茶皇殿

营业中

休息中

🍽️茶皇殿 (旺角)📍旺角奶路臣街33號依利大廈2樓 1. 開茶-人參烏龍茶 $15/位🫖一坐低開壺靚茶，是常識吧！呢一款人蔘，烏龍茶有淡淡的人參味，茶底唔算太濃，芳香回甘，飲落去好舒服。2. 燒味 $1 🐷佢哋嘅一蚊燒味有清遠走地雞，茶皇殿燒鵝皇同極品乳豬。我今次就食咗佢哋嘅極品乳豬，香脆可口，好新鮮。佢哋自設烤爐，超抵食質素高！3. 茶皇殿小炒皇(又足料) $118🍤擁有大廚級鑊氣既小炒皇，有韭菜花，蝦仁，腰果等等！唔單止有鑊氣，而且好足料，蝦仁好彈牙，真係好抵食。4. 茶燻雞$128🐔呢一款係必食嘅菜式之一，佢哋嘅茶燻雞茶香味濃，有少少煙燻過嘅感覺！食落去啖啖肉，好Juicy，真係食唔停口。5.鮮菠蘿咕嚕肉 $98 🐷佢哋嘅咕嚕肉份量好多，加埋新鮮嘅菠蘿，酸酸甜甜，好開胃！咕嚕肉做得好香脆外脆內軟，出邊有啲咕嚕汁，真係食完一舊又一舊。💖P.S. 佢哋環境好光猛 ，地方都好闊落，坐得好舒服！服務質素都好唔錯，店員都即叫即到，好熱情。佢哋啲嘢真係平靚正，而且好熱鬧，同屋企人朋友飲茶食飯最好不過！

茶皇殿朋友講有$1燒味，仲要勁近旺角返工，就決定八點多平日來吃飯，來到都幾大間而且乾淨，待應仲講$1燒味有幾款，而我想要的燒鵝仲有勁開心人參烏龍茶 甘味十足帶點烏龍香，在酒樓比較少見到款茶$1咁抵食梗要了 燒鵝 來到份量都幾大份，細問返原來自設烤爐怪唔得幾新鮮，皮仲有點脆口，這裡的酸梅醬好味道配燒鵝不錯真心推介來吃小炒皇勁惹味有鑊氣，份量不少入面配菜都好多，仲要腰果增加口感脆皮農家雞，皮帶脆而且雞肉比心目中嫩滑，味道夠不用沾汁都好味炸豆腐粒味道正常幾滑身不太咸，最後當然再叫多2個白飯，結帳$402/2人都合理價而且份量多都食唔晒

今日放假就同媽咪去飲下午茶🫖去左位於旺角既茶皇殿二點下午茶時間一遇到媽咪就係瘋狂叫既模式 不過茶皇殿性價比好高 勁抵食 食物亦都好有質素🤤開左人參烏龍茶 我第一次飲真心愛上 芳香回甘又甜甜地 好特別 好推介 試過就明🤍貴妃雞/燒腩仔 配瀨粉🍜一上枱勁開始 係雞脾啊🤣皮滑肉嫩緊係同媽咪兩份食 而燒腩仔都脆卜卜 勁正蟹籽燒賣皇/鮮蝦黃金雲吞/櫻花蝦潮州粉果燒賣就一定飲茶必叫🤭炸雲吞係媽咪favourite!! 粉果皮滑煙韌 入面仲有櫻花蝦好惹味南瓜流心煎堆個外型勁得意 超級脆口同埋非常流心又唔會辣親嘴🤤係我至愛既奶黃孖寶 咖喱蒸爽肚x 墨魚汁脆皮腸粉🤍孖寶價勁抵$49.8🤭豬肚非常爽口 而墨魚汁脆皮腸粉做到皮薄內脆😍滑嘟嘟既黑色外皮包住脆皮 勁有口感 成舊入口大滿足

點了「懷舊黑椒爽肚」，端上來馬上吃，兩人都發覺爽肚還是冰的。未加熱足夠的當然不能吃，叫帶眼鏡爆炸頭紥馬尾的女經理換新的，她先聲奪人，態度惡劣，但她說換新的可以，結果等了二十分鐘，端了少了兩件半滿的爽肚過來。結果向另一位男經理投訴，再等了十分鐘，才有一籠正常的爽肚。總結，食物質素一般，價錢唔係平，服務態度極差，如果唔係因為地點方便又近，都唔會嚟，旺角附近都有其他酒樓，下次寧願行遠少少都唔會再過嚟食嘢，真心不推薦。

喺附近整完嘢啱啱好下午茶時間，之前上網見到有人推介呢間嘅天水圍分店，依家先嚟試吓旺角分店嘅食物先😎⭐️金沙海皇炒飯$68啲飯有好用嘅蛋香，炒到粒粒分明，而且份量都多，好味抵食又飽肚。下午茶時間有孖寶套餐，可以任點餐單上嘅指定兩種點心。⭐️茶市孖寶A $32.81️⃣櫻花蝦潮州粉果 入面料都幾足，有埋炸花生餡食落幾香口😋2️⃣豉汁蒸鳳爪⭐茶市孖寶B $49.81️⃣杏汁花膠灌湯餃😡😡😡呢個灌湯餃真係等咗超耐，所有炒飯點心全部食晒佢都仲未嚟，同個高大短髮嘅職員講咗幾次，佢淨係識叫我等吓睇個餃嚟唔嚟，後尾我細心觀察佢，佢根本冇跟進過個問題！冇去點餐機嗰度睇吓有冇漏單，亦都冇入過去廚房嗰度幫我問😡我足足等咗個幾鐘，到後尾再加多個馬拉糕點心，馬拉糕勁快上，但依然都未見我一直等緊又催左幾次嘅杏汁灌湯餃！因為太想俾媽媽食呢個灌湯餃所以我堅持等，而冇去取消呢度單。到最後另一個男經理過嚟幫我處理，佢用咗1分鐘嘅時間就入咗廚房去了解情況，然後再同我講番廚房留咗單，即刻做俾我，大概等15分鐘。結果15分鐘後個湯餃都係未見蹤影😫，同時間另一個職員要埋數走過來叫我埋單，然後我哋又重複一次同佢講咗個情況。然後佢笑笑口走咗冇任何處

服務態度奇差，7:00到，好多菜式已經賣完，菜牌上好多菜式都沒有，汽水只有無糖，白飯太多水，菜式色香味都不達標準。樓面經理可以指客人做野，拿東取西。不會再有下次幫襯。上菜時叫客人自己放碟菜上枱，自己放？奇才。不知所謂的服務態度，你有你講，她有她做，簡直垃圾之中的垃圾。沒有－碟餸看得上眼，食得入口。我巳經要求不高，已忍了很久，員工還得寸進尺，令人失望到極點，忍無可忍。你免費請我再來都不會來，免心煩氣頂，要避之則吉。

我係附近住既街坊，其實我好少寫食評，但今次好差，飲餐茶要俾人鬧我真係好唔鍾意。我地係年初四大約11:40入去幫襯既，咁一行四人得閒就去飲茶啦，我哋平時去開其他地方飲既，不過見好少黎呢間就試下啦。我地見佢門口有得㩒飛，就㩒咗張B008，我地見其實就叫緊B004，咁應該等多4張就到我哋啦。同埋個陣門口都冇乜人既，我地估應該好快到既。過咗一陣就見到有一批10幾個人落咗樓，心諗應該好快位啦！跟住見到有啲人話識人，又有人話book咗位既，個啲人係冇飛既咁就上咗去。咁我都明既酒樓都有啲熟客會插隊，就繼續等囉。咁過多陣就見到又有陸續10至20個人行落樓梯，咁我諗點都到我啦？？佢又再放咗啲熟客入去，咁我真係等咗好耐，叫飛個system 都冇郁過，咁我就走埋去問佢，我㩒咗飛等4張，你上面走咗咁多人都冇位？你一個number都冇叫過。佢話有啲人book咗位個啲係8至12人就要放人入去先，同埋有人book咗12點半放唔到枱，我就話佢：我㩒咗飛架喎，你放上去咁多個都係4人枱架喎，我聽住你同上面講架，可唔可以跟返number叫飛呀？係真係唔公平，所以就出咗聲。佢話我：咁人地book咗位就係先過你架嘛！我話：咁你

長輩相約假日茶聚吃點心，我家老闆選擇了旺角奶路臣街的「茶皇殿」，取其地點在旺角東站樓下非常就腳，而且價錢也大眾化。這茶樓前身其實是有點名氣的平民酒家「泉章居」，酒家超過三十年歷史，印象中我由孩提時代已跟家人來吃晚飯，也在不同的年代跟不同的朋友在這裡飯聚，算是其中一個我充滿回億的地方。由於今次我們人多，我家老闆又可以瘋狂點選食物，實在我們一共吃了幾多點心我都數不清，只留意到這裡的食物水準尚佳，9個人吃得飽飽才千二大元有找，水滾茶靚坐得舒適，唯一美中不足是這茶樓位於一樓，老人家必須爬一層樓梯才走得上來。

多次惠顾茶市，都觉得茶市食物美味，点心款式设计精美，天鹅荔茸酥鬆脆，天鹅造型精美，清汤从容鲜竹卷，可口爽脆，墨汁香脆肠粉，很特别的墨汁，馅料是用萝蔔丝做的口感特别，清淡可口，每次必吃猫山王榴莲香榚，超级美味。炒粉麵饭亦十分可口，肉丝炒麵造型特别，是每个独立麵饼的，酱汁不是淋在面条上，令麵条吃起来鬆脆乾爽。可能是刚开放每枱用餐人数及早前员工流失，人手较为紧张，有点短缺，辛苦晒饮食界啲员工，请多多努力💪🏻💪🏻

一行5人黎到開張不久既茶皇殿（泉章居舊址）試試佢既晚飯小菜😌有1蚊燒鵝/乳豬/雞優惠（按人頭決定份量）😍==========🔹茶皇殿燒鵝皇（$1, 5-8人有半隻😎）原本對於1蚊優惠不抱期望，諗住會偷工減料點知黎到見到真係足半隻，而且煙燻味好重，同平時出面食到既燒鵝味道唔同，個人幾鍾意😋😋鵝味濃郁，遺憾鵝肉偏實而且燒得燶左少少推介指數：7/10==========點左$688套餐，可在A 及B 類各選一款，C 類選3款==========🔹A 類揀左上湯龍蝦焗伊麵+$100龍蝦份量好多，龍蝦肉爽口彈牙，嫩滑鮮甜，非常新鮮🤤🤤上湯底做出黎有d 似芝士焗既效果，幾"杰"身，味道鮮甜，伊麵唔會煮到太淋，口感唔錯🥳推介指數：9/10==========🔹B 類揀左蒜蓉粉絲蒸大元貝蒜蓉係炸蒜，份量唔少不過蒜味未算突出元貝新鮮度只屬一般，唔係太鮮味，肉質唔係太實淨，唔係太有咬口既一種🥸相對其他菜式比較遜色推介指數：5/10==========C 類有多款小菜可供選擇我地揀左：==========🔹西蘭花花枝炒帶子（單點價$188)份量十足，西蘭花非常碧綠，賣相一流👍🏻師傅煮野既時間拿捏得好，所有小

2022年7月19日，大晴天，高温，大陽伯伯太給力，曬得人差點就中暑，找個地方躲太陽兼吃午餐。旺角泉章居結業後，現在是茶皇殿，就在這裡吃午餐，點了以下的：#普洱茶：配燒味和點心，解油膩。#四寶飯：燒肉、叉燒、豉油雞、鹹蛋(半隻)配白飯和白灼菜心(小量)，不錯的午餐組合，四寶中最好味是燒肉，皮脆肉香，yummy！#香煎蘿蔔糕：足料，吃到蘿蔔絲，好！#姬松茸鮮竹卷：看不到亦吃不出有姬松茸，給了蟲草花，味道比較清淡。#斑蘭糯米卷：外皮加了斑蘭，是青綠色，餡料除了糯米，加了很多花生，不錯。不錯的午餐。

大閘蟹餐$368，真係平嘢無好蟹！首先大閘蟹係一次過上，食到最後就一定凍晒。其他套餐啲餸都係一次過上齊，都唔知食得邊樣。食大閘蟹係想食蟹膏，但啲膏仲渣過啲普通蟹，蟹肉係梅既！

第一次嚟呢度，見前面啲食評都唔錯，諗住帶埋爸媽嚟試吓。見到樓下餐牌有美國桶蠔加花雕蒸蟹，好似好吸引，就諗住試吓。點知坐低，侍應話冇美國桶蠔，冇貨返。心諗，桶蠔好普通咋喎，連我老媽都話周圍都有得賣啦，點會冇㗎。算啦，因為我想食花雕蟹，就轉叫佢哋馳名燒鵝、花雕蟹。點知，啲蟹一上枱係三隻完全冇洗過嘅奄仔蟹，一打開蟹蓋，直程係有一浸坑渠味🤮，好污糟，完全食唔落。另外碟燒鵝，除咗有隻髀有三四舊肉之外，其他嗰兩排全部唔係肉，係皮加肥膏，啲有肉嘅脾，我讓左比父母食之後，基本上我只係食咗一嚿鵝肉，老實講，我覺得好唔對板；所以我諗我下次唔會再有信心上嚟幫襯！唔明點解咁嘅食物質素，都坐滿座？

We are the regular customer of 茶皇殿.We usually ordered chicken feet with abalone sauce, their special fried spring rolls, cha siu bao and my all time favourite 流沙包. Let's have a look of their 流沙包. Their 流沙包 looks really pretty as shown in picture. It looks purple with shimmering golden powder outside. The egg yolk custard tastes really good and smooth.The staff there were friendly and helpful.Would love to go back again and again for our weekend family gathering.

環境幾闊落，不過樓底唔高。新開張幾乾淨企理，唯獨冷氣差d，可能近日實在太熱。一行5人點左$788餐，有5款小菜，仲可以$1叫半隻燒鴨、雞或乳豬。揀左燒鴨：💕$1燒鵝皇(半隻)，勁大份，燒鵝皮脆，鵝油勁香，一咬下肉汁豐富，滿口香氣，非常滋味，yummy😙晚市ABC 餐$788🦞上湯焗龍蝦伊麵(1隻）：龍蝦份量唔少，多肉彈牙，不過伊麵太腍豉椒炒海花甲（例）：花甲一般般，都算肥，不過差點鑊氣🦐黑松露珍菌蝦球：完全食唔到黑松露味，非常清淡🔥黑椒牛仔骨煲：夠晒熱辣辣，牛仔骨又入味又腍，睡份量勁多，大滿足🥳❣️招牌鮮菠蘿即炒咕嚕肉：用上新鮮菠蘿，咕嚕肉炸粉薄，唔錯🤩最後本來想食甜品，點知冇楊枝甘露，美中不足，唯有轉場再食。