影片
以上资料只供参考，请与餐厅确认详情
平时经过见佢都要排队，今日行过就唔使等，所以就同同事拣咗佢一般嘅台式饮品都需要加钱，见人哋隔篱枱嘅珍珠奶茶都几大杯，下次有机会可以试吓一开始见到以为系午餐餐牌，后尾见到佢系台式全日餐，款式都有好多，所以我哋全部都拣咗厨师推介。超大鸡扒配卤肉饭同事就将饭拣咗做米粉，啲米粉索晒啲汤嘅味夹起嘅时候已经唔系白色。鸡扒好大块，而且唔系好肥，亦都食起上嚟非常鲜嫩。如果有人味道唔够，仲可以加啲豉油佢好贴心咁样有埋前菜同配料。相反，呢个度小月海味泡饭就比较逊色，入面嘅海味其实应该系干嘅柴鱼，之后我就揾唔到其他配料，如果比较挑食嘅人就唔建议选择依个。不想嚟嘅时候有啲饭仲黐住一嚿～但系就肯定够饱肚。备注一下佢嘅餐牌系电子落单，饮品冇得叫冻饮，但系因为系胶杯所以饮唔晒可以拎走之后仲可以攞返去冲多几次，除咗餐牌上面嘅价钱，佢仲要收取加一服务费
继续阅读
呢间位于湾仔菲林明道既台式食店茶轩，供应台式食物，店舖阔落坐得舒服。今日早餐时份经过，忘记睇下餐牌就入内光顾。手机落单，殊不知餐牌上无甚吸引到我的。那就随便点了个三拼面餐吃吃就算，都没什么期望。选了有点台式既贡丸、花枝丸，还有煎蛋，配辛辣面。呢餐平凡过平凡，普通一餐，唔啱口味，没什么特出好写。口味：🥚🥚🥚环境：🥚🥚🥚🥚🥚服务：🥚🥚🥚🥚性价比：🥚🥚
继续阅读
二度帮衬，主要贪佢地点方便，午餐时间唔算多人，又坐得耐。最重要系再黎探返我最中意的鸡排。超大大鸡排配米粉（$83）🍗呢个真系要大力推介！个鸡排真系有成块面咁大！炸得外皮好酥脆，入面嘅鸡肉仲好嫩滑多汁，热气腾腾，咬落去 “咔嚓” 一声，好满足🥰。今次改配嘅新竹米粉都唔错，吸收咗鸡排嘅香味，又可以自我安慰咁去左少少卤肉的油分（哈），再加埋配菜，食完整个餐都好饱肚。如果大家嚟呢度，一定要试下呢个超大大鸡排，保证唔会失望！胚芽珍珠奶茶（走甜，配餐价$12）🥤上次见朋友叫，今次特登叫咗热胚芽珍珠奶茶走甜版试下。珍珠烟韧有咬口，胚芽增加咗一份独特嘅香味，茶底浓郁，即使走甜都好有味道，唔会太淡。招牌府城牛肉面（$78）🥩朋友叫左呢个牛肉面，一上台个香味已经扑鼻而来🤤。牛肉炖得好淋，咬落去啖啖肉香🥩，而且份量唔少。汤底好浓郁，应该系用咗好多香料同时间去熬制，味道好有层次。面条亦都好有咬口，挂住浓郁嘅汤汁，每啖都好过瘾。配菜就比我多一款花生🥜、其他同样系黑木耳同青瓜🥒，爽口又解腻，好正！配上冷冻麦香乌龙，好味又满足。糖醋鱼柳卤肉饭（$82）🐟朋友二号拣糖醋鱼柳，份量多到最后朋友只食系晒d 𩠌🤣。卤肉饭上面铺满咗香软嘅卤肉碎，仲有半只卤蛋🥚，卤肉味道调得好平衡，唔会太咸又好香。搭配嘅糖醋鱼柳真系一大亮点！鱼柳炸得金黄酥脆，外面嘅糖醋汁酸酸甜甜，好开胃😋。每啖鱼柳都外脆内嫩，同卤肉饭一齐食，简直系绝配。最后加一收费，埋单人均94。价钱合理。
继续阅读
见到这间餐厅外的落地玻璃，经过误以为好高级，原来系台式餐厅 ，而且仲几抵食 。餐牌上面有好多选择，我叫咗个鸡扒肉燥饭。嚟到发现好大份！鸡扒外脆入面唔柴，肉燥系粒粒肉唔系得汁 。另外只蛋、个肉丸汤、小食同甜品都增加咗佢的性价比 。仲有支茶！饮唔哂可以成支拎走，唔会做大嘥鬼 。
继续阅读
第二次嚟呢度食午餐，上次拣咗招牌鸡扒，其实就觉得一般，但见佢成日都好多人，又算光猛舒适，所以决定比多次机会佢🤣今次拣左酥炸排骨配卤肉饭，不过我就+$5 转配咗米粉 ，饮品拣咗热嘅胚芽珍珠奶茶🥰。今次既食品同饮品都好食！酥炸唔会炸过龙，猪扒仲juicy的，不会太干，也香口。见到隔篱枱叫咗肉燥米粉，所以我又跟住叫🤭 汤底浓淡适宜，都唔错，朋友系拣肉燥饭，佢都话好食。至于饮品，佢跟餐就有杯茶的。但我同朋友都拣左 +$12转特饮。饮品选择有好多，整体冻饮卖相靓过热饮好多！推荐想打卡的人拣冻饮🤣 至于我杯胚芽珍珠奶茶🧋，都好香好好饮的，我仲拣左走糖🤭饮得好开心、无负担🥳埋单大概每人$100，考虑番份量，都唔系话特别平。见佢大概12:30起要排队，我觉得要排队黎讲唔算好值🤔 但今次个餐都算好食，如果唔洗排队大家可以试下😆
继续阅读