茶言。駅 (已結業)

N年無去過西九龍灣中心，今日路經深水埗，想歎下冷氣，入左去探索一下。呢個商場超有趣，勁多小舖，唔同層數有唔同氛圍，最高個幾層有文青feel添！想飲杯野消下暑，結果揀左位於9樓嘅呢間舖，貪呢層少人。八樓係foodcourt，有幾間飲品舖揀，但係太多人，我唔想係疫情下咁多人一齊除晒口罩飲飲食食。呢間店應該係家庭式經營，飲品選擇幾多，我揀左最鍾意嘅玫瑰咖啡，佢話用4.1牛奶，奶香味重，有玫瑰味，咖啡味唔苦啱啱好❣️聽店主講招牌係芝士奶蓋，仲有款超攪笑叫奶茶三兄弟🤣🤣🤣🧋下次要試試

星期六行開西九龍中心，見到9/F有新台飲，飲返杯芝士奶蓋珍珠奶茶，啖啖甜芝士味，滿足滿足，溝奶茶飲又有另一種味道，加上珍珠好有咬口，真係估唔到小店都有咁好飲既芝士奶蓋，真係超滿足呀

試左個芒果綠茶加奶蓋，個奶蓋好香好有芝士味奶味好濃，綠茶茶味好清香，用左靚牛奶整個奶蓋所以先咁香，唔慳皮，值得讚，用嘅牛奶咁正，下次再嚟試下個抹茶latte先，一定都會好好飲

難得見到有飲品新舖出現，即刻就去試下。見到飲品都好有創意，奶茶嘅茶味同奶味剛剛好，十分好飲，都是真材實料，甜度都剛剛好，一定會多多支持。順便一提，老闆好nice！

話說上上星期wfh的最後一周了，某天在屋企附近行下行到讀書成日蒲西九諗住上九樓奇趣天地行下，點知疫情原因冇開，點知係對面轉角位俾我發現近新開的台式飲品，此時正好行到有點口乾，我見佢的產品都唔同出面的一般台飲店，心郁郁想試試新鮮嘢，隨心就叫了杯蜂蜜雪耳紅茶，比起出面連鎖店要$30，這邊價錢算正常不貴，飲落係清新一點的口感，有蜂蜜的清甜，加埋雪耳的滋潤，果一刻覺得立刻解到渴，茶味不算好濃但三種材料份量互相平衡，配得起來沒有違和感，個人覺得這種質素值得一試。其它飲品如桃膠系列好似係主打，下次經過亦會再上來試試。

好大杯可以分兩位飲珍珠奶茶超多珍珠玫瑰薑茶飲完身體好暖落完單快靚正出品值得推介呀！用心去經營小店如果可以有埋小食或糕點配就更加一流！每月有新款推廣就正！有冇飲品可以有咖啡成份配埋做工作溫完書好眼訓呀！最後老師好親切呀

西九龍中心最高層小店小店經營， 彷彿探訪北海道薰衣草農場感覺茶質濃滑，喝起來層次豐富。喝起來茶味濃郁、口感滑順、 加入玫瑰花香非常放鬆。綠茶味道都沒有被溝淡， 而且保持濃郁醇厚。

今日中午約咗朋友喺西九龍中心傾嘢，傾完順道喺附近蘋果商場行吓，睇吓有咩新發現啦。行吓行吓俾我見到一間新開張、好有日式風味嘅茶店：茶言。駅。睇吓佢嘅menu，除咗平時一般飲開的珍珠奶茶之外，仲有好多好講求養生嘅健康茶，有蜂蜜茉莉綠茶、青檸玫瑰花綠茶、玫瑰桂花茶、仲有我最鍾意嘅桂圓紅棗茶，望落去啲茶名都已經感覺很清新，呢段時間又凍凍哋，我就叫咗一柸熱的桂圓紅棗茶，拎番公司飲喇。店主好熱情殷勤，因為新開張的關係，仲話新張期內有折扣，疫情底下新開張店主都滿有誠意待客，絕對值得加分！拎到返牛頭角公司，本來以為會好快凍哂啦，點知仲係好熱，飲落去啱啱好。呢柸熱桂圓紅棗茶真係好正，冬天熱熱哋飲好滋潤，比起一般出面買的茶唔會咁甜，味道啱啱好，好清新好有紅棗味（仲要有紅棗肉啊），女性在那幾天飲都好適合啊，又可以有護膚美容、補氣養血，仲可以增加個人免疫力，令面免紅潤，人又靚啲，心情又靚啲！嚟開西九蘋果商場嘅朋友，或者喺附近返工、返寫字樓嘅OL，可以上嚟買柸健康茶飲吓，個人健康啲，做嘢都醒神啲啊！

疫情下百業蕭條，曾幾何時位於深水埗西九，人來人住，人潮下總是水泄不通。奈何一場武肺將香港催毁，無能政府抗疫失效更促使很多小商戶結業，而西九眼見很多少店亦無一幸免。閒來上九樓總會到我喜愛的黃店與店員閒聊，逆境內互相支持。離開時候，遠處傳來陣陣茶香，心想會是新開的店舖嗎 ? 刻意在四週打量，在附近尋找這份香氣，終於追蹤到角落的這間小店...。茶。言駅, 是一間賣飲品新開的店舖，見人客今天不多，或是新開業的關係，未有人發現這裡。上前看一下招牌再張望門外Menu , 種類多而且亦很有特色。小弟向來選擇困難症，在呆望Menu之際，突然傳來一把温柔女聲。我抬頭一望, 是位長髮女生，相信是這裡的店長，面帶笑容道 ："先生，我地新開業架，試下呢度嘅茶丫....." 。"唔~~~咁呀~~飲咩好呢.." 突如奇來的温柔聲線反而使我更難選擇。店長向我介紹這裡其中一款飲品："先生，你不如試下蜂蜜桃膠奶茶...好唔好?" 確是不錯的建議，我正想來點蜜糖滋潤下煩瑣內心。.....前事完。等了約五分鐘，店長為我盛上這杯飲品，當看到茶杯上的心心，我會心微笑，而價錢亦非常便宜。站在店外，忍不住即時品嚐屬於我的這杯茶。O