影片
食完lunch咁啱经过，见到$14一杯鲜奶茶/鲜奶绿，真系好抵，加其他配料加$6，嗌咗杯鲜奶绿+珍珠，少甜少冰，$20。等候期间先醒起要上嚟睇下评价，点知两个comment都话超伏，吓到即刻search吓附近有冇其他茶饮店，如果难饮再买过第二杯🫢终于店员好快预备好嘢饮，系大杯嘅，个杯如同另一comment所讲的确冇logo，战战兢兢咁饮一啖，饮得到平时鲜奶绿嘅味道，唔算好甜，珍珠烟韧有咬口，系一杯正常嘅珍珠鲜奶绿👌🏻呢个价钱嚟讲性价比好高，如果将来再经过会encore。当然我唔肯定如果唔系鲜奶绿，而系普通奶茶底，个味会唔会差好远，不过鲜奶绿少冰少甜系OK嘅，可以一试。
继续阅读
十分后悔落单前无睇食评，上一篇的食评 「伏伏伏」完全系我心声。见外卖app落单做紧优惠买一送一，又有得减运费，除返只需要$20一杯就送到府上！一于落单试试，叫左一杯琥珀珍珠奶茶和一杯琥珀珍珠奶绿，好准时送达。一来到，发现个杯无logo，好似山寨货咁，不过是旦啦，我都唔系要打咭，但求杯野好饮。我自己饮奶茶底那杯～oh no！又无奶味又无茶味，好似甜甜地的水咁 like light syrup..... ，心谂杯野买一送一，唔通个奶茶底都要悭成本沟到咁淡？贪平无好，宁愿贵d饮第二间。
继续阅读
外卖平台免运费，夜麻麻口痕就试下，点知伏到冇朋友芝士珍珠奶茶，40蚊杯，可以淡到似饮水！！珍珠硬到咬唔到，冇茶味士多啤梨益力多，见系季节限定先order, 又系冇味既！40蚊唔系平，任何一间茶饮店应该都好味过佢。永久blacklisted
继续阅读