茶緣 (已結業)

飲過開到成行成市嘅連鎖台灣水果茶，揀左微糖都係好甜好濃，得幾片薄薄嘅生果就幾十蚊，飲完仲會口渴好想飲水，試左一次都冇再飲。天氣熱，行過呢間小店，就決定試下。點左超級水果茶，想要走冰走甜，店長話如果走甜飲落會酸，所以都幫我加少少糖。整好後知道我即刻飲，所以都我整埋飲管，仲跟埋隻叉，好貼心雖然加左少少糖，但飲落好清爽，冇咩甜嘅感覺，紅茶味清香、解渴。入面有火龍果、百香果、菠蘿、提子、蘋果，約佔1/3杯，全部鮮甜多汁以後再想飲水果茶，一定揀呢間唔揀大牌子！

店主好有心機為我地講解，因為大部分都係凍飲，而我地想order熱飲，所以店主好有耐性同我地講解邊款飲品可做熱飲。最後揀咗一杯熱雪梨菊花茶同一杯熱烏龍茶。首先講雪梨菊花茶，好有驚喜，店主知我唔鍾意太甜，所以冇額外加糖，所以整杯茶好清新，甜度恰到好處，飲到雪梨嘅香甜又帶出菊花嘅花香，而且仲有一朵朵嘅菊花食到，好特別。另外係烏龍茶，雖然冇花巧嘅襯一，但咁先飲到茶香，而且甘度剛好，冇苦澀味。整體感覺很好，一定會再幫襯。

在屋苑附近開了間新的茶飲小店，看著店外的飲品廣告如此吸引，便前來一試。茶飲都會有每天期間限定推出，希望小店能繼續抱著誠意地製作出有水準飲品。******************************茶緣是一間開放式的茶飲小店，都以外賣為主。店外也放著一些飲品推介，賣相也很吸引。茶飲選擇也不少，包括了水果茶、泡泡茶、原茶和奶茶，還可以另加配料，價錢由HKD17-HKD32不等。每天都有不同的期間限定，是日有紫醉金迷，就在推介板旁邊紫色的飲品，以碟豆花沖製而成。另一杯是百香果多多飲品，以乳酸飲品、百香果和綠茶所調製而成。選上了少甜少冰的百香果多多 HKD28，百香果味清香，但因為選了少甜少冰，有點微酸，配上綠茶都好飲。只可惜多多的乳酸味道不重，如果多一點會更加好。

第一次飲呢個店長推介～果然冇介紹錯，大人細路都好啱飲，夏天消暑解渴超正啊～～～味道仲好清新又唔會好甜，平時如果驚飲珍珠奶茶怕肥怕甜，呢個真係真心推介～仲有～～～店長都超nice 又有禮～～～誠意推介啊👍🏻👍🏻👍🏻👍🏻

妹子話佢屋企樓下開咗一間新嘅珍珠奶茶叫我試吓妹子話呢間冇得揀少甜半糖.....etc因為佢地話標榜原創已經係冇咁甜😏第一啖飲落去又真係冇咁甜喎😏係有少少一點嘅茶香味因為奶味都唔係好重唔知道佢哋嘅少甜係喺個奶到調配定係喺個糖水到調配呢🤔雖然同坊間嘅珍珠奶茶味道爭好遠不過感覺健康一啲👍🏻👏🏻而且啲珍珠都OK煙銀份量都唔少，都幾大杯㗎👍🏻不過可能我隔咗一陣先飲，D冰又溶左少少所以個味道再淡啲😅😅😅