茶舍 (景福街)

营业中

休息中

約咗阿女去新蒲崗食飯，點知佢有事仲未放工，叫我買外賣返屋企食，知道附近有間餐廳，之前食過味道唔錯。茶舍是一間食物多元化的茶餐廳，套餐仲有熱飲送。菠蘿鮮茄三層焗豬扒飯：焗飯即叫即焗，豬扒厚身之餘十分爽嫩，炒飯用上絲苗米加雞蛋炒底，茄汁甜中帶酸，無論味道和口感也有豐富層次。魚籽三文魚蛋炒飯：用咗三文魚、魚籽和蛋炒飯，每粒飯都裹上蛋汁，粒粒分明入口更充滿蛋香，加埋魚籽同三文魚，提升口感又增添鮮味。香濃茄汁鮮蝦蜆扁意粉：大蝦彈牙，蜆肉鮮甜冇沙，扁意粉軟硬適中，掛上濃郁嘅醬汁，十分惹味。晚餐有熱飲送，熱奶茶口感順滑，茶和奶都香濃。

平時都好少去茶餐廳食一個咁邪惡嘅下午茶😈不過見有人同我share，所以今次就揀咗茶社嘅下午茶嚟試吓啦一開始對呢一間茶餐廳都冇乜好感，都係覺得普普通通一間茶餐廳雖然佢都異常地多人…•••🧀流心芝士西多 $34原先都滿心期待會點樣流心法…最後係冇流心😂😂但係！入邊嘅芝士同火腿好足料，成個西多士嘅味道都好好個包亦都唔會炸到好油！不過我建議兩個人share會比較好因為個份量都幾大🤣🤣•••🍗生炸大雞髀 $42一上到枱我即刻話咗一聲，因為隻雞髀真係好大隻味道方面亦都唔錯，不過稍為鹹咗少少但係外皮真係好脆，而且唔會炸到啲肉好乾好柴，我覺得個雞髀好高質喎！佢個餐可以配薯條或者沙律嘅，沙律我就嫌佢太多芝麻醬如果大家唔食沙律醬可以叫佢走醬🥗••••••茶舍 (景福街) (新蒲崗)新蒲崗景福街91-95號地下5-7號舖

一個讓人感到舒適😃又充滿香港風味的餐廳🍴無論是早餐、午餐、晚餐還是下午茶☕️都能在這裡找到美食的滿足🤗鰻魚肉質外層焦黃，內裡軟糯爽滑😋炒飯混合醬汁大火快炒，顆粒分明🍚每一口都能嚐到鰻魚的細膩和醬汁的香濃💦煙燻的味道和蛋炒飯完美融合🥹港式焗飯之首，必選「焗豬扒飯」🍲味道香濃，即叫即焗，夠晒熱辣辣🔥豬扒軟嫩，配黃金炒飯底😙表面更有大量芝士溶，增加口感上的層次😍炸雞非常香脆，肉質鮮嫩，口感鬆脆🍗再點上濃濃芝士醬🧀芝士迷必點之選🤩

今天係openrice下單買三文治早餐，以為包飲品，點知如來Openrice下單買三文治冇送飲品，去到門市問職員，佢哋只係用餐廳QR或門市先有包飲品，openrice係冇，即係下次冇交易，openrice買三文治及飲品，貴過門市買。

黑椒牛小排：本身對茶記牛扒冇咩期望，通常都係有啲筋/比較難咬/太熟，但呢到塊扒真係出奇地高質，冇問我要幾成熟自動比左合適既熟度，見中間仲係紅紅地就知冇過熟，咬落好淋完全冇筋！自己去超市買塊扒都差唔多呢個價，但個餐仲包埋沙律/薯條，我自己就揀左沙律，醬汁酸酸甜甜，菜又新鮮，絕對對得住價錢牛肋條蛋包飯：呢個雖然冇塊扒咁有驚喜，但蛋包飯個蛋都整得幾靚，又有好多紅蘿蔔，個牛肋條有少少乾不過見到隻色就知好入味，個飯底係有牛肋條既汁唔係淨白飯，個飯仲跟埋野飲，加左錢要左個提拉米蘇奶茶，超大杯，上面吱左好多cream，融左落奶茶到就變左台式手搖果隻奶茶味，建議堂食先嗌呢個廢事啲cream融哂食過呢間餐廳幾次，今次黎好似多左堂食優惠，同埋好多新menu，下次再黎試新野

呢日係mikiki買完嘢就揀左過對面馬路，食埋野先返屋企見佢環境闊落，坐得好舒服餐廳都幾多嘢食揀叫左三層芝士焗鮮茄牛脷飯勁多芝土，好有誠意而且係用左炒飯底，蕃茄汁味道都好香濃，撈埋落炒飯到食好正，牛脷又夠大件，加3蚊仲有凍飲。蒲燒鰻魚炒珍珠飯鰻魚質素唔錯，厚肉又大件，而且不會腥，炒飯加了木魚碎，蔥花和粟米等，口感唔錯，加埋蒲燒汁，味道會比較濃厚。仲叫左個雞翼薯條雞翼有驚喜，熱辣辣，入面好juicy。

茶舍，位於新蒲崗景福街91-95號地下5-7號舖。 餐廳位置就在mikiki對面， 下午茶多選擇，氹仔風味豬扒包+ 田園沙律$38，鮮茄午餐肉通粉+ 炒蛋火腿丹麥酥包$42、 凍奶茶$3、啡走。    ▫️鮮茄午餐肉通粉+ 炒蛋火腿丹麥酥包 ～ 大大粒午餐肉有口感， 鮮茄湯底香濃， 仲有炒蛋火腿丹麥酥，很豐富。 ▫️氹仔風味豬扒包+ 田園沙律 ～ 厚切豬扒，鬆脆豬扒包，配生菜和蕃茄，很滋味。 田園沙律清新，又健康。 ▫️凍奶茶 ～ 凍奶茶正常發揮。 ▫️啡走 ～ 啡走煉奶好少。 整體價錢合理，服務都做得好。 🏷️溫馨提示～ 整個用餐體驗均屬個人分享意見， 只作參考😊。

今日去左新蒲崗mikiki對面茶舍嗌外賣，點左幾樣又平又好食。先有菠蘿鮮茄三層焗豬扒飯，豬扒又大塊又淋，飯炒過的，很香好惹味，菠蘿同蕃茄都好味。蒲燒鰻魚滑蛋包飯，都好出色，就算買回家都好好食，鰻魚肉厚，而且喜佢嘅醬汁，甜甜地好送飯，好好味，價錢又平。最後，蒜蓉汁雞扒滑蛋飯，蒜蓉味濃，雞扒香滑保留肉汁，滑蛋飯外賣回到家都仲係滑吾好，超水準。整體，價錢合理又多野食揀，好味，位置又方便，在mikiki對面，值得推介。

今晚沒有煮飯，去附近茶舍買外賣食，最鐘意食佢地嘅焗飯，焗到超香超惹味！價錢仲要唔貴，包埋熱飲！米蘭肉醬焗意粉 $56肉醬加了洋蔥、煙肉、紅蘿蔔、菇一齊煮，食落有蔬菜嘅甜味，意粉煙韌彈牙，上層加了大量芝士，味道香濃！😋咖哩雞焗飯 $64呢到嘅焗飯必試！飯是炒飯底，雞份量多，係雞扒size，仲好軟腍，上層加了芝士焗，味道超級香濃好味👍🏻👍🏻蒲燒鰻魚炒珍珠飯 $68鰻魚炒飯聞起黎勁香☺️，面頭鋪左柴魚片，材料用左粟米粒、鰻魚粒、洋蔥粒、冬菇、蘑菇，口感非常豐富，味道一流🤤，超有驚喜😳！

地址：九龍新蒲崗景福街91-95號地舖生煎豚肉斧頭扒（鐵板）扁意粉+蒜蓉汁另上餐湯+沙津熱檸檬水共$138無需加一有多種電子付款非常大塊的斧頭扒，每一口也是厚肉，可填飽肚個餐湯水準keep得好，每次都想飲哂佢，不浪費！多種飲品選擇，最抵既係，全日都無需加一收費此分店手機apps系統更新中，未能儲分，請留意！##茶舍 ##新蒲崗

同事們今日做嘢忙到午餐都未食，而家已經係下午茶時間，去咗新蒲崗買外賣回公司食。茶舍是充滿香港風味的餐廳。無論是早餐、午餐、晚餐還是下午茶，都能在這裡找到茶餐廳的美食。蒜蓉汁雞扒滑蛋蛋包飯：飯上蓋上半凝固的滑蛋，飯粒帶有蛋漿，口感甜滑蛋味香，雞扒大塊又厚肉，加上蒜蓉汁好惹味！蛋黃煙肉卡邦尼長通粉：材料有菇和煙肉，個醬汁好濃稠，完全覆蓋晒 D 長通粉，每一啖都散發蛋黃香氣，絕妙配搭非常美味。米蘭肉醬焗扁意粉：香濃的芝士醬汁，配上絞肉，焗至金黃色，每條扁意粉都多汁美味！層層疊三文治：份量十足，層層疊的滑蛋疊到幾吋厚，加上芝士、火腿配搭三文治已經烘底，食落有多重不同口感，值得一試！每個主食都配送熱飲，奶茶同華田都好香濃夠味。

經過附近, 隨便找間餐廳食個晚飯 食物 : 星級雜扒飯, 包餐湯沙律及飲品 $168 ~ 價錢唔算特別平, 肉類大大件, 味道正常普通 紐西蘭肉眼扒配薯菜, 配餐湯沙律飲品 $138 ~ 已經叫咗5成熟, 但牛扒到來是全熟, 變得好乾，其他都是正常普通 環境 : 店內是茶餐廳格局, 光亮乾淨 服務 : 店員有禮貌 價錢 : HK$309 (無加一服務費)

放工路過，唔想煮偷懶😂就近近地入咗去！佢開咗都一段時間keep住都好多人幫襯！平日都好多人收工去食，入面好光猛，坐位亦都好舒服，唔會好逼👍🏼咖喱吉列豬扒滑蛋飯 $64勁吸引！好香！豬扒勁大塊係上面！咖哩有啲似日式個種，甜甜地，唔辣！滑蛋超嫩滑，好黃😍😍好好味！個飯好大個，食唒超滿足呀！！！！！我哋追加咗小食柚子雞件 $18有小小lone!不過酸酸甜甜好好食😌濃蝦湯海鮮湯飯 $72好豐富，好多海鮮😎有青口，魷魚，大蝦，蜆！海鮮湯鮮甜，好好飲，基本上就咁飲都已經好滿足了！食完好Full😝里個餐我哋加咗$12要沙律同餐湯！是日靚湯係薯仔湯不過不失，不過沙律就好正！超新鮮！一個餐仲有杯飲品送！嗌咗熱朱力同杏霜(竟然有😝)

今日，又帶狗仔去新蒲崗Mikki商場, 同朋友去附近狗公園一齊玩。回程時，見到Mikki對面的‘’茶舍"茶餐廳，又覺得好肚餓，所以，就諗住買外賣返屋企食。兩個套餐，加埋炒飯，同埋一個沙律都不用200蚊，認真抵食。蟹籽三文魚蛋炒飯-飯炒得好有鑊氣，一粒一粒飯，加上三文魚份量充足，非常好味。💖😍層層疊的三文治餐-三文治裡面夾上厚厚的雞旦，火和芝士，一層一層的。雞蛋很厚身，有很滑。不錯。😘千島醬海鮮pizza- pizza薄薄的, 外表香脆, 加上餡料充足，有魷魚，魚等等，非常抵食。至於， 煙三文魚沙律，三文魚很多，性價比高。😁這間茶餐廳值得推薦俾大家。

平時經開新蒲崗都會喺呢一間茶舍度食早餐🍳所以知道呢度啲食物質素都唔錯，性價比又高😜今日心血來潮想食下午茶，於是外賣，食物質素一如以往🥰好味道🤓❤️蒲燒鰻魚炒珍珠飯，珍珠飯粒粒分明，上面鋪咗啲木魚絲，而且鰻魚足料，好惹味😋❤️菠蘿鮮茄三層焗豬扒飯，焗飯質素相當唔錯，豬扒外脆肉嫩😉而且啲鮮茄醬係我鍾意嘅港式味道，啖啖肉再配埋菠蘿嘅鮮甜，絕配😈❤️HITEA百搭，呢個真係好多選擇，我就揀咗迷你鮮茄湯通粉同脆炸雞翼，脆炸雞翼相當出色，雖然外賣，但依然做到外脆入邊勁Juicy🤗好後悔冇嗌多一碟添🫣雖然外賣都好好味，但下次都係要堂食😋哈哈