茶茶Go

营业中

休息中

茶茶Go 旺角 (旺角)📍旺角登打士街43P - 43S號鴻輝大廈地下9B號舖-💟正正衝著紫菜肉鬆小方而來🤭🤭 記得幾年前大陸曾經瘋魔一時嘅肉鬆貝貝，一直喺香港都唔覺得有得賣！直到無意中發現茶茶Go 原來有，所以即時要去買番個黎回味一下！-🔅紫菜肉鬆小方 $38外層用左大量肉鬆包住個鬆軟啲蛋糕內層，咸咸甜甜味道好獨特，好味道！👍🏻👍🏻相信他朝有日如果可以堂食，肉鬆就可以保持到乾爽鬆軟，口感就會更加好！💓💓-🔅芋泥肉鬆盒子 $42呢排好似有好多芋泥製品！呢個盒子芋泥做得好幼滑，底層嘅蛋糕都可以保持到乾身，冇被濕潤嘅材料影響口感！最重要佢係低糖唔甜！最怕坊間一啲死甜嘅蛋糕🥹-🔅豆乳盒子 $38淡淡豆乳味反而更加可以突出佢啲奶油香！底層亦都係蛋糕，整體感覺就好似食緊一個有質素嘅奶油蛋糕咁！👍🏻👍🏻

茶茶Go係一間手搖飲品同埋蛋糕店，佢嘅嘢飲都有好多款式，同埋有個叫cake box既盒子，裏面裝嘅係蛋糕，賣相都幾特別，不過我哋今次就嗌咗幾杯嘢飲💜招牌黃金比例逮丸芋頭🧋逮丸芋頭1號 $45: 呢個系列有三款，佢哋嘅底層都係芋泥加鮮奶，配料就有啲分別1號係白珍珠2號係丸子3號係黑糖珍珠，我就嗌咗芋頭1號，因為走冰嘅關係，所以要加兩蚊，佢哋話鮮奶會多咗，甜度都係冇得控制，白珍珠比較少地方有，雖然冇咁煙靭，但口感都唔錯，甜度到啱啱好，芋泥份量都多，整體唔錯春滿金旺鳳梨🍍 $36:呢款係綠茶底，另外再加左鳳梨汁，飲落都好有口感，因為佢有鳳梨果肉，甜度都有得揀💛若葉百香玉子 $36:另外呢款係百香果，都係綠茶底，裏面仲有好重嘅百香果味，加上又有百香果粑，好有咬口

將台灣手作味道帶來香港，製作的口味保留台灣風味。✨紫菜肉鬆小方(4件) $38平時肉鬆飯食得多，呢個組合好特別，蛋糕鋪滿芝麻紫菜肉鬆，濕潤質感！蛋糕質感鬆軟，紫菜肉鬆鹹香十足，蛋糕中間加咗甜甜的蛋黃醬。👇所有飲品可選擇（原味/健康甜/無糖）✨斯里蘭琥珀奶茶（凍）健康甜，順滑入口醇香，一啖又一啖忍唔住，好好飲！✨櫻羽水果甘露（凍）健康甜，橙溶、百香果、香橙、菠蘿、蘆薈，補充維他C，夠大杯，酸酸甜甜夠Fresh🌿✨松印桂花烏龍茶（熱）清香桂花茶淡淡回甘，茶清一啲都唔澀

之前行街嘅時候見到呢間舖頭有買盒子蛋糕 一路都想試 不過就成日都夾唔啱時間 今次終於可以買到啦～金煌楊枝甘露 $36楊枝甘露勁足料！ 我唔記得咗嗌少甜但飲落都唔會好甜😚 裏面有西柚粒芒果果凍😍 飲落一啲都唔乏味芋泥肉鬆盒子 $42之前有一排好興盒子蛋糕 但一路都冇買過黎試🥹今次終於可以試吓盒子蛋糕芋泥非常之細滑綿密 而且唔會好甜 仲食到芋頭既香味 就算我一個人食晒成盒都唔會覺得好滯😬紫菜肉鬆小方（四件） $38呢個拎咗返屋企同屋企人一齊食，佢哋都好鍾意我都覺得唔錯 因為紫菜加肉鬆根本就係無敵🥰 佢嘅小方係一個蛋糕 而且蛋糕質地食落唔乾但又唔會太濕潤 岩岩好👍🏻

茶茶Go 地址：旺角登打士街43P - 43S號鴻輝大廈地下9B號舖Shop 9B, G/F, Hung Fai Building, 43P - 43S Dundas Street, Mong Kok人氣網紅KOL 肉鬆小方, 終於都食到啦, 仲有有芋泥+紫菜肉鬆, 大量肉鬆碎舖面, 很豪爽的用量, 而蛋糕層是海綿蛋糕, 香甜鬆軟, 大大口咬下有蛋香同甜度, 接下是芋泥的厚賓同香條, 匯集一起超級無敵好吃, 是吃一次便會上癮的另外櫃中一盒盒的是不同口味甜品, 一場來到, 買了2個唔同口味來吃。肉鬆小方, $ 38，一口一件超幸福好味 HKD42是有芋泥，岩曬芋泥控。10大人氣 岩燒黑糖珍珠奶茶，甘甜芳香入口順滑，珍珠qq彈牙，加上奶香，証服了我心同胃除了人氣, 更有大量台式手搖飲品

食完飯，在旺角附近行街，一杯廢水拎住都係基本 但咁多間真花多眼亂，今次朋友介紹茶茶go，佢大讚小食肉鬆小方一流，我地叫左杯芋頭ball ball 同一杯奶蓋四季春，佢既奶蓋有一陣好香、好濃的奶味，我好喜歡♥️朋友的芋頭ball ball 都好飲，芋頭味好濃，芋泥超多😎雖然甜度無得改，但都唔會好甜，啱啱好👍🏻因為同行朋友大讚，忍唔住都買左盒肉鬆小方，但唔想喺街食，拎左返屋企先當下午茶咁🤭滿滿的肉鬆及紫菜碎包住蛋香味重的蛋糕🤭🤭，蛋糕口感比較實在，唔係食完一陣風嗰啲，肉鬆口味無得舒，下午茶真一流👍🏻😎😎

呢間我為芋頭而黎 只為搏芋頭控的大帝歡心🥰店外有個top sales排行榜 方便直接 諗少好多選擇😂逮丸芋頭2號 $45香濃牛奶底再配手工芋泥同芋圓🤭呢個組合係best fit😎另外可以揀配黑糖珍珠或者白珍珠呢杯份量感十足 一上手你就明😌 奶同芋泥的比例剛剛好♥️完美融合在口中啖啖都有芋頭香氣 唔會有重香精味👍🏻再配埋小小芋圓的口感 大帝表示好滿足🤭Oreo 黑糖珍珠奶茶 $36呢杯雖然無咁驚艷 但為當日黑仔的我送上一點甜😂珍珠頗有咬口 特別之處係有一層Oreo粉😉飲到咁上下會多一份口感😋 同埋杯size都幾大 抵飲💪🏻黑仔的我當日放工6點幾咋🥹 竟然小店的cake都賣光光🥹本來好想試埋芋頭肉鬆盒子蛋糕 🍰 好可惜～下次回頭一定要買到 然後再encore埋逮丸芋頭😎

去親登打士街都必定經過 @chachagohk 都飲過好幾次而且每次經過見到佢雪櫃入邊嗰啲四方盒就好吸引。凍櫃裡面除咗盒子蛋糕之外，仲有紫菜肉鬆小方。可以揀大盒四件或者細盒兩件。 一打開紫菜肉鬆小方，肉鬆好明顯鋪滿咗成個表面自如連側邊都有。所以食落可以成口有紫菜肉鬆😂 又夠鬆軟❤️之後仲叫咗兩杯嘢飲。一杯係翡翠檸檬若葉，冬瓜檸檬🍋飲幾啖個口已經係超香冬瓜檸檬味😉 一講嘢就聞到😂 而且本身鍾意酸野，而佢個檸檬都好夠味😗

之前食過呢間茶飲店嘅肉鬆小貝嗰時已經好想試埋佢哋嘅蛋糕盒子最近見到除咗芋頭之外仲有埋豆乳味所以有次去開油麻地 又想食甜品 即刻諗起佢🤭〰️ 芋泥肉鬆盒子 $42其實呢款真係想買好耐 超級愛呢個配搭成日想食蛋糕盒子 自己整又好麻煩 成日都想買呢盒🤣可惜經過好幾次都遇唔上 今次先第一次食🤣佢中間嘅芋泥係比較稀 但係芋香都幾突出甜度係中度高少少 最頂有一層微咸奶蓋忌廉再撒上肉鬆 呢個價錢我會話真係好抵食🤣〰️ 豆乳盒子 $38本身其實見到呢一款冇乜特別期待因為層次好似好單調 而且價錢又好平🤣點知最頂嘅一層豆乳原來豆味幾突出Dap多幾下唔知點解仲有微微咖啡香🤣蛋糕都好濕潤 中間就係普通忌廉唯一係略嫌忌廉太厚 如果中間加多個層次應該更好🤟🏿〰️ 楊枝芋露白珍 $36係掙扎緊究竟叫邊款嘅時候 見到呢杯係TOP1又有楊枝甘露 又有芋頭 又有珍珠 就決定叫佢🤣叫咗半糖 所以對我來講個甜度啱啱好芋泥嘅份量仲好多 成大半杯都有唔係講笑成杯真係好重手好足料 飲完真係飽肚又滿足🤭

在尋找茶飲店中時，路過此店不但提供飲品外，還有特別蛋糕出售，好奇便上前點選試試。飲品餐目文字較細小，需走前小小查看，有鮮果、牛乳、芝士奶蓋、沙冰及芋頭系列飲品，還有盒子甜品與蛋糕出售。清茶重奶味奶茶底，黑糖味不太突出，燕麥加熱煮後己發脹鬆軟，多吃燕麥不經不自容易飽肚。鮮奶奶味清淡不會太溜太羶，黑糖味同樣不太突出，又不太覺有炭香或鹹香味的炭燒感，可惜有些珍珠心還未煮透到Q彈口感。海綿蛋糕表面有肉鬆與紫菜 ，可能雪過所以蛋糕較濕重，回家微波爐叮一叮，變回熱而較鬆軟的蛋糕在冬天下更窩心，原來肉鬆與紫菜跟海綿蛋糕味道頗合襯。

茶茶go 位於旺角臨近聖誕節 少不免要出外購購物順便同朋友一齊掃掃街 鋪頭係外賣的order後 好快就有得攞喇 春滿金旺鳳梨 微冰半糖欣賞微冰唔會有碎冰 唔太甜 茶底唔濃 入口好香波蘿味 成件事好解渴亦都好fresh紫菜肉鬆小方（四件）表面放滿紫菜肉鬆 一舊舊 方便放入口 咬開發現 內裏唔係包 係蛋糕黎嫁 綿密的 每啖都好滿足 飽肚芋泥肉鬆盒子盒子由雪櫃取出 頂層肉鬆 二層係cream 中層係芋泥 最底層係蛋糕 cream滑滑的 芋泥十分足料 如果係芋泥愛好者 一定會好鍾意嫁

🥢 茶茶Go係台灣過江龍茶飲店，旺角店登打士街，所以見到佢地menu都有唔少台灣特色，例如鳳梨，鮮茶，各位經過都可以試下！ 👍🏻 茶茶Go除左茶飲，仲有盒子蛋糕出售，口味都好獨特，見到週末下午都已經賣得七七八八，可惜我買唔到黎試下 ✨ 金煌楊枝甘露 $36裏面有芒果蓉同蒟蒻，口感豐富唔會太甜糖水味揾食指數: 🐄🐄🐄🐄 ✨ 楊枝芋露黑珍 $40芋頭味濃郁香甜，仲有啖啖芋蓉，珍珠煙韌有咬口揾食指數: 🐄🐄🐄🐄 ✨ 金煌芒果酸奶 $34酸奶味道開胃，中和芒果蓉嘅甜味，一定要搞勻飲揾食指數: 🐄🐄🐄🐄

位於旺角的台式茶飲店，除了各類茶飲、沙冰、珍珠奶茶外，還有盒子甜品及蛋糕，選擇甚多。奶凍入茶：珍珠奶茶奶凍珍珠奶茶是最經典的茶飲，除了有煙韌的珍珠外，底下還有絲滑的奶凍。微甜的甜度，帶淡淡奶茶香。黃金比例逮丸芋頭：逮丸芋頭2號入面有芋泥、芋圓、鮮奶。芋泥份量佔了近半，其餘就是牛奶，芋泥口感綿密，帶濃郁的芋頭味。另外還有芋圓，煙煙韌韌，口感豐富。酸奶雪見沙：草莓蜜蜜酸奶乳酸酸奶，偏甜多於酸；配上甜甜的草莓糖漿，相對較甜。

【旺角•茶茶Go】————————————————————————之前買過肉鬆小貝行山食😋今次終於見到有其他甜品選擇了😍就係盒子蛋糕，款式仲有好幾款呢！🍰芋泥肉鬆、豆乳、芒果芝士、黑糖伯爵等等。🍯｜芋泥肉鬆盒子蛋糕｜HKD42盒子蛋糕很方便take away。海綿蛋糕上加了芋泥蓉，面頭鋪上了淡忌廉和肉鬆。🍯｜春滿金旺鳳梨｜HKD36足料的飲品，入面有很多鳳梨果肉，果肉的清甜令飲品叫無糖也可以。

行街見到呢間奶茶店！好似好吸引！即刻睇睇有冇啱食先！然後下一秒就即刻order左兩杯🧃！呢度仲有甜品🍮可以食買！啱好買翻去當零食😁😁逮丸芋頭2號💰45滿滿的芋頭味道！每一啖都充滿芋頭味道！仲有芋圓珍珠可以邊邊嚼☺️金煌楊枝甘露💰36好足料啊！未飲就可以見到成杯都係料☺️☺️佢應該係加左奶乳？但係配合一齊飲好正！滿足😗伯爵黑糖盒子💰36可以配埋黑糖珍珠一齊飲，店主都好貼心分杯裝！伯爵味道濃郁，有啲似蛋糕口感，但更加絲滑！雖然天氣都好凍！但係冬天飲凍野真係別有一番滋味👍👍