明order果時話等二十分鐘！等等下等左半個鐘都話要等！最後等左九個字！一個外賣要等九個字！重點出黎果盒飯仲要係凍ge！d時間應該係用黎等個飯凍！杯野飲都溶左冰！真係搵鬼食佢！唔會再買！

😡😡😡其實之前都已經食過好幾次，一直覺得幾好食，加上附近冇咩台灣菜，所以一想食台灣野就會食佢。今日又同同事買外賣，同店員落單叫蒜泥白肉便當，佢當下已經無咩禮物同我講，”講Number”，咁個下有少少愕然😧但冇介意到，我就講左”1003”,然後我再加多半份鹽酥雞，之後店員同我講冇得加半份，因為呢個餐唔係lunch menu,咁我就要左一份，因為想食啦。🤭到我落完餐俾左錢，我同事同我講點解你冇得加半份嘅，我當時都未反應過嚟，我重話店員同我講個餐唔係lunch set 入面！！🤷🏻‍♀️🤷🏻‍♀️跟住同事同我講你個餐係係lunch menu入面窩！！🙄跟住我過去諗住問個店員啦，行去佢收銀金機前面，兩個店員已經好似睇我唔到係到傾計做單，冇理我，我就企係到等佢哋，因為都見到佢哋忙。跟住終於理我，我就問店員我個餐係lunch menu入面點解冇得叫半份雞？？🤔店員即刻大聲同我講你叫number”1003”唔係lunch menu入面個number😒但明明同一個餐，同樣價錢，跟住我重問係咪份量唔同，佢話一樣😤，咁我就問佢整左未？可唔可以改番？佢一句話係我講錯number，佢部機改唔到😡😡😡一句sorry

好少寫食評，但今次忍唔住要寫出嚟。一般而言，我對外賣係無咩期望，但呢間野可以話係大件夾抵食，味道都算係唔錯。百三蚊有齊手撕雞便當、鹽酥雞、地瓜條、台灣腸同嘢飲。

野食OK，手撕雞分量足，但係木耳得幾舊對比好明顯。而且真係等好耐，平時其他餐廳未到預定時間已經可以攞，佢過左時間都未得。去到見到佢地處理其他外賣平台嘅訂單都係咁樣，做嘢好亂。廚房唔夠人做或者做得好慢，廳面d人就冇嘢做起度企同hea

這是我的第三篇食評，我平時很少寫食評，並非因為我平時少出街食飯，只係冇咩餐廳值得我專登寫食評，但今次來到這間餐廳，令我生起寫食評嘅衝動。新蒲崗美食林立，一般人都不會來這間餐廳。坦白講，我已經食遍新蒲崗所有我有興趣嘅餐廳，所以今日用 openrice 看看有甚麼餐廳未去過，找到這間餐廳來試試。本來都沒有太大期望，以為是普普通通的台灣便當。還未食落口，食物的香味已經四處洋溢。一食落口，哇塞，乜啲嘢食咁入味嘅？！滷水蛋、滷水豆腐、滷水蘿蔔、滷水雞翼、滷水金錢肚、滷水飯，通通都有濃郁嘅滷水美味！我從來未食過咁好味嘅台灣便當囉，Sor 可能只係我個人問題，日日出街食飯都食埋啲垃圾......隔離檯食唔知乜野麵，啲香味又散到過黎，真係頂佢唔順 orz

新蒲崗食嚟食去都係嗰啲，今日突然見到呢間新嘅台灣餐廳！即刻嗌佢嘅外賣嚟試！佢嘅選擇有好多，睇到唔同選擇，好興奮！今次試咗麻辣鴨血雞翼台灣麵！湯底都幾辣；鴨血質地好實正，不過感覺似食豬血多啲；雞翼就似車仔麵，同想像中有啲落差，不過都唔錯。朋友試咗雞絲海蜇拌麵，佢哋話小辣，但係好香好惹味，係好食的。另一個朋友試埋招牌排骨麵，豬扒嚟，鬆軟、香口，湯麵唔太咸、有鮮味。呢個都推薦。最正係呢間餐廳仲有甜品叫。試咗鮮草，配埋超多珍珠，一堆芋圓(有抹茶味!)，紅豆，同埋有啲Cream，勁足料勁飽！正！佢仲有超多選擇，一定會試埋佢！

外賣送遞餐單給客人嘅選擇種類多，相信總有一款會鍾意，甚至多款都想食。食物嘅份量、質素與味道，家人都十分滿意。～粒粒台式肉燥飯便當：常聽到家人講，最基本嘅便當做得好，就係一份信心保証，肉燥有質感，撈飯味道濃淡啱啱好。～台式肉燥乾拌麵配滷蛋：麵質爽口，滷蛋夠入味。～香酥炸雞排拼肉燥飯便當：炸雞不覺油膩，能雞肉保持嫰滑，雞件份量好多啊。～招牌排骨拼肉燥便當飯：排骨夠厚肉，咬落有肉汁。~QQ地瓜：由於食完便當好飽，放咗一陣先食，依然賬卜卜，仍然好QQ。加咗付費飲品，珍珠奶奶奶、招牌水果茶有水準，另外免費嘅冬瓜茶，都好好飲，不會太甜，夠香好大杯。