影片
以上资料只供参考，请与餐厅确认详情
时日系热辣辣的上班日，同同事讲开见到有成块面咁大的鸡排，就特登黎Odeon Cafe茶轩食，场内坐得怡人，无压力慢慢叹。点单好方便，都系微信扫码直接下单。同事叫左个糖醋鱼柳，鱼柳酥香冇腥，外层粉浆唔厚，食得出啲油好干净。糖醋酱酸酸甜甜超开胃，送饭一流。白饭仲有台式卤肉肉燥，饭粒干身不黏，仲有半只酱油蛋！成份饭组合齐全，食完真系满足！我最心仪的超大大鸡排出场！炸鸡排摆出嚟真心「大大嚿」！size赢晒！皮薄炸粉唔会太厚，咬落外脆内嫩，啖啖肉汁，完全冇雪藏味。米粉汤底清，配埋台式卤蛋、蔬菜，好heavy又唔腻。加埋同样既小食三宝：花生、青瓜、木耳，成件事好满足！饮品我叫左个胚芽珍珠奶茶，奶茶香滑，唔会死甜，珍珠烟韧有咬口，饮落真系即刻返台湾旅行feel。Odeon Cafe坐得几宽敞，装修走简约台式风格，有啲似台北cafe。店员亲切唔会催人急走，可以成班同事慢慢食慢慢倾～成餐饭性价比高，有饭有面有小食有饮品，味道同质素对办。最欣赏糖醋鱼柳同牛腩面，实在唔输俾出面老字号！鸡排size赢晒，珍珠奶茶都唔会好假～最重要系坐得舒服，唔逼人走，真系可以hea足半日！补充：最近再食既时候感觉虽然份量不变，但价钱悄悄地加左1-2%，仲有加一
继续阅读
以前食过lunch觉得ok 趁放早去食个下午茶当Early Dinner～ 其实佢既Lunch Set 同 Tea Set 比较 只系Lunch Set多左1碟3款既凉拌小菜 同Lunch贵d 其他无分别～Happy Friday既Weekday Tea Time 比想像中少人⋯希望间店靠Lunch既收入都撑得住啦😮💨讲返个下午茶套餐 酥炸排骨配卤蛋肉燥饭 跟 胚芽珍珠奶茶少甜少冰野饮要少冰 所以唔满 要少甜 所以就会少左黑糖珍珠 但胚芽份量比以前饮开既少左 其他都正常发挥 味道不过不失野食 本身系拣台湾面既 但来左肉燥饭 个时谂住费事浪费食物 照食就算 后来埋完单走埋先醒起 我要台湾面系要加多$5的 下次都系要如实反映 唔换过都帮我改返单 唔好蚀俾佢😥 酥炸排骨好食既 因为人少 所以唔会好似Lunch Hour咁务求快d出餐 炸定一堆摆低 摆到冻哂 今次真系刚炸起 新鲜滚热辣 劲脆 卤蛋、肉燥、白饭 一定系预先制好 有客要就装 温度就 刚好温 但我唔好食劲热 所以ok整体而言 都系正常普通台式料理 而且呢个Tea Set都唔平 转食面又加$5 转食卤蛋肉燥又加$10 转饮珍奶又加$12 都几🤑💸 间唔中食1、2次就还好啦😅
继续阅读
讲起茶轩，其实都有好多年冇食，记得以前佢有好多分店，间中都会去食个下午茶 但近年可能太多其他台式嘅餐厅竞争，发现原来茶轩净返一两间，𠮶日见到谂起好耐冇食就入去试下。呢间茶轩位于湾仔，佢个装修都好光猛，用左落地玻璃，好多自然光可以透到入去，同埋个格局亦都唔会觉得好逼，坐得好舒服，个楼底好高感觉好宽敞，唔会觉得好逼夹。order咗佢呢一个糖醋鸡件拼卤肉饭，除咗主菜，佢仲配搭咗其他青瓜、云耳、花生嘅前菜，仲有一个贡丸汤，同埋佢个卤肉饭配咗半只卤蛋，成个餐摆出嚟都觉得好有诚意， 同埋佢个主菜份量都好多。佢个鸡件入面好滑，表面都炸得好脆，同埋佢个卤肉饭，唔系好似台湾𠮶种好多肥肉嘅卤肉，佢地个肥肉嘅比例系比较少，好迎合到香港人追求健康嘅口味。👍🏻👍🏻👍🏻晚餐 送一杯嘢饮，我拣咗蜜桃乌龙，佢系一个冷泡茶，无糖，饮落呢又淡淡嘅桃香， 清清地 ，完呢个糖醋鸡件饮返个茶就解咗啲油腻嘅感觉咁。👍🏻👍🏻
继续阅读
今天在湾仔购物完，周围找找吃的，路过一间小店，见门口介绍台式套餐，便进门试试。点了招牌府城牛肉面及超大大鸡排卤肉饭，鸡排皮很脆，够干身不太油，味道好，卤肉肥肉也不太多，啱我口味。牛肉也炆得很淋，面也软硬适中。整体感觉不错，会再来。👍
继续阅读
平时经过见佢都要排队，今日行过就唔使等，所以就同同事拣咗佢一般嘅台式饮品都需要加钱，见人哋隔篱枱嘅珍珠奶茶都几大杯，下次有机会可以试吓一开始见到以为系午餐餐牌，后尾见到佢系台式全日餐，款式都有好多，所以我哋全部都拣咗厨师推介。超大鸡扒配卤肉饭同事就将饭拣咗做米粉，啲米粉索晒啲汤嘅味夹起嘅时候已经唔系白色。鸡扒好大块，而且唔系好肥，亦都食起上嚟非常鲜嫩。如果有人味道唔够，仲可以加啲豉油佢好贴心咁样有埋前菜同配料。相反，呢个度小月海味泡饭就比较逊色，入面嘅海味其实应该系干嘅柴鱼，之后我就揾唔到其他配料，如果比较挑食嘅人就唔建议选择依个。不想嚟嘅时候有啲饭仲黐住一嚿～但系就肯定够饱肚。备注一下佢嘅餐牌系电子落单，饮品冇得叫冻饮，但系因为系胶杯所以饮唔晒可以拎走之后仲可以攞返去冲多几次，除咗餐牌上面嘅价钱，佢仲要收取加一服务费
继续阅读
您可能会有兴趣的...