茶軒 (菲林明道)

营业中

休息中

記憶中小時候曾經食過嘅台式餐廳，無意中喺灣仔見得返，就入咗去食午餐🥢一向午餐少食飯類食品，但係對台式便當總係情有獨鍾，於是就冒住下晝「釣魚」嘅危機叫咗份滷蛋肉燥雞絲飯。滷蛋都算入味，雞絲同肉燥都好適合餸飯食，但係敗筆係啲白飯！佢完全係落太多水，煮到似適合老人家食用嘅質地🙄隨主食送兩款前菜，分別係拍青瓜同雲耳，味道相對清淡，真心係健康嘅👍仲有一碗芹菜(碎)(半粒)肉丸湯，雖然唔係老火湯，但亦唔會係味精湯，都算係不過不失。除此之外仲送一包蒟蒻做甜品，都算幾有心思😆飲品叫咗應該係冷泡蜜桃烏龍，不過無乜蜜桃味，重點放去茶度算啦😂

見間嘢裝修企理就入去試下，諗住有杯咖啡嘆下，但很失望。起初自己一個坐一張二人台，d嘢食上來已經擺滿。食食下，服務員帶了個人來搭台。對面那人嘢食上嘅時候，服務員也完全無意識幫手執好張台，擺了一半在台面，由個客人扶住就自己行開，仲要由我地自己係度執台。就咁午市都有加一，問題係根本無服務可言！午市基本都係要搭台，唔明白，點解食100蚊嘢，都要整到茶餐廳服務咁。嘢食，甜品是台灣產蒟蒻，包裝好的。贈送小食是兩塊黃瓜，半粒貢丸。總之唔值！

I walked in and paid for my takeaway order and went to pick up stuff. Hoping to save some time. When I returned after 15 mins or so, the cashier girl only then realized my order still not yet prepared and rushed to the kitchen to cook my noodles. I saw her through the kitchen window that she used the same bare hands, without wearing any gloves, touching and cooking my food... She handled cash and the cashier machine just now.The food was mediocre, not worth the price at all. The noodles and the

今日同同事出左去食lunch。見呢間台灣菜都幾多人等外賣，但試完覺得麻麻地。首先佢地係QR code 落單嘅，我嘅同事要求又比較多，有啲就話少汁少飯，有啲要多汁多飯多青，有啲就多汁少飯走青。我自己就冇點特別調整。最後啲飯嚟到嘅時候都唔係跟足要求。叫少飯少汁嘅份量好似仲多過叫多飯多汁嘅。小菜又俾錯左。我就好好彩上菜嘅時候冇問題。滷蛋肉燥雞絲飯一個set 有飯，小菜，貢丸湯同嘢飲。肉燥幾入味，雞絲係連皮嘅，整體味道唔算突出。但我幾鍾意佢嘅小菜會送啫喱，同埋烏龍茶都唔錯，係用茶葉而唔係茶包沖泡。

呢間台灣嘢樓底好高，環境都算舒適。但如果午餐黎講價錢偏貴，8x重要加一， 加上用餐時間只有45分鐘，未夠鐘啲職員都已經開始催你所以食到好急，如果想要慢慢坐呢間餐廳就唔係好適合啦，不過嘢食味道算係唔錯嘅～如果接受到快食，不妨一試

見無咩客，餐廳環境都可以試一試。入時不足5枱客，服務員大約3至5位(不確定)坐下後，沒有人招呼，沒有餐牌供應。 坐了數分鐘後，才有位男服務員給一張枱號加QR CODE嘅紙。 掃完後發現沒有相片參考，同服務員要求有沒有實體餐牌？ 服務員回應OK後就行開了，等了一會還沒有人理，可能沒有呢？只好想在店外餐牌看看有什麼食。 經過收銀位看見數張餐牌。 用手機order時發現網上版和實體版又有出入。 食物來到時湯粉麵都可以，飯是室温。近乎零服務 (點解近，因為都有送餐)，但又要收10%小費，點解.....？日光日白，灣仔區，價錢唔貴，都可以咁少人，証明了什麼？

同同事lunch time試呢間早啲去唔使等位，如果唔係就要熱辣辣企喺出邊曬住太陽排隊等。我哋order套餐配飲品，連埋加一每人$9X嘢食未到就已經有蒼蠅🪰圍住我哋飛來飛去😑食物質素OK，但感覺性價比一般。最令人唔滿意嘅係😡我哋剛食完主食，都未飲杯嘢飲同食甜品就已經有人兩次嚟催我哋埋單，話用餐時間只得45分鐘，而我哋入座嗰陣時係冇人提過。綜合而言，咁嘅環境、價錢對應食物質素，得45分鐘時間食，仲要俾人催走人，唔覺得值得再去（如果要等位就更加唔使考慮）。

Lunch試一試呢間台灣菜，鋪頭面積唔算細，都有大約10張枱，lunch等位唔耐佢每個lunch set都會配一支茶，包裝啫喱，台式小食，例如青瓜同木耳，仲有一碗湯雞扒飯係廚師推介，雞扒好大塊，同埋炸粉唔會好厚，啖啖肉，飯就會配滷肉飯，同埋都大碗，一定食得飽，同埋佢啲飯食得出粒粒分明，好食😋仲有試左蚵仔泡飯，佢啲湯淡淡地，唔會好鹹，但係就相對無咩特別，蚵仔份量中等價錢方面一個set大約80幾蚊，可以接受，以後食lunch多個選擇

最近到了灣仔 ‘’茶軒‘ 食台式早餐🍴店內裝修簡潔、環境寧靜、食物味道不太濃，食完唔口渴👍價錢公道😊鮮蝦風味擔仔麵配炒蛋多士🦐🍜台式炒麵配貢丸湯🍝芝士葱抓餅 (餡料可選：芋泥、肉鬆、蛋、芝士)🌯招牌烤豬扒蛋吐司🥪即磨咖啡☕️

今晚和友人放工後到灣仔附近逛，見到商場隔離有間地舖食台式菜，久久未能旅行掛住台灣美食，於是決然選擇了這件餐廳。 餐廳內簡約嘅風格感覺舒適又放鬆，餐牌圖文並茂適合我這種需要看圖找吃的人。主食方面，選擇了台瘋椒麻雞飯配例湯和原湯牛肉麵，椒麻雞飯的肉量簡直足料到驚喜友人，配上肉燥和蛋，而且飯量適中，適合喜歡食餸多過澱粉質的友人。雞排非常入味，咬上口鮮嫩多汁，而且保留雞肉的鮮味。整個便當有齊主食、例湯、前菜和輕量甜食，比起一般台式便當更豐富，份量都是平均地一小碟，非常用心，適合心大心細又想試好多款式的友人。至於牛肉麵，濃湯的牛肉味非常香，我忍不住差點兒全灌了。牛肉方面，有別於一般牛肉麵所選用的牛展，茶軒用上封門柳，入口滑溜香甜，看得出餐廳在食材選用上都好俾貨！飲品方面，胚芽珍珠奶茶和茉香珍珠奶茶的茶底味道都很香醇，配上珍珠和奶，香滑之餘又有咬口煙韌。

“原湯牛肉麵”($78)“台瘋椒麻雞飯 配餐湯”($78)以前讀中學間唔中都會食吓茶軒因為貪佢夠平夠抵食😆不過唔知幾時開始原來全香港都冇哂分店🥲最近茶軒終於返嚟啦🤣新店設喺灣仔,裝修似足文青cafe😆呢道晚市有提供精選套餐,更有一人小火鍋🔥套餐會跟埋台式小食,甜品,冷泡茶😚我地就叫咗2份套餐食😛首先係原湯牛肉麵🐮粗麵食落煙韌有口感而且仲好掛湯😚牛肉牛味香濃仲唔會韌☺️配料仲有入哂味嘅紅蘿蔔🥕同牛肉麵必備嘅酸菜😋另一個餐點咗台瘋椒麻雞飯🐔雞肉份量夠哂多,外面脆脆地入面唔乾柴食落味道椒椒麻麻咁好過癮🌶呢個餐仲會跟埋碗貢丸湯😛飲品方面加錢轉咗茉香珍珠奶茶,茉香青檸大大杯好抵飲🥳

無意中發現呢間灣仔中既清泉，唔洗加一之餘，下午茶大大份連埋正宗台式飲品，$40都唔洗😨🌟芋泥法蘭西多士配地瓜球 $38🌟地瓜球有驚喜，口感煙韌香脆；加咗芋泥既西多士，味道更多層次，甜度適中😋個人建議女仔可以兩人當小食share，再order多個正餐，因為都幾full😌🤫🌟台瘋椒麻雞飯配例湯 $78🌟太肚餓既關係叫咗個椒麻雞飯，加咗香菜即係荽茜做點綴，一齊食，味道更香口，配台灣肉燥飯，襯熱辣辣食，味道更好🤤🌟芋香珍珠（凍）$28🌟聞落好香既芋香味，非一般用粉沖，唯一美中不足嘅係珍珠既軟硬度可以控制得再好啲🤭🌟炭焙烏龍 $25🌟好濃郁烏龍茶香味，樽身設計都好貼心，裡面有茶隔，以免飲到一片片茶葉，好細心嘅設計😍

打工仔食飯時間唔多，要用好啲時間黎差返電更加難，今日想推薦灣仔一間台式餐廳-茶軒。餐廳樓底極高，多盞精緻玻璃小吊燈裝飾，座位寬敞，靜靜地歎杯靚茶，正午餐選擇都算多, 當然要試下台灣地道美食-極級鵝肝配滷肉飯：比較少有嘅美食，鵝肝質感較粉嫩，肝味濃厚，加埋肥廋適中嘅滷肉，另外一定要提下助餐嘅酸菜，味道微酸，開胃唔刺激，撈埋白飯一齊食，推介。除左滷肉飯外, 滷水拼盤配拉麵都值得一試, 大大份有雞翼、牛肚同豬耳, 牛肚同豬耳爽脆, 雞肉嫩滑入味, 手工拉麵彈牙沙湯底香濃。叫得茶軒當然唔少得茶啦, 套餐可以免費選一款台灣冷泡茶, 有成5款甘多可以選, 烘焙烏龍茶：味道清雅，口感冰凍，入口非常舒服，嘴位仲有個貼心嘅濾網，唔會成口茶葉㗎，抵贊! 洛神花茶就最適合女士飲用, 補血又養顏, 味道酸甜開胃, 飲完醒神晒。總結，餐廳環境闊落舒適，位同位之間唔會坐得好密, 中午差足電，下晝又繼續努力！

約咗朋友喺灣仔食lunch，朋友想食台灣嘢，終於決定去試吓「茶軒」，因為外面望落去都幾靚，而且地方幾大座位亦幾多，入到去一邊全玻璃，另一邊灰色泥水牆，再配上木枱櫈，而且佢嘅樓底極高，所以就算坐滿人，都仍然覺得簡單舒服，真心要讚吓佢嘅服務，最初去到冇晒窗口卡位，後來有人走，侍應好樂意咁幫我哋轉位，而之後送食物同執碗碟嘅姐姐都非常有禮貌，講真而家好少去到咁嘅價位食店有咁好嘅態度👍🏻試咗佢哋嘅lunch set $78，仲包兩款台灣小食、是日甜品同一杯飲品，（台灣冷泡茶系列或+$8轉招牌黑糖系列）好吃雞肉配滷肉飯 - 個lunch set一啲都唔稀塲，雞肉份量多，好嫩滑，真係「好吃」，滷肉飯大大碗，仲要有貢丸湯，貢丸係彈牙嗰種台鐵排骨配滷肉飯- 排骨食得出係新鮮炸出嚟，外面酥脆內軟👍🏻洛神花冷泡茶- 一見到佢嘅樽寫住「十分幸福」，下邊細細行寫住「除了愛什麼都不添加」，一路飲都覺得健康啲開心啲😂而且佢大大支，飲唔晒仲可以拎走黑糖珍珠奶茶- 珍珠份量足，奶茶唔算好甜👍🏻總括嚟講，咁嘅價錢有咁嘅份量同埋食物質素，性價比真係好高

📌 茶軒📍 灣仔菲林明道8號大同大廈地下1&2號舖☎️ 28897798★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*唔講真係唔知原來灣仔開咗間新嘅餐廳主打台灣菜。呢日珍奶癮起，就過黎食個晏止下癮。餐廳有落地大玻璃可以望見路人來去匆匆，室內樓底好高，裝修採用木系格調，加上寬敞嘅環境，十分寫意，同繁忙嘅街景形成強烈的對比。午餐選擇全面，飯麵小食甜品一應俱全。套餐附送 台灣冷泡茶。亦可以加$3轉四季茶或加$8轉黑糖珍珠系列。我地叫咗兩個午市套餐，有爽口木耳作前菜，超彈牙貢丸湯，同軟糯朱古力花生糯米糍。💫香滷鴨肉配滷肉飯（$78）鴨肉結實，入口無渣，肉味濃，滷水香而不濁，唔會死鹹。滷肉飯嘅肉肥瘦夾雜，撈飯一絕！💫台瘋椒麻雞飯配餐湯（$78）味道微麻唔算辣，分量好大，好似碎上大雞扒咁，外表炸到香酥脆口，內裏肉質夠juicy，軟諗唔會好乾柴。💫黑糖珍珠鮮奶加咗錢叫珍奶，珍珠極多一啲都唔留手，「不」極都仲有，奶好滑，仲另上一少杯黑糖俾我調較最啱自己嘅口味，呢個服務好貼心！間唔時都會喺灣仔食lunch ，呢間幾唔錯，環境舒適，好啱傾密偈，都可以